Cachopu
Un cachopu[1] ye una ellaboración culinaria qu'estos caberos años col espoxigue turísticu y la cultura sidrera se-y venceya a la cocina asturiana anque nun hai rexistros escritos nin populares sobre esta ellaboración poro nun ye un platu tradicional asturianu. Consiste en dos filetes de xata grandes y ente ellos xamón y quesu. El conxuntu cómese tostáu y caliente en siendo empanáu en güevu y pan arralláu y suel sirvise con guarnición de pataques, pimientos o xampiñones. [2]
| Cachopu | ||
|---|---|---|
 | ||
| Nome | Cachopu | |
| Detalles | ||
| Ingredientes | carne de xata | |
| Más información | ||
| [editar datos en Wikidata] | ||
Les primeres referencies sobre'l cachopu asturianu recuéyeles el doctor Gaspar Casal, a primeros del sieglu XVIII[ensin referencies]. Orixinariamente, inventóse pa dar salida a los filetes de mala calidá o poco frescos. D'esta forma, ganen en testura y sabor.
A partir d'esta forma orixinal surdieron múltiples variantes de cachopos de pexe, pollu o gochu y rellenos de mariscu, cecina, cogordes, pimientos, quesos, espárragos, etc. Ye habitual nos últimos años la publicación de guíes y rutes de restorán onde meyor se sirven los cachopos.
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: cachopu
- ↑ Los meyores cachopos y cachopines de Asturies
Enllaces esternos
editar
Wikimedia Commons acueye conteníu multimedia sobre Cachopu.
Datos: Q5738670- Multimedia: Cachopo (gastronomy)
