Campeonatu del Mundu d'axedrez de 2023

El Campeonatu del Mundu d'axedrez de 2023 va ser una serie de partíes que va xugase ente'l 7 y el 30 d'abril de 2023 pa determinar el nuevu campeón del mundu d'axedrez. L'actual campeón Magnus Carlsen refugó defender el so títulu escontra Ian Nepomniachtchi, ganador del Tornéu de Candidatos de 2022. Poro la FIDE decidió convidar a Ding Liren, como segundu clasificáu d'esi mesmu tornéu, a enfrentase a Nepomniachtchi pol títulu de campeón. Esta va a ser la primer vegada dende 1948 na que'l campeón vixente nun participa (sacante los campeonatos de la FIDE ente 1993 y 2005).

Campeonatu del Mundu d'axedrez de 2023Invisible.png
Xeneral
Deporte axedrez
Organizador Federación Internacional d'Axedrez
Estadístiques
Cronoloxía
Campeonatu del Mundu d'axedrez de 2021 Campeonatu del Mundu d'axedrez de 2023
Cambiar los datos en Wikidata

Arrenunciu al títulu de CarlsenEditar

Les normes establecíes marcaben que, pa caltener el so títulu, Magnus Carlsen debía defendelu escontra l'aspirante surdíu del Tornéu de Candidatos. N'avientu de 2021, darréu la so victoria nel Campeonatu del Mundu de 2021 escontra Ian Nepomniachtchi, Carlsen fizo público que nun se sentía motiváu pa defender el títulu recién ganáu sacante l'aspirante fuera Alireza Firouzja, qu'algamara el númberu 2 del mundu d'aquella a la edá de 18 años. Carlsen repitió estos mesmos pensamientos n'abril de 2022, yá ensin nomar nengún posible oponente.

Una vez terminó'l Tornéu de Candidatos de 2022, nel mes de xunetu, FIDE y Carlsen entamaron a falar del campeonatu del mundu y del so formatu. El día 20 del mesmu mes, na fecha que la FIDE diera como tope pa tener rempuesta por parte de Carlsen, esti fizo anuncia de que refugaba defender el so títulu y asumiendo la so perda. La confirmación formal y per escritu del arrenunciu por parte de Carlsen llegó nel mes d'ochobre, siendo entós cuando la FIDE convidó formalmente a Ding Liren (segundu clasificáu del Tornéu de Candidatos de 2022) a participar nel Campeonatu del Mundu de 2023 escontra Ian Nepomniachtchi.

Tornéu de Candidatos 2022Editar

Artículu principal: Tornéu de Candidatos de 2022

El tornéu xugóse en Madrid del 16 de xunu al 5 de xunetu de 2022. Ian Nepomniachtchi, que yá ganara'l tornéu de 2020-21 que-y dió'l drechu a enfrentase a Carlsen pol campeonatu del mundu en 2021, revalidó victoria y convertíase otra vuelta n'aspirante. Ding Liren como segundu clasificáu del tornéu foi, dempués de l'arrenunciu de Carlsen, convidáu tamién como aspirante al Campeonatu del Mundu de 2023.

Participaron nel torneú:

Forma de clasificación Xugador Edá Elo Puestu
mundial
(xunu 2022)
Finalista del Campeonatu del Mundu d'axedrez de 2021   Ian Nepomniachtchi [N. 1] 31 2766 7
Convite de la FIDE, tres de la situación asocedida nel Tornéu de Candidatos 2020-21.   Teimour Radjabov 35 2753 13
Finalistes de la Copa del Mundu d'axedrez de 2021   Jan-Krzysztof Duda (campeón) 24 2750 16
  Sergey Karjakin (finalista)[N. 1][N. 2] 32 2747 17
Dos meyores clasificaos del Tornéu Gran Suizu de la FIDE de 2021.   Alireza Firouzja (campeón) 19 2793 3
  Fabiano Caruana (2u clasificáu) 29 2783 4
Dos meyores clasificaos del Gran Premiu de la FIDE de 2022.   Hikaru Nakamura (ganador) 34 2760 11
  Richárd Rapport (2u clasificáu) 26 2764 8
Meyor posición na clasificación en mayu de 2022.   Ding Liren 29 2806 2

ResultaosEditar

Pos. Xugador Ptos. SB Victories IN DL TR HN FC AF JKD RR
1   Ian Nepomniachtchi 9,5 62 5 ½ 1 ½ ½ ½ ½ ½ ½ 1 1 1 ½ ½ 1
2   Ding Liren 8 52 4 0 ½ 0 ½ 1 ½ ½ 1 ½ ½ 1 ½ ½ 1
3   Teimour Radjabov 7,5 52 3 ½ ½ ½ 1 1 0 ½ 0 ½ ½ ½ ½ ½ 1
4   Hikaru Nakamura 7,5 50,25 4 ½ ½ ½ 0 1 0 1 0 1 ½ 1 ½ ½ ½
5   Fabiano Caruana 6,5 46,5 3 ½ ½ 0 ½ 1 ½ 1 0 0 1 ½ 0 ½ ½
6   Alirezja Firouzja 6 39,5 2 0 0 ½ ½ ½ ½ ½ 0 0 1 ½ ½ 1 ½
7   Jan-Krzysztof Duda 5,5 38,5 1 ½ 0 ½ 0 ½ ½ ½ 0 1 ½ ½ ½ ½ 0
8   Richárd Rapport 5,5 37,75 1 0 ½ 0 ½ 0 ½ ½ ½ ½ ½ ½ 0 1 ½

Criterios de desempate
En casu d'empate na primer plaza, taba previstu un desempate.
Pal restu de places, los criterios qu s'aplicaben yeren: 1. Puntos Sonneborn-Berger (SB); 2. Númberu total de victories; 3. Resultáu particular ente los xugadores empataos; 4. Rifa.

NotesEditar

  1. 1,0 1,1 Como rempuesta a la invasión rusa d'Ucraína de 2022, los xugadores rusos y bielorrusos nun pueden usar la bandera de los sos países nos eventos FIDE
  2. Descalificáu por incumplimientu del Códigu Éticu de la FIDE tres de declaraciones públiques de so sofitando la invasión rusa d'Ucraína de 2022.