Burganes de Valverde
Burganes de Valverde ye un conceyu d'España, na comunidá autónoma de Castiella y Lleón, dientro de la provincia de Zamora, asitiáu na contorna de Benavente y Los Valles. Nel términu municipal atópase la llocalidá d'Olmillos de Valverde.
 Burganes de Valverde | |
|---|---|
 | |
| Alministración | |
| País |  España |
| Autonomía |  Castiella y Lleón |
| Provincia |  provincia de Zamora |
| Tipu d'entidá | conceyu d'España |
Alcaldesa de Burganes de Valverde (es)  | Atilana Martinez Mayado |
| Nome oficial | Burganes de Valverde (es)[1] |
| Códigu postal |
49698 |
| Xeografía | |
| Coordenaes | 41°55′19″N 5°46′51″W / 41.922°N 5.7808°O |
  Burganes de Valverde Burganes de Valverde (España) | |
| Superficie | 33.03 km² |
| Altitú | 706 m[2] |
| Llenda con | Faramontanos de Tábara, Friera de Valverde, Navianos de Valverde, Villanázar, Milles de la Polvorosa y Bretocino |
| Demografía | |
| Población |
617 hab. (2023) - 348 homes (2019) - 315 muyeres (2019) |
| Porcentaxe | 0% de provincia de Zamora |
| Densidá | 18,68 hab/km² |
| Más información | |
| Estaya horaria | UTC+01:00 |
| aytoburganes.es | |
 | |
Historia
editarA lo llargo de les diverses terraces fluviales más elevaes del ríu Tera, sobremanera nes paraxes de les Jaricas y los Trigales, hanse documentáu interesantes restos líticos prehistóricos pertenecientes al Paleolíticu Inferior, Mediu y Superior, como bifaces, raspadores, raederas y puntes de téunica Levallois. En tol so términu municipal topáronse numberosos hachos apolazaos de distintos tamaños y formes, popularmente llamaes chispes o piedres de rayu, tipológicamente de la Edá del Bronce. Mientres les obres de pavimentación y alcantarelláu de la llocalidá apaecieron restos de cerámica negra de textura tipo Pereruela con incisiones, que recuerda a la cerámica tipu Sotu de Medinilla de la Edá del Fierro, sobremanera na Plaza de la Ermita, llugar onde esistió una advocación a san Roque.
Sía que non, la fundación de l'actual llocalidá de Burganes paez remontase al procesu repoblador entamáu polos reis lleoneses nel valle de Valverde mientres l'Alta Edá Media.
Na paraxa de Beluria, dientro del so términu municipal, esistió un pobláu hasta'l sieglu XVII, con una ermita dedicada a Santiago. Tamién na paraxa llamada Les Hiruelas, cercanu a les escueles comarcales, topáronse numberosos restos de dómina romana y visigoda, atopaos por causa de les estroces producíes nel xacimientu poles socesives ampliaciones de la carretera de circunvalación. Según les últimes escavaciones esi llugar pudo tar habitáu hasta'l sieglu X, momentu nel qu'apaecen les primeres referencies escrites a Burganes de Valverde.
Unu de los restos visibles más antiguos de la llocalidá ye la so ilesia; dedicada a El Salvador, amuesa una espodada espadaña típica d'estes tierres, que la so cúpula foi restaurada nel sigo XVIII tres el terremotu de Lisboa. A finales de los años sesenta del pasáu sieglu'l templu sufrió una fonda remodelación y cambéu nel so fisionomía interior y esterior. Nesta remodelación, retiróse'l portal de la cara norte col so artesonado mudéxar, y nel so interior sumieron los pequeños retablos barrocos de les capiyes llaterales. El so teyáu de texa árabe foi sustituyíu por cayuela. El portal sur foi zarráu y la so cúpula sustituyida por techu planu.
Mientres tola Edá Moderna, Burganes foi una de les llocalidaes que s'integraba na provincia de les Tierres del Conde de Benavente, formando parte de la receptoría de Benavente y la so Tierra.[3] Sicasí, al reestructurase les provincies y crease les actuales en 1833, Burganes pasó a formar parte de la provincia de Zamora, dientro de la Rexón Lleonesa.[4]
Economía
editarPertenez a la indicación xeográfica, con derechu a la mención vinu calidable, de Valles de Benavente.[5]
Demografía
editarSegún datos del INE del añu 2012, el conceyu cunta con una población de 754 habitantes (de los cualos 426 pertenecen a la llocalidá de Burganes de Valverde y el restu a Olmillos de Valverde) y una densidá de población de 22,83 hab./km².
| Gráfica d'evolución demográfica de Burganes de Valverde ente 1900 y 2017 |
 |
| Fonte Institutu Nacional d'Estadística d'España - Ellaboración gráfica por Wikipedia. |
Fiestes
editar- 1 y 2 de mayu, n'honor a la Virxe de mayu.
- 6, 7 y 8 d'agostu, n'honor al so patrón, El Salvador.
Ver tamién
editarReferencies
editar- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ URL de la referencia: https://www.aemet.es/es/eltiempo/prediccion/municipios/burganes-de-valverde-id49029.
- ↑ Salgado Fuentes, Carlos Javier (2016). Universidá de Salamanca: La evolución de la identidad regional en los territorios del antiguo Reino de León (Salamanca, Zamora y León) (en castellanu), páx. 149-150.
- ↑ «Real Decretu de 30 de payares de 1833 sobre la división civil de territoriu español na Península ya islles axacentes en 49 provincies» (castellanu). Gaceta de Madrid.
- ↑ ORDE AYG/1942/2004, de 22 d'avientu, pola que se reconoz el V.C.P.R.D. «Vinu calidable de los Valles de Benavente» y apruébase el so Reglamentu.
Datos: Q642892
Multimedia: Burganes de Valverde
