Cécile Aubry
Cécile Aubry (3 d'agostu de 1928, XVI Distritu de París – 19 de xunetu de 2010, Dourdan)[3] foi una actriz cinematográfica, autora y guionista y direutora televisiva francesa.
Cécile Aubry | |
|---|---|
.jpg) | |
| Vida | |
| Nacimientu | XVI Distritu de París[1], 3 d'agostu de 1928[2] |
| Nacionalidá |
 Francia |
| Llingua materna | francés |
| Muerte | Dourdan[1], 19 de xunetu de 2010[2] (81 años) |
| Sepultura |
Cementerio de Montrouge (es)  |
| Causa de la muerte | cáncanu de pulmón |
| Familia | |
| Casada con |
Si Brahim el Glaoui (en) |
| Fíos/es | Mehdi El Glaoui |
| Estudios | |
| Estudios |
Cours Simon (es) |
| Llingües falaes | francés[2] |
| Oficiu | novelista, direutora de televisión, guionista, escritora de lliteratura infantil, actriz de cine, direutora de cine |
| IMDb | nm0041438 |
 | |
Biografía
editarEl so verdaderu nome yera Anne-José Madeleine Henriette Bénard, y nació en París, Francia.
Aubry empezó la so carrera artística como baillarina, y a los 20 años d'edá robló un contratu con 20th Century Fox. La so gran oportunidá llegó col filme de Henri-Georges Clouzot Manon (1949), que consiguió'l Lleón d'Oru del afamáu Festival Internacional de Cine de Venecia. Gracies a ello llogró un primer papel xunto a Tyrone Power y Orson Welles nel llargumetraxe empobináu por Henry Hathaway The Black Rose (1950). Tamién tuvo una destacada interpretación nel filme de Christian-Jacque Barbe-Bleue (1952), unu de los primeros títulos franceses producíos en color.
Mientres un curtiu periodu de tiempu consiguió trabayar con ésitu en Hollywood y roblando un codalosu contratu con Fox. Emplegó a los sos padres como equipu publicitariu, apaeciendo regularmente en revistes cinematográfiques franceses como exemplu de la perfecta femineidad francoamericana.[4]
La so carrera nel cine foi curtia, viéndose atayada pol so matrimoniu de seis años de duración con Si Brahim El Glaoui, el fíu mayor de pasha de Marrakech. Por ello anunció'l so retiru en 1959, afirmando que namái esfrutara del cine poles sos oportunidaes pa viaxar. Dempués dedicóse a escribir llibros infantiles y hestories pa programes televisivos infantiles, tou ello con considerable ésitu.[4][5] En Francia foi conocida pola so serie televisiva infantil Poly, alrodiu de un rapazu y un caballu, y por Belle et Sébastien, adautación televisiva de los sos llibros. El personaxe principal en dambes series yera interpretáu pol so fíu, Mehdi El Glaoui (acreditáu como "Mehdi").[6]
Cécile Aubry finó'l 19 de xunetu de 2010 por causa de un cáncer de pulmón en Dourdan, Francia a los 81 años.[3] Foi soterrada nel Campusantu de Montrouge, en París.
Referencies
editar- ↑ 1,0 1,1 «Expediente de personas fallecidas». Consultáu'l 14 xineru 2022.
- ↑ 2,0 2,1 2,2 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ 3,0 3,1 «Mort de Cécile Aubry, auteure du feuilleton télévisé "Belle et Sébastien"». Le Monde. 20 de xunetu de 2010. http://www.lemonde.fr/carné/article/2010/07/20/mort-de-cecile-aubry-auteure-du-feuilleton-televise-belle-et-sebastien_1390287_3382.html.
- ↑ 4,0 4,1 «Belle and Sebastian author Cecile Aubry dies at 81». Big Cartoon Forum (20 de xunetu de 2010). Archiváu dende l'orixinal, el 24 de xunetu de 2011.
- ↑ Perrone, Pierre (31 de xunetu de 2010). «Cécile Aubry: French actress who went on to create the much-loved children's TV series 'Belle et Sébastien'». Independent (Londres). http://www.independent.co.uk/news/obituaries/ccile-aubry-french-actress-who-went-on-to-create-the-muchloved-childrens-tv-series-belle-et-sbastien-2040068.html. Consultáu'l 14 d'agostu de 2010.
- ↑ «Belle And Sebastien». A Television Heaven Review. Archiváu dende l'orixinal, el 14 d'abril de 2011. Consultáu'l 22 de xunetu de 2010.
Enllaces esternos
editar- Cecile Aubry na Internet Movie Database (n'inglés)
- Cécile Aubry n'AllMovie (n'inglés)
- Actress, author of TV's 'Belle and Sebastian' dies at 81. 20 de xunetu de 2010. http://news.yahoo.com/s/afp/20100720/en_afp/filmtelevisionentertainmentfrance_20100720163248.
Datos: Q259979
Multimedia: Cécile Aubry
