La Cuesta'l Naranco
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Cuesta'l Naranco ye una xerra que na so fastera meridional s'atopa la ciudá d'Uviéu.
| La Cuesta'l Naranco | |
|---|---|
| monte | |
 | |
| Situación | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Cordal | Cordelera Cantábrica |
| Coordenaes | 43°23′N 5°52′W / 43.38°N 5.87°O |
  La Cuesta'l Naranco La Cuesta'l Naranco (Asturies) | |
| Datos | |
| Altitú | 634 m |
 | |
Xeografía
editarForma un arcu d'unos 5 km colos estremos llendando cola parroquia de Villaperi al noroeste, y cola de Lloriana pel oeste. Al norte y al este de la sierra trescurre'l ríu Nora.
El so relieve ye suave y de pocu altor; tenemos, ente otros, El Mirador de la Reina (607 m), Picu'l Pozu l'Agua (593 m), Picu'l Paisanu (634 m), Altu La Roza (628 m), Cantu La Caleyina (582 m) y la Peña Llampaya (561 m).
La Cuesta'l Naranco ta constituyíu por materiales como: arenisques riques en fierro, pizarres, carbones y piedres caliares, fechu qu'orixina la presencia de delles canteres.
Historia
editarHebo nesta sierra allugamientos castreños como amuesen los castros atopaos en Fitoria (La Cogolla) o en Cuyences (El Castiellu) ente otros, asina como asitiamientos romanos como indiquen les monedes, teyes, tumbes y esteles funeraries descubiertes en San Pedro de los Arcos, Samiguel o Lloriana. Na cuesta del Naranco atópense monumentos prerrománicos como Santa María del Naranco y Samiguel de Lliño.
Na cima de la xerra podemos atopar una estación de Radiotelevisión, una área recreativa y un monumentu al Sagráu Corazón de Xesús.
Fauna
editarEnte los mamíferos nomaremos: esguil, corcuspin, fuina, xabalín, topu, y raposu. Dalgunes de les aves que podemos topar son: ferre, frangüesu, glayu, cárabu, curuxa, cuervu, pega o pardón. Ente los reptiles y anfibios más comunes tenemos: llagartesa, esculibiertu, sapu, xaronca y sacavera.
Flora
editarLes viesques de la fastera septentrional y suroccidental de la Cuesta'l Naranco tan formaes por una bayura y mezcolanza propia de les viesques atlántiques: castañal, carbayu, umeru, pláganu, fresnu, carrascu o xardón, cerezal, salgueru, lloréu, álamu y mimosal. Nes depresiones del terrén atrópanse grupos d'espinera, rebollu, texu, sabugu, andrín, escayu, ablanu y cotoya. Tamién, y llaceriosamente, podemos observar plantaciones d'ocalitu.
Referencies
editarEnllaces esternos
editar
Wikimedia Commons tien conteníu multimedia tocante a La Cuesta'l Naranco.
Datos: Q539792- Multimedia: Monte Naranco
