XVI Distritu de París
El XVI Distritu de París (XVIᵉ arrondissement de Paris, en francés) ye unu de los 20 distritos de París, Francia. Tamién conocíu pol nome de Arrondissement de Passy, ta asitiáu na marxe derecha del Sena, llinda al norte col XVII y VIII Distritos; y al sur y este col Sena y el XV y VII.
| XVI Distritu de París | |||
|---|---|---|---|
 | |||
| |||
| Alministración | |||
| País |  Francia | ||
| Organización territorial | Francia metropolitana | ||
| Rexón |  Islla de Francia | ||
| Departamentu | [[d:Special:EntityPage/Q1142326|10px | ||
| Coleutividá territorial francesa con estatus especial |  París | ||
| Tipu d'entidá | distritu municipal | ||
| Cabezaleru/a del gobiernu | Danièle Giazzi | ||
| División |
ver
| ||
| Xeografía | |||
| Coordenaes | 48°51′49″N 2°16′35″E / 48.863611°N 2.276489°E | ||
 | |||
| Superficie | 7.91 km² | ||
| Llenda con | VII Distritu de París, VIII Distritu de París, XV Distritu de París y XVII Distritu de París | ||
| Demografía | |||
| Población | 162 061 hab. (1r xineru 2021) | ||
| Densidá | 20 488,12 hab/km² | ||
| Más información | |||
| Fundación | 1860 | ||
| mairie16.paris.fr | |||
 | |||
Esti distritu —qu'inclúi los barrios residenciales d'Auteuil y de Passy— acueye a un gran númberu d'embaxaes y ye tamién onde s'atopa la famosa Avenue Foch, la más amplia vía urbana de París. Alluga, amás, l'estadiu Parc des Princes, sede del club de fútbol Paris Saint-Germain; el Stade Roland Garros, sede del tornéu homónimu, y el Stade Jean-Bouin, sede del club de rugby Stade français Paris. Tamién s'atopa nesti distritu'l Bois de Boulogne.
Alministración editar
El distritu ta estremáu en cuatro barrios:
- Barriu d'Auteuil
- Barriu de la Muette
- Barriu de Porte-Dauphine
- Barriu de Chaillot
El so alcalde actual ye Claude Goasguen (UMP). Foi escoyíu en 2008 por seis años.
Xeografía editar
La superficie d'esti distritu ye de 16,305 quilómetros cuadraos, pocu más de la metá de los cualos consisten nel parque del Bois de Boulogne. Escluyendo'l Bois de Boulogne, la so superficie ye de 7,846 quilómetros cuadraos. Ye'l distritu más grande en París en términos de superficie.
Demografía editar
El XVI Distritu algamó la so máxima población en 1962, cuando había 227.418 habitantes. Nel últimu censu (1999), la población yera de 161.773 habitantes. El distritu 16 ye l'escenariu d'una gran actividá empresarial; en 1999, acoyó 106.971 puestos de trabayu.
El XVI Distritu ye consideráu comúnmente la zona más rica de París (veanse Neuilly-Auteuil-Passy), de lo cual ye característicu l'allugar dalgunos de los más luxosos inmuebles de toa Francia. Tamién ye l'únicu distritu de París estremáu en dos códigos postales. El códigu postal de la parte sur del distritu ye 75016, ente que el de la parte norte 75116.
| Añu (censu nacional) |
Población | Densidá (hab. per km²) (escluyíu'l Bois de Boulogne) |
|---|---|---|
| 1872 | 43 332 | 5523 |
| 1954 | 214 042 | 27 280 |
| 1962 (picu de población) | 227 418 | 28 985 |
| 1968 | 214 120 | 27 290 |
| 1975 | 193 590 | 24 674 |
| 1982 | 179 446 | 22 871 |
| 1990 | 169 863 | 21 650 |
| 1999 | 161 773 | 20 619 |
| 2005 | 149 500 | 19 054 |
Llugares d'interés editar
- Edificios oficiales y diplomáticos:
- Sede de la OCDE.
- Esti Distritu acueye un gran númberu d'embaxaes y consulaos, como por casu:
- Embaxada d'Arxentina
- Embaxada de Bolivia
- Embaxada de China
- Embaxada de Dinamarca
- Embaxada d'Exiptu
- Embaxada d'España
- Embaxada de Filipines
- Embaxada de Grecia
- Embaxada d'Hondures
- Embaxada de la India
- Embaxada d'Irlanda
- Consuláu d'Italia
- Embaxada de Marruecos
- Embaxada de Méxicu
- Embaxada de Nicaragua
- Embaxada de Perú
- Embaxada de Portugal
- Embaxada de Rusia
- Embaxada de Turquía
- Consuláu d'Uruguái
- Embaxada de Venezuela
- Campusantos:
- Estadios y centros deportivos:
- Parques y montes:
.JPG)
- Museos:
- Musée Arménien de France
- Musée d'Art Dentaire Pierre Fauchard
- Musée Baccarat
- Maison de Balzac
- Musée Clemenceau
- Musée de l'Homme
- Musée de la Contrefaçon
- Musée national de la Marine
- Palais de Tokyo
- Musée d'Ennery
- Musée Galliera
- Exploradome
- Fondation Le Corbusier
- Muséu Guimet
- Muséu Marmottan Monet
- Tenniseum
- Cité de l'architecture et du patrimoine
- Castiellos:
- Hipódromos:
- Hipódromu d'Auteuil
- Hipódromu de Longchamp
- Otros
- Maison de Radio France
Principales places y cais editar
- Plaza del Trocadero
- Avenida Foch
- Place de l'Étoile (parcialmente)
- Avenida Victor-Hugo
Educación editar
Los liceos xenerales son Lycée général Janson de Sailly (FR), Lycée général Jean de la Fontaine, o'l Lycée général Molière (FR). Los liceos xenerales y de technología son el Lycée général et technologique Claude Bernard y el Lycée général et technologique Jean-Baptiste Say (FR). Liceos profesionales son Lycée professionnel Octave Feuillet y Lycée professionnel Rene Cassin.[1]
El Colexu Español Federico García Lorca, una escuela primaria internacional del gobiernu d'España, atópase tamién nel distritu.[2]
Habitantes pernomaos editar
Nesti Distritu de París tuvieron la so residencia: los escritores Louis Aragon y Honoré de Balzac, el periodista Régis Debray, l'actor François Berléand, les actrices Isabelle Huppert y Emmanuelle Seigner, Benjamin Franklin, l'arquiteutu Hector Guimard, el realizador Emil Edwin Reinert, el dramaturgu Eugène Ionesco y el políticu y antiguu ministru Édouard Balladur y el cantante Sébastien Izambard.
Ver tamién editar
Referencies editar
- ↑ "Etablissements parisiens Rechercher un établissement." Académie Paris. Consultáu'l 16 de mayu de 2014.
- ↑ "Entamu." Colexu Español Federico García Lorca. Consultáu'l 2 de mayu de 2015. "53, rue de la Pompe 75116 Paris"
Enllaces esternos editar
Wikimedia Commons acueye conteníu multimedia sobre XVI Distritu de París.- Páxina web de l'alcaldía del XVI Distritu de París (en francés)
Datos: Q194420- Multimedia: Paris 16e arrondissement
