Carnavalada de Oviedo
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Carnavalada de Oviedo (Antroxu d'Uviéu) ye un oleu sobre llenzu realizáu en 1930 y perteneciente a la serie de Mascaradas, carauterístiques que'l pintor Evaristo Valle fizo dende 1915 hasta'l final de la so vida.
| Carnavalada de Oviedo | |
|---|---|
| Llocalización | |
| Datos | |
| Autor | Evaristo Valle |
| Añu | 1930 |
 | |
Nelli amuésense una serie de personaxes mazcaraos que baillen dientro d'un espaciu urbanu, l'Uviéu de principios del sieglu XX. Evaristo xenera los volúmenes con cencielles manches de color. Del mesmu xeitu crea una sensación de movimientu xugando con distintos tonos de mariellu, roxu esllíu, azules y blancos. Por mor de la fuerte influyencia de Goya les figures nidies, asina como los edificios o los rostros malapenes s'aprecien.
L'emplegu de la llinia sinuosa, dinámica y curva que contribúi a potenciar la sensación de movimientu, asina como'l rescamplu de los zapatos o los pantalones fainos pensar na influyencia de Paul Gauguin y Edgar Degas, autores colos que coincidiría na so estancia de cuatro años en París.
El paisaxe tien delles traces cubistes, son volúmenes arquiteutónicos mui definíos y compautos, xugando d'esti mou cola prespeutiva al traviés de la disposición en primeros y segundos planos. Acolúmbrase una torre, que s'albidra como la torre de la Catedral d'Uviéu. Los montes del fondu de la obra identifíquense como'l Monte'l Naranco y la sierra L'Aramo.
Referencies editar
Enllaces esternos editar
Datos: Q25578643
