Campeonatu del Mundu d'axedrez de 2021
El Campeonatu del Mundu d'axedrez de 2021 foi una serie de partíes d'axedrez que se xugaron del 24 de payares al 12 d'avientu de 2021 en Dubái (Emiratos Árabes Xuníos) al abeyugu de la FIDE, ente l'entós campeón Magnus Carlsen y l'aspirante al títulu Ian Nepomniachtchi, ganador del Tornéu de Candidatos de 2020-21. Anque dambes competiciones taben programaes pal añu 2020, les feches tuvieron que camudase pol andanciu de la COVID-19.
Campeonatu del Mundu d'axedrez de 2021 | ||||
|---|---|---|---|---|
list of chess world championship matches (en)  | ||||
| Xeneral | ||||
| Deporte | axedrez | |||
| Sede | Dubái | |||
| Estáu | Emiratos Árabes Xuníos | |||
| Coordenaes | 25°16′N 55°19′E / 25.27°N 55.31°E | |||
  Campeonatu del Mundu d'axedrez de 2021 Campeonatu del Mundu d'axedrez de 2021 (Emiratos Árabes Xuníos) | ||||
| Data de principiu | 24 de payares de 2021 | |||
| Data de fin | 16 d'avientu de 2021 | |||
| Edición | 45ª unificata | |||
| Organizador | Federación Internacional d'Axedrez | |||
| Ganador | Magnus Carlsen | |||
| Estadístiques | ||||
| Participantes |
Magnus Carlsen Yan Nepómniashchi (es) | |||
| Cronoloxía | ||||
| ||||
 | ||||
| Defensor del títulu | Aspirante |
.jpg) |
 |
 Magnus Carlsen
|
 Ian Nepomniachtchi
|
| 7 ½ | 3 ½ |
| Nacencia: 30 de payares de 1990 30 años |
Nacencia: 14 de xunetu de 1990 31 años |
| Ganador del Campeonatu del Mundu d'axedrez de 2018 | Ganador del Tornéu de Candidatos de 2020-21 |
| Puntos Elo: 2855 (#1 mundial). | Puntos Elo: 2782 (#5 mundial) |
| ← 2018 | 2022 → |
Carlsen caltuvo'l títulu mundial ganando cuatro partíes, empatando siete y nun perdiendo nenguna. La serie entamó con cinco empates siguíos y na sesta partida, la más llarga na hestoria del campeonatu del mundu con 8 hores de duración y 136 movimientos, Carlsen algamó la primer victoria de la serie. Tres d'un empate na sétima partida, Carlsen ganó tres de les cuatro siguientes y sentenció'l campeonatu ensin xugar les trés caberes partíes.
Tornéu de Candidatos
editarL'aspirante al títulu mundial foi Ian Nepomniachtchi, como ganador del Tornéu de Candidatos, una competición na que participaron ocho xugadores con un sistema de toos escontra toos a doble vuelta. El tornéu tenía de xugase en Ekaterimburgu (Rusia) del 15 de marzu al 5 d'abril de 2020[1] pero'l 26 de marzu, cola primer metá del tornéu acabada, la FIDE decidió posponer la segunda vuelta dempués de que Rusia anunciara que tolos vuelos internacionales con salida o llegada nel país diben suspendese dende'l día siguiente pol andanciu de la COVID-19[2]. La segunda metá del tornéu nun se xugaría fasta trece meses dempués, ente'l 19 y el 28 d'abril de 2021.
Los xugadores clasificaos pal tornéu yeren:[1]
| Forma de clasificación | Xugador | Edá | Elo | Puestu mundial |
|---|---|---|---|---|
| (marzu 2020) | ||||
| Finalista del Campeonatu del Mundo d'axedrez de 2018 |  Fabiano Caruana
|
27 | 2842 | 2 |
| Finalistes de la Copa del Mundu d'axedrez de 2019 |  |
33 | 2765 | 9 |
 Ding Liren (finalista)
|
27 | 2805 | 3 | |
| Meyor clasificáu del Tornéu Gran Suizu de la FIDE de 2019 (non clasificáu pelos métodos anteriores y que nun seya Carlsen). |
Wang Hao (ganador)
|
30 | 2762 | 12 |
| Dos meyores clasificaos del Gran Premiu de la FIDE de 2019 (non clasificaos pelos métodos anteriores). |
 Alexander Grischuk (ganador)
|
36 | 2777 | 4 |
| Ian Nepomniachtchi (2u clasificáu)
|
29 | 2774 | 5 | |
| Meyor ELO mediu, de febreru de 2019 a febreru de 2020 (non clasificáu pelos métodos anteriores). |
 Anish Giri
|
25 | 2763 | 11 |
 Maxime Vachier-Lagrave (na plaza de Radjabov)
|
29 | 2767 | 8 | |
| Convite de la organización, teniendo en cuenta dellos criterios. | Kirill Alekseenko (meyor nel Tornéu Gran Suizu de la FIDE de 2019 entá non clasificáu)
|
22 | 2698 | 39 |
Les regles preveíen que si dalgún xugador arrenunciaba a la so plaza nel so llugar participaría'l xugador non clasificáu con meyor ELO mediu (de febreru de 2019 a xineru de 2020). La FIDE emplegó esta regla'l 6 de marzu de 2020 pa seleicionar a Maxime Vachier-Lagrave dempués de que Teimour Radjabov arrenunciara a participar por paece-y un riesgu pergrande viaxar y xugar el tornéu en mediu del andanciu de la COVID-19. En mayu de 2021 fízose público que, pa compensar la pérdida de la plaza, la FIDE convidaría a Radjabov al Tornéu de Candidatos 2022.
Resultaos
editarVer: Tornéu de Candidatos de 2020-21.
| Pos. | Xugador | Ptos. | IN | MVL | Giri | FC | DL | Gris | KA | WH | |||||||||
|---|---|---|---|---|---|---|---|---|---|---|---|---|---|---|---|---|---|---|---|
| 1 | Ian Nepomniachtchi |
8,5 | ½ | 0 | ½ | 1 | ½ | ½ | 1 | 0 | ½ | ½ | 1 | ½ | 1 | 1 | |||
| 2 | Maxime Vachier-Lagrave |
8 | 1 | ½ | ½ | ½ | ½ | 0 | 1 | ½ | ½ | 0 | 1 | ½ | 1 | ½ | |||
| 3 | Anish Giri |
7,5 | 0 | ½ | ½ | ½ | ½ | 1 | 1 | ½ | ½ | 0 | 0 | 1 | 1 | ½ | |||
| 4 | Fabiano Caruana |
7,5 | ½ | ½ | 1 | ½ | 0 | ½ | ½ | 0 | ½ | ½ | 1 | ½ | ½ | 1 | |||
| 5 | Ding Liren |
7 | 1 | 0 | ½ | 0 | ½ | 0 | 1 | ½ | 1 | ½ | ½ | 1 | 0 | ½ | |||
| 6 | Alexander Grischuk |
7 | ½ | ½ | 1 | ½ | 1 | ½ | ½ | ½ | ½ | 0 | ½ | 0 | ½ | ½ | |||
| 7 | Kirill Alexseenko |
5,5 | ½ | 0 | ½ | 0 | 0 | 1 | ½ | 0 | 0 | ½ | 1 | ½ | ½ | ½ | |||
| 8 | Wang Hao |
5 | 0 | 0 | ½ | 0 | ½ | 0 | 0 | ½ | ½ | 1 | ½ | ½ | ½ | ½ | |||
Campeonatu del Mundu
editarNormes
editarLa organización del campeonatu cuerri a cargu de la FIDE, que ye la que decide les normes del tornéu[3].
Formatu
editarDende'l Campeonatu del Mundu d'axedrez de 2006 la serie final xugábase al meyor de 12 partíes. Por embargu, el fechu de que toles partíes del Campeonatu del Mundu d'axedrez de 2018 resultaran en tables fizo que pal 2021 la serie final vaya a ser al meyor de 14 partíes, con desempates.
Los xugadores tendrán pa cada partía: 120 minutos pa los primeros 40 movimientos, 60 minutos pa los 20 siguientes y pal resto la partía 15 minutos con un aumentu de 30 segundos por movimientu. Antes del movimientu númberu 40 de les negres nun tán permitíes les tables por alcuerdu, na más podrán pidise-y al árbitru por repetición de la mesma posición tres vegaes.
Premios
editarEl bote total pa premios ye de 2.000.000 d'euros netos y repártense de la siguiente forma:
- Un adelantu de 200.000 euros pa caún de los xugadores.
- En casu de que'l campeonatu se xuegue nel país d'ún de los xugadores, l'otru recibe 100.000 euros más.
- Si'l campeonatu fina nes 14 partíes regulares, el restu del fondu repártese el 60% pal ganador y 40% pal perdedor. Pero si'l campeonatu llega al desempate, el ganador lleva el 55% y el perdedor el 45%.
Sede
editarLes candidatures pa la sede del campeonatu de 2020 teníen que tar presentaes antes del 1 de marzu de 2019 y ente'l 1 de xunetu y el 15 d'agostu de 2019 diben ser inspeccionaes.
Yá en 2018, Mónaco, Viena y San Petersburgu ficieron anuncia de la so intención de ser candidates al eventu. Tamien la ciudá noruega de Stavanger lo fizo en marzu de 2019, anque tres meses dempués arrenunciaba dempués de sabese que Carlsen nun taba mui conforme con xugar la final nel so propiui país (por incompatibilidá de tar patrocináu por una casa apuestes y la llei noruega). En payares de 2019, na ceremonia d'apertura del Gran Premiu d'axedrez de la FIDE de 2019 n'Hamburgu, el presidente de la FIDE Arkady Dvorkovich comentaba que tamién se recibieran candidatures de Dubái y Buenos Aires p'acoyer el campeonatu.
El 29 de xunu de 2020, col Tornéu de Candidatos yá suspendíu por cuenta l'andanciu, la serie de partíes del Campeonatu del Mundu foi oficialmente retrasada fasta 2021. Y en xineru de 2021 la FIDE confirmó que, como yá se suponía, Dubái yera la ciudá elixida. Asina, el campeonatu celebraráse del 24 de payares al 16 d'avientu nel marcu de la Esposición Universal de Dubái.
Sanciones escontra Rusia
editarTres de la ratificación pol Tribunal d'Arbitraxe Deportivu de la espulsión de Rusia de los campeonatos del mundu, implementada pola Axencia Mundial Antidopaxe como rempuesta al programa de dopaxe de atletes que sofitaba'l propiu estáu rusu, la FIDE confirmó que Nepomniachtchi diba competir baxo la bandera federativa.
Referencies
editar- ↑ 1,0 1,1 «FIDE Candidates 2020» (inglés) (1 de febreru de 2020). Consultáu'l 20 d'abril de 2020.
- ↑ «Chess: Candidates stopped at midway point after Russia suspends air traffic» (inglés). The Guardian (26 de marzu de 2020). Consultáu'l 20 d'abril de 2020.
- ↑ «Regulations for the FIDE World Championship Match 2020» (inglés). FIDE. Archiváu dende l'orixinal, el 2021-05-06. Consultáu'l 21 d'abril de 2020.
Enllaces esternos
editar
Wikimedia Commons acueye conteníu multimedia sobre Campeonatu del Mundu d'axedrez de 2021.
Datos: Q65091338- Multimedia: World Chess Championship 2021
