Calidris maritima
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El mazaricu los pedreros[2] (Calidris maritima) ye una pequeña ave limícola, n'Asturies llámenla Mazaricu de pedreru.
Calidris maritima mazaricu los pedreros  | ||
|---|---|---|
_..._Filey_Brig_,_Yorkshire_(53266204391).jpg) | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Charadriiformes | |
| Familia: | Scolopacidae | |
| Xéneru: | Calidris | |
| Especie: |
C. maritima Brünnich, 1764 | |
| Distribución | ||
 | ||
| Sinonimia | ||
Erolia maritima | ||
| Consultes | ||
| [editar datos en Wikidata] | ||
Sinonimia
editar- Erolia maritima
Descripción
editarLos adultos tienen pates curties y marielles y un picu fino y escuro de base mariella. El cuerpu ye escuru na parte cimera, con un llixeru matiz purpúreo y ablancazáu na parte inferior. El pechu ta motudu de gris y los güeyos son negros.
Habita y cría na tundra y les islles del Árticu en Canadá, Groenlandia y les zones costeres del noroeste d'Europa. Añeren nel suelu en roques elevaes o rincones escuros. Los machos constrúin dellos niales; la fema termina escoyendo unu y pon ente 3-4 güevos. El machu asume la principal responsabilidá na incubación y el cuidu de los pitucos. Los mozos aliméntense por sigo mesmos.
En Gran Bretaña, estes aves axuntense en gran númberu pel iviernu na mariña este y sur de la islla, onde se concentren nes zones predreses axacentes al mar. Nun suel criar nes Islles Britániques, salvu en puntos alcontraos del Parque Nacional de Cairngorms, onde 1-3 pareyes reproduciéronse dende la década de 1970. El rexistru del periodu de cría d'esta especie nel Reinu Xuníu ta supervisáu y archiváu pol Rare Breeding Birds Panel.
Ye una especie migratoria, dirixiéndose escontra les zones atlántiques llibres de xelu mientres l'iviernu. La mayoría diríxese escontra'l sur llegando hasta Carolina del Norte n'América y el norte de Portugal n'Europa. Mientres la migración son bien gregarios, formando pequeñes bandes, de cutiu en compañía de vuelvepiedras. Trátase d'una especie bastante donda.
Aliméntase nes costes predreses, prindando'l so alimentu por aciu la vista, principalmente pequeños inseutos, moluscos y crustáceos y tamién delles algues.
El mazaricu de pedreru ye una de les especies a les que s'aplica'l Alcuerdu de caltenimientu d'Aves Acuátiques Migratories d'África-Eurasia.
En 1994 afayóse un híbridu natural ente esta especie y el mazaricu n'Inglaterra.
Galería con diversos tipos de plumaxe
editar-
Adultu pel iviernu en Lowestoft, RU. -
Adultu pel branu en Northumberland, xunu de 2008. -
Museum specimen.
Referencies
editar- ↑ Bird international 2018, Calidris maritima, (n'inglés)
- ↑ URL de la referencia: http://www.sabencia.net/nomenclator.php.
Enllaces esternos
editar
Wikimedia Commons acueye conteníu multimedia sobre Calidris maritima.- Millington, Richard (1994): A mystery Calidris at Cley. Birding World 7(2): 61-63. HTML excerpt
- BTO BirdFacts Datos sobre'l correlimos escuru.
| Wikispecies tien un artículu sobre Calidris maritima. |
Datos: Q62359- Multimedia: Calidris maritima
Especies: Calidris maritima
