Bukavu
Bukavu ye una ciudá de la República Democrática d'El Congu asitiada a orellar suroeste del llagu Kivu y la capital de la provincia de Kivu del Sur. La ciudá cunta con unos 245.000 habitantes, y otros 250.000 viven na periferia y nos poblaos d'alredor.
 Bukavu | |
|---|---|
 | |
| Alministración | |
| País |  República Democrática d'El Congu |
| Provincia | Provincia de Kivu del Sur |
| Tipu d'entidá | llocalidá fronteriza |
| Nome oficial |
Bukavu (fr) Costermansville (fr) |
| Xeografía | |
| Coordenaes | 2°30′00″S 28°52′00″E / 2.5°S 28.866666666667°E |
  Bukavu Bukavu (República Democrática d'El Congu) | |
| Superficie | 60 km² |
| Altitú | 1498 m |
| Más información | |
| Fundación | 1901 |
| Estaya horaria | Horariu del África Central |
| Llocalidaes hermaniaes | Palermo |
| mairiedebukavu.net | |
 | |
Bukavu foi fundada en 1901 poles autoridaes coloniales belgues. Llamada primero Costermansville, n'honor a Paul Costermans, acoyía una importante población europea sol réxime colonial.
Nella perpetáronse numberoses violaciones, matances y Crímenes de guerra ente 1996 y 2006 per parte de les tropes de los militares rebalbos pertenecientes al Reagrupamientu Congolés pa la Democracia (RCD), cuantimás el xeneral Nkundabatware y el coronel Mutebesi.
En 2004, la ciudá foi escenariu de sangrientos combates ente los rebeldes y les tropes gubernamentales.
Educación
editar
Con respectu al sistema educativu congolés, Bukavu tien munches escueles primaries. Estes acueyen alumnos d'ente 6 y 12 años. La educación primaria dura 6 años y con ella llógrase'l certificáu d'estudios primarios. Los alumnos tienen de superar controles regulares a lo llargo del cursu. Los que nun consiguen superar diches pruebes tienen de repitir cursu.
Tres la primaria llega la escuela secundaria, que cunta con un ciclu d'orientación y humanidaes. Los alumnos son almitíos nun ciclu d'orientación dos años dempués de la so certificación. Ye ésti un tueru común que dexa afondar la formación primaria, pero abre tamién opciones pa quien quieren estudiar humanidaes. El post-ciclu d'orientación dura 4 años.
En Bukavu, les escueles más conocíes son el Collège Alfajiri, el Lycée Wima, el collège Kitumaini, el institut Bwindi, la école polytechnique o ITFM...
Tola provincia cunta con una rede d'escueles secundaries. A la fin del ciclu ye necesariu superar los exámenes d'Estáu, que s'entamen a nivel estatal y apurren a quien los superen un Diploma d'Estáu. Una vegada llográu ésti, los alumnos pueden ingresar na Universidá o n'Institutos Cimeros.
Bukavu cunta cola Universidá Católica de Bukavu, la Universidá protestante (UEA), el Institut Supérieur Pédagogique (ISP), el Institut supérieur de Développement Rural (ISDR), Institut Supérieur des Techniques Médicales...
Comuñes
editarVer tamién
editarReferencies
editarEnllaces esternos
editar
Wikimedia Commons acueye conteníu multimedia sobre Bukavu.- Mapa detalláu de Bukavu
- Semeyes de Bukavu, xunu de 2004
- Informaciones sobre Bukavu
- Universidá Católica de Bukavu Archiváu 2018-08-31 en Wayback Machine
