Carlos II de Borbón
Carlos de Borbón (Castiellu de Moulins (Allier) 1433 - Lyon, 13 de setiembre de 1488), noble y relixosu francés. Foi fíu de Carlos I de Borbón y Inés de Borgoña. Foi escoyíu Arzobispu de Lyon a la edá de 10 años gracies a les sos conexones familiares y más palantre, nomáu cardenal, amás de conde de Clermont y de Forez, duque de Borbón y de Auvernia, barón de Roannais y príncipe de Dombes por un curtiu periodu de tiempu en 1488, asocediendo al so hermanu Xuan II de Borbón.
Carlos II de Borbón | |||||||||
|---|---|---|---|---|---|---|---|---|---|
 | |||||||||
1485 - 1488
15 xineru 1477 - 17 setiembre 1488 ← Jean Jouffroy - André d'Espinay →
10 marzu 1476 - 17 setiembre 1488 Diócesis: diócesis de Clermont (es) 
21 setiembre 1466 (Gregorianu) - 17 setiembre 1488 ← Geoffroy de Vassali - André d'Espinay → Diócesis: Archidiócesis de Lyon (es) | |||||||||
| Vida | |||||||||
| Nacimientu | Moulins, 1434 | ||||||||
| Nacionalidá |
 Francia | ||||||||
| Muerte | Lyon, 13 de setiembre de 1488 (53/54 años) | ||||||||
| Familia | |||||||||
| Padre | Carlos I de Borbón | ||||||||
| Madre | Inés de Borgoña | ||||||||
| Hermanos/es | |||||||||
| Pueblu | Casa de Borbón | ||||||||
| Estudios | |||||||||
| Llingües falaes | francés | ||||||||
| Oficiu | sacerdote católicu | ||||||||
| Creencies | |||||||||
| Relixón | Ilesia Católica[2] | ||||||||
 | |||||||||
.svg){kind=small}
Como fíu menor, Carlos tuvo destináu a la vida eclesiástica de neñu; él mesmu, nun tenía vocación dalguna pol poder y los honores a los que foi eleváu, y foi más conocíu poles sos incorreiciones (tuvo una fía illexítima) que pola so piedá. A pesar d'ello, foi un notable patrón de les artes, esbardiando dineru na Catedral de Lyon - la capiya de los Borbones de dicha catedral, que patrocinó dende 1486 (patrociniu que siguió a la so muerte'l so hermanu Pedru II de Borbón) foi descrita como "una de les maravíes de les artes decoratives nel sieglu XV".[3]
Tocantes a les sos mentaes incorreiciones, non yá tuvo una fía illexítima, sinón dellos fíos más que trató de faer sumir pa evitar la vergüenza pública. Unu d'esos fíos, Luke, sobrevivió ensin conocer la identidá de so padre hasta la ventena, cuando s'atoparon y cruciaron espaes en Besançon. Luke sobrevivió, anque perdió una mano na llucha.[3][4]
A la muerte del so hermanu mayor Xuan II, duque de Borbón, el 1 d'abril de 1488, Carlos - como herederu más cercanu de Xuan - reclamó l'heriedu familiar en Borbonés y Auvernia. Esta reclamación nun foi tolerada pol so hermanu menor Pedru de Borbón y la esposa d'ésti, Ana de Francia, que darréu tomó posesión de les tierres de los Borbones pola fuerza'l 10 d'abril.
El 15 d'abril, miembros del Conseyu del rei, unviaos por Ana pa "consolar al Cardenal pola muerte del so hermanu", forzáronlu a roblar un arrenunciu de tolos sos derechos sobre les tierres de los Borbones, en cuenta d'una pensión. Carlos morrió esi mesmu añu en misterioses circunstancies, tres un súbitu colapsu na so casa de Lyon. El curtiu tiempu mientres el que retuvo'l títulu, del 1 al 15 d'abril, foi ratificáu póstumamente cuando Carlos, duque de Borbón aportó al ducáu como Carlos III.
Fuentes
editar- ↑ 1,0 1,1 Identificador ULAN: 500122258. Afirmao en: Union List of Artist Names. Data d'espublización: 7 payares 2016. Data de consulta: 21 mayu 2021. Llingua de la obra o nome: inglés.
- ↑ Afirmao en: Catholic-Hierarchy.org. Identificador Catholic Hierarchy de persona: bourbnc. Data de consulta: 14 ochobre 2020. Llingua de la obra o nome: inglés.
- ↑ 3,0 3,1 J Wadsworth, The Beginnings of Cosmopolitanism
- ↑ Wells et al. 1956. "Literature of the Renaissance in 1956". Studies in Philology Vol. 54, Non. 2 (Apr., 1957), páxs. 185-189+191-386
| Predecesor: Xuan II de Borbón |
Conde de Clermont Conde de Forez Duque de Borbón Duque de Auvernia Barón de Roannais Príncipe de Dombes 1488 |
Socesor: Pedru II de Borbón |
Datos: Q520023
Multimedia: Charles II of Bourbon
