Capucine
Germaine Lefebvre, conocida artísticamente como Capucine (6 de xineru de 1928, Saint-Raphaël – 17 de marzu de 1990, Lausana) foi una modelu y actriz de cine y televisión, francesa. Recordada pola so participación como Simone Clouseau nos filmes La pantera rosa (1963) Trail of the Pink Panther (1982) y Curse of the Pink Panther (1983), los trés del direutor Blake Edwards.
Capucine | |
|---|---|
.jpg) | |
| Vida | |
| Nacimientu | Saint-Raphaël[1], 6 de xineru de 1928[2] |
| Nacionalidá |
 Francia |
| Muerte | Lausana[3], 17 de marzu de 1990[2] (62 años) |
| Causa de la muerte | suicidiu |
| Familia | |
| Pareyes |
Charles K. Feldman (es)  |
| Estudios | |
| Llingües falaes | francés[4] |
| Oficiu | actriz, modelu, actriz de cine |
| Seudónimos | Capucine |
| IMDb | nm0001010 |
 | |
Biografía editar
Proveniente d'una familia de clase media de Tolón, dempués de realizar los sos estudios y graduase como Bachelor of Arts n'idiomes estranxeros, treslladóse a París pa empecipiar una carrera como modelu pa les cases d'alta cordura, Givenchy, Christian Dior y Pierre Balmain, aportando a una supermodelu col nome de Capucine (como la flor llamada capuchina o tacu de reina). Mientres esi periodu fixo amistá cola tamién modelu y futura actriz Audrey Hepburn.
En 1948 fixo la so primer apaición cinematográfica nun papel secundariu del filme L'aigle à deux têtes del direutor Jean Cocteau. Al añu siguiente participó nel filme Rendez-vous de juillet, onde conoció al actor Pierre Trabaud, con quien se casaría, nun matrimoniu que namái duró seis meses. De 1950 a 1955 participó en cuatro film más, siguiendo amás la so carrera como modelu.
En 1957 foi afayada pol productor estauxunidense Charles Feldman, mientres trabayaba como modelu en Nueva York. El direutor suxurió-y camudase a Hollywood pa perfeccionar los sos estudios d'arte dramático y aprender inglés, actuando en 1960 nel filme Sueño de amor de Charles Vidor, xunto a Dirk Bogarde, y na cual ella foi candidata al premiu Globu d'oru 1961 a la meyor actriz. Dexó Hollywood en 1962, pa treslladase a Lausana, Suiza onde moró permanentemente.
Na década de 1960 participó en 13 películes más, estauxunidenses y europees, de les cualos destaquen El lleón (1962), compartiendo papeles con William Holden y empecipiando una rellación sentimental con él que duraría dos años; La gata negra (1962), La Pantera Rosa (1964), What's New Pussycat (1965); y Satiricón (1969).
Nes siguientes dos décades participó en 12 series de televisión, 4 películes pa televisión y 16 llargumetraxes, destacando Sol coloráu (1971) de Terence Young, L'incorrigible (1975) de Philippe de Broca, dos filmes de Blake Edwards Trail of the Pink Panther (1982) y Curse of the Pink Panther (1983). La so última apaición na pantalla foi na película pa televisión Quartier nègre (1990).
Afeutada por una fonda depresión, quitóse la vida llanzándose al vaciu dende una ventana del so apartamentu en Lausana, el 17 de marzu de 1990, morriendo instantáneamente, a la edá de 62 años.
Influyencia editar
El mesmu añu en que s'estrenó la película La Pantera Rosa, que catapultó al estrellalgu de l'actriz, foi fundada la marca de cremes española Germaine de Capuccini, que remembra'l so nome, creada pola española Carmen Vidal.
Referencies editar
Ver tamién editar
- Carmen Vidal fundadora de Germaine de Capuccini.
Referencies editar
- ↑ «Expediente de personas fallecidas». Consultáu'l 25 xineru 2022.
- ↑ 2,0 2,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Identificador CONOR.SI: 90809443. Afirmao en: CONOR.SI.
Enllaces esternos editar
Wikimedia Commons acueye conteníu multimedia sobre Capucine.
- Capucine na Internet Movie Database (n'inglés)
