Calendariu Científicu Escolar
El Calendariu Científicu Escolar ye una alternativa al calendariu tradicional. Nél, recuéyense aniversarios científicos y teunolóxicos pa caldía del añu como, por exemplu, ñacimientu de persones d’estes estayes o cabu d’años d’afayamientos destacaos. Ye una iniciativa abierta a la participación pública, pos el conteníu del calendariu surde de les propuestes que se realicen dende individuos y organizaciones.
Descripción de la iniciativa
editarLa realización y espardimientu d'un calendariu con efemérides científiques y teunolóxiques realízase dende 2011 en Rumanía per parte de l'Asociación Secular Humanista de Rumanía (ASUR).[1] En 2019 empezó a desenvolvese una iniciativa similar nel Reinu Xuníu, per parte de la HSS (Sociedá Humanista d'Escocia).[2] La propuesta de realizar un calendariu científicu n'España foi impulsada nel añu 2020 pola asociación Europa Laica, pasando a ser una iniciativa coordinada dende'l Conseyu Superior d'Investigaciones Científiques (CSIC).
Oxetivos
editarL'oxetivu xeneral ye contribuyir a ameyorar la cultura científico y tecnolóxico de la población, cuantimás de la más mozo. Pa ello, plantéense estos oxetivos específicos
- Ufiertar datos abiertos d'efemérides científiques, fiables y documentaes, nun formatu estructurado que sía fácilmente accesible y reutilizable.
- Ampliar los recursos didáuticos disponibles pa los docentes, contribuyendo de forma tresversal a ameyorar la cultura científica nes escoles.
- Fomentar les vocaciones científiques, proponiendo modelos referentes averaos para la población mozo.
- Sopelexar afayamientos de centros d'I+D+i, especialmente aquellos financiaos con fondos públicos.
- Fomentar el pensamientu racional y l'espíritu críticu para favorecer tomar decisiones responsables, la diferenciación ente evidencia científica y opinión personal y el combate de les pseudociencies.
Pa contribuyir a correxir la fienda de xéneru n'I+D+i, emprestose atención especial a sopelexar l'actividá de muyeres, sobremanera nos campos nos que s'atopen infrarrepresentaes. Amás, al recoyer la diversidá del personal científicu-técnico y de les distintes árees d'investigación, incluyendo les ciencies formales, naturales y sociales, búscase que cada persona pueda sentise representada p'algamar vocaciones científicu-técniques.
Formatos
editarEl calendariu acompáñase d'una guía didáutica con orientaciones pal so provechu educativu tresversal n'educación primaria y secundaria, incluyendo una bayuda d'estayes que pueden ser afeches a distintes asignatures y rangos d'edá. Tamién ye posible aportar a los materiales en testu planu pa la so entrega por aciu de llectores de pantalla, llinies Braille, etc. Anguaño, el Calendariu científicu escolar ta traducíu a 11 llingües, siendo una iniciativa pionera na divulgación científica n'asturianu y aragonés. Los ficheros tán disponibles nel repositorio científicu n'accesu abiertu Dixital.CSIC.[3] Tamién se dan de baldre copies a escoles y espublícense les efemérides diaries al traviés de redes sociales (Twitter, Telegram y Mastodon). Al tratase d'un recursu didáuticu totalmente de baldre y accesible, búscase garantizar el drechu a la inclusión y non discriminación nel sistema educativu.
Ediciones del calendariu
editarLos aniversarios diarios y les semeyes del calendariu científicu son totalmente anovaos cada nueva edición.
Edición 2020
editarLa primer edición llanzóse'l 8 de xineru de 2020.[4] El calendariu y la guía didáutica dispusiéronse en 5 llingües: castellán, gallegu, euskera, catalán ya asturianu.[5][6][7][8][9]
Edición 2021
editarLa segunda edición llanzóse'l 11 de xineru de 2021.[10] Los materiales dispusiéronse en 7 llingües: castellán, gallegu, euskera, catalán, aragonés, inglés ya asturianu.[11][12][13][14][15][16][17] Como novedaes, incluyóse una nueva sección colos eventos más destacaos de cada mes.
Edición 2022
editarLa tercer edición llanzóse'l 11 de xineru de 2022.[18] Los ficheros tornáronse a 11 llingües: castellán, gallegu, asturianu, euskera, catalán, aragonés, inglés, esperantu, portugués, francés, ya árabe.[19][20][21][22][23][24][25][26][27][28][29]
Interacción cola sociedá
editarPúblicu oxetivu
editarLa iniciativa diríxese principalmente al alumnáu d'educación primaria y secundaria obligatoria (de 6 a 16 años). Sicasí, polos sos conteníos y estructura, el calendariu científicu ye válidu pa ser utilizáu por tola sociedá.
Les persones con discapacidá son un públicu prioritariu del proyeutu. Esti espíritu ta detrás de la preparación de los materiales siguiendo'l diseñu universal, l'emplegu de llinguaxe afechu y l'espardimientu de ficheros accesibles.
Formatos d'interacción
editarNa búsqueda y escoyeta d'efemérides cúntase cola collaboración tanto de centros educativos como de la sociedá polo xeneral.[30]
Siguiendo'l conceutu de datos abiertos, los datos y les semeyes que los sofiten dispónense tamién de baldre na plataforma de desenvolvimientu colaborativu GitLab, que dexa'l trabayu collaborativu y ayuda a ameyorar l'interacción col públicu, dexando una oportunidá pa favorecer l'accesibilidá y reutilización de la información xenerada.
Entidaes collaboradores
editarLa iniciativa foi financiada nes sos ediciones 2020, 2021 y 2022 pola Fundación Española de Ciencia y Tecnoloxía (FECYT). La coordinación del proyectu realízase dende l'Institutu de Ganadería de Montaña (IGM, CSIC-Universidá de Llión). Sicasí, la so realización sofítase na collaboración de numberoses instituciones del sistema de ciencia y tecnoloxía y universidaes (por casu, la Universidá del País Vascu, la Universidá d'A Coruña, ll'Universidá Miguel Hernández d'Elx y delegaciones del CSIC), amás d'otres entidaes que collaboren na traducción de los testos a otres llingües (por casu, Academia de la Llingua Asturiana, Federación Española d'Esperantu o Casa Árabe).
Enllaces esternos
editar- Páxina web del Calendariu Científicu Escolar: http://www.igm.ule-csic.es/calendario-cientifico Archiváu 2022-08-15 en Wayback Machine
- Calendariu Científicu Escolar en Gitlab: https://gitlab.com/calendario-cientifico-escolar/calendario-cientifico-escolar.gitlab.io
Referencies
editar- ↑ «Calendarul Științific – Asociaţia Secular-Umanistă din România» (inglés). www.asur.ro (2015-03-12). Consultáu'l 2022-07-13.
- ↑ «Daily Discovery Calendar 2019». Archiváu dende l'orixinal, el 2022-10-25.
- ↑ [1] Repositorio científico en acceso abierto Digital.CSIC
- ↑ «Ya puedes descargar el ‘Calendario científico escolar 2020’».
- ↑ «Calendario científico escolar 2020 (castellano)».
- ↑ «Calendario científico escolar 2020 (gallego)».
- ↑ «Calendario científico escolar 2020 (asturiano)».
- ↑ «Calendario científico escolar 2020 (euskera)».
- ↑ «Calendario científico escolar 2020 (catalán)».
- ↑ «Ya puedes descargar el Calendario científico escolar 2021». Archiváu dende l'orixinal, el 2022-10-25.
- ↑ «Calendario científico escolar 2021 (castellano)».
- ↑ «Calendario científico escolar 2021 (gallego)».
- ↑ «Calendario científico escolar 2021 (asturiano)».
- ↑ «Calendario científico escolar 2021 (euskera)».
- ↑ «Calendario científico escolar 2021 (catalán)».
- ↑ «Calendario científico escolar 2021 (aragonés)».
- ↑ «Calendario científico escolar 2021 (inglés)».
- ↑ «Ya puedes descargar el Calendario científico escolar 2022». Archiváu dende l'orixinal, el 2022-01-31.
- ↑ «Calendario científico escolar 2022 (castellano)».
- ↑ «Calendario científico escolar 2022 (gallego)».
- ↑ «Calendario científico escolar 2022 (asturiano)».
- ↑ «Calendario científico escolar 2022 (euskera)».
- ↑ «Calendario científico escolar 2022 (catalán)».
- ↑ «Calendario científico escolar 2022 (aragonés)».
- ↑ «Calendario científico escolar 2022 (inglés)».
- ↑ «Calendario científico escolar 2022 (esperanto)».
- ↑ «Calendario científico escolar 2022 (árabe)».
- ↑ «Calendario científico escolar 2022 (portugués)».
- ↑ «Calendario científico escolar 2022 (francés)».
- ↑ «Aporta tu efeméride para el Calendario Científico Escolar 2022». Archiváu dende l'orixinal, el 2022-07-13.
Datos: Q113133275
