Cantón de Glaris

Cantón de Glaris
	y
Alministración
Estáu federáu	Suiza
ISO 3166-2	CH-GL
Tipu d'entidá	cantón de Suiza
Capital	Glaris
Nome oficial	Kanton Glarus (de)
Llingües oficiales	alemán
División	ver Glaris, Glaris Norte (es) y Glaris Sur (es) ;
Xeografía
Coordenaes	46°59′N 9°04′E / 46.98°N 9.07°E
Superficie	685.3 km²
Llenda con	Cantón d'Uri, Cantón de los Grisones, Cantón de Sankt Gallen y Cantón de Schwyz
Puntu más altu	Tödi (es)
Puntu más baxu	Ríu Linth
Altitú media	472 m
Demografía
Población	40 403 hab. (31 avientu 2018)
Densidá	58,96 hab/km²
Más información
Estaya horaria	UTC+01:00 y UTC+02:00
Fundación	1352
	gl.ch

El cantón de Glaris (n'alemán Glarus, en francés Glaris, n'italianu Glarona y en romanche Glaruna) ye un cantón centru-oriental de Suiza. La so capital ye Glaris. La población del cantón yera de 38.300 habitantes (en 2001) y mayoritariamente de llingua alemana.

Xeografía

El cantón llenda al norte y al este col cantón de Sankt Gallen, col cantón de los Grisones al sur y colos cantones d'Uri y Schwyz al oeste.

El cantón de Glaris ta domináu pol fondu valle del ríu Linth. Gran parte del so territoriu ye montascosu; de fechu el puntu más altu del cantón alcuéntrase nos denominaos Alpes glaroneses. Trátase del picu Tödi, con 3.614 m. Nel norte del cantón ta'l Llagu de Walen (Walensee), que fai de llende col cantón de Sankt Gallen. La superficie total del cantón de Glaris ye de 685 km², de los cualos cerca de la metá son consideraos productivos. La silvicultura ye un sector importante de la economía cantonal.

Historia

La historia d'esti cantón ta dominada pola relixón. Los habitantes del valle del Linth fueron convertíos al cristianismu nel sieglu VII pol misioneru irlandés San Fridolinu, quien fundó'l conventu de Säckingen, vecín a Basilea. A partir del sieglu IX, l'área alredor de Glaris yera de propiedá feudal de dichu conventu. En 1288, los Habsburgu reclamaron parte de los derechos feudales del conventu, lo cual provocó la rebelión de los habitantes y en 1352 Glaris xuntóse a la Confederación Suiza.

Ente 1506 y 1516 el reformador Ulrico Zuinglio foi pastor de Glaris formándose una pequeña comunidá, pero pa 1564 tolos seguidoes de Zwinglio fueron esaniciaos. Anque nun pudo poner fin a les disputes ente católicos y protestantes. P'asegurar la paz, en 1623, cada partíu tenía derechu a tener la so propia (Landsgemeinde). Ente 1798 y 1803 mientres la República Helvética impuesta por Napoleón, Glaris pasó a formar parte del desaniciáu Cantón Linth. En 1836 la constitución adaptose pa xuntar les asamblees y asina poder establecer una sola Landsgemeinde.

Política

Glaris ye unu de los dos cantones suizos xunto con Appenzell Rodes Interiores que caltién la Landsgemeinde, una xunta añal de los miembros de l'asamblea primaria de ciudadanos col fin de votar los cambeos de lleis propuestes pol Conseyu de Gobiernu (Regierungsrat) y les distintes comisiones.

Dende la Landsgemeinde del 6 de mayu de 2007, Glaris ye'l primer cantón n'introducir el votu dende los 16 años a nivel cantonal.

Economía

La xeografía del cantón ayudó a fundar munches fábriques pa la fabricación de teyes nel sieglu XVII. Tamién los montes circundantes fueron una ventaya pa la industrialización. La industria de filamentos d'algodón foi bien importante nel sieglu XVIII.

El elevamiento bovín de producción casera, nun foi remplazado cola industrialización, el llendo nel monte, sigue siendo una actividá importante.

Alpes glaroneses.

Población

El cantón de Glaris con unos 38.000 habitantes ye unu de los cantones menos poblaos de toa Suiza dempués d'Appenzell Rodes Interiores, Obwalden y Uri. La densidá de población ye d'unos 56 hab/km², tamién inferior al permediu suizu.

Comuñes

Tres una decisión de la Landsgemeinde, el cantón pasó de 25 comuñes a tan solo 3 (dende'l 1 de xineru de 2011):

Referencies

Enllaces esternos

Sitiu oficial del gobiernu cantonal de Glaris (n'alemán)