Cómic franco-belxicanu

El términu cómic franco-belxicanu fai referencia a los tebeos asoleyaos por editores franceses o belxicanos.

Cómic franco-belxicanu
género de historieta (es) y formato de historieta (es)
European comics (en)

Intentu de definición

Hasta'l final de los años sesenta el cómic franco-belxicanu taba carauterizáu por álbumes cuasi esclusivamente pa la mocedá. Esos álbumes son acartonaos, en color y compuestos por 48 páxines. L'estilu dominante ye entós la llinia clara. Munches veces utilízase el términu de cómic franco-belxicanu pa facer referencia a la forma de tebeos na que Tintín, del autor Hergé, precursos de la llinia clara, o Astérix de los autores Uderzo y Goscinny son los exemplos tipo.

Ye esti cómic carauterizáu por un estilu y unos autores d'orixe francófonu por globalizar polo que foi esti xeneru de cómic calificáu de "franco-belxicanu".

Pero, a partir de los años sesenta, baxo la influencia de nueves revistes como Hara-Kiri, Pilote, Métal hurlant o A Suivre y gracies a editoriales como Casterman, Les Humanoïdes associés y sobre too Futuropolis, el cómic franco-belxicanu ábrese a públicos adultos y esprésase a traves de formatos y estilos gráficos bien estremaos.

A pesar d'una crisis financiera y artística fonda nos años ochenta, el mercáu del cómic, dientro d'él el franco-belxicanu, ye anguaño bien dinámicu incluso podemos pensar que ta nel momentu de mayor puxu en términos de volumen de producción. Gracies a numberosos editores independientes como L'Association o Ego comme X, los autores y el cómic llamáu "independiente" pueden espresase fuera de les llendes de la edición franco-belxicana tradicional.

Historia del cómic franco-belxicanu

El cómic franco-belga al entamu del sieglu XX

Nos años 1920-1930 en Bélxica, nel periódicu Le petit Vingtième asoleyáronse les aventures de Tintín, el famosu reporteru de los pantalones de golf. Nesos años el Journal de Mickey tamién asoleya historietes.

Los años de post-guerra

Nos años cincuenta, asoleyábense dellos periódicos, especialmente los magazines Le Journal de Spirou, Tintín llamáu tamién Le Journal de Tintin, Pilote, Vaillant, le journal de Pif, que permiten al cómica realcontrase col gran públicu, sobre too la mocedá d'esta dómina. Como consecuencia d'ello los tebeos quedarán durante munchu tiempu asociaos a esti públicu y será ignoráu polos adultos. Pero esta mocedá criada pol cómic será la que fairá evolucionar el cómic franco-belxicanu hacia histories más adultesa la vez qu'esta xeneración avanza ella mesma n'edá.

Entre les feches importantes, los profesionales acuerden en dicir qu'hai un anantes y un depués d'Astérix el Galu. Efeutivamente Astérix ye consideráu en bien d'aspectos como'l provocador d'un interés del gran públicu pol cómic en Francia.

Delles grandes series garren entós el so mayor puxu a partir de los años cincuenta y sesenta:

• Gaston Lagaffe de Franquin
• Spirou et Fantasio creáu por Rob-Vel y retomáu por Franquin.
• Tintín d'Hergé
• Astérix d'Uderzo (dibuxu) y Goscinny (guión)

De los años setenta a los nuestros díes

Los años 70 son, en cómic, el tiempu del descubrimientu y la espoloración. Esploración d'estilos gráficos y narrativos. Dellos editores d'anguaño continúen per otra parte viviendo d'aquellos finxos, como los Humanoïdes Associés (creada por autores de cómic, a finales de los años setenta). El so catálogu d'anguaño continúa influenciáu por autores d'esos años (Jodorowski, Moebius por nun citar a otros).

Los magazines emblemáticos d'esta dómina son Métal Hurlant (Les Humanos) o tovía (A SUIVRE) d'ediciones Casterman.

Los años 80 veríen l'aparición de nuevos editores, futuros grandes de la edición:

• Soleil Productions, editor tulonés que conoció un fuerte ésitu col universu del Mundu de Troy
• Delcourt llanzáu Guy Delcourt en 1986

Dellos editores tienen llinies editoriales bien amplies, con una gran bayura de coleiciones, abarcando tolos xéneros y toles esperiencies, mientres qu'otros tienen llinies más concretes, y normalmente sofitaes nuna serie de gran ésitu.

Llinia editorial basada na fantasía y l'aventura :

• Editions Soleil : Fantasía (centrada nel ésitu de la serie Lanfeust de Troy y el so universu), aventura, ciencia-ficción
• Editions Delcourt : Ciencia-ficción (Coleción Neopolis), Fantasía (Coleción terre de légendes)
• Editions les Humanoïdes Associés : Ciencia-ficción (centrada nel universu del Incal), Fantasía

Llinia editorial basada nel humor :

• Editions Bamboo (Coleciones Job, Sport)
• Editions Dupuis (centrada esencialmente sobre la herencia de granes series d'ésitu como Spirou y el Petit spirou, los Schtroumpfs, Gaston Lagaffe, etc.)
• Editions Glénat : gracies al ésitu de Titeuf

Llinia editorial basada nel xéneru policiacu :

• Editions Bamboo : coleción Grand Angle
• Editions Glénat