Carnegie Hall Tower
Carnegie Hall Tower ye un un rascacielos de la ciudá d'Estaos Xuníos de Nueva York. Asítiase nel númberu 152 de la cai 57 Oeste (West 57th Street) y tien 60 pisos d'oficines, con un altor de 231 m. Ta arracimáu con otros dos rascacielos, el CitySpire Center y el Metropolitan Tower, y foi construyíu con un estilu arquiteutónicu qu'harmoniza col de su vecín occidental, la sala de conciertos Carnegie Hall. L'edificiu foi diseñáu por Cesar Pelli en 1987, y la so construcción finó en 1991. El so diseñu ganó una mención honorífica del Institutu Americanu d'Arquitectos en 1994.
| Carnegie Hall Tower | |
|---|---|
| Rascacielos | |
 | |
| Llocalización | |
| País |  Estaos Xuníos |
| Estaos |  Nueva York |
| Ciudá |  Nueva York |
| Borough |  Manhattan |
| Coordenaes | 40°45′53″N 73°58′47″W / 40.76481°N 73.97972°O |
  Carnegie Hall Tower Carnegie Hall Tower (los EE.XX.) | |
| Historia y usu | |
| Apertura | 1991 |
| Arquiteutura | |
| Arquiteutu/a | César Pelli |
| Estilu | arquiteutura postmoderna |
| Altor | 231 m |
| Pisos | 60 |
| Web oficial | |
 | |
La torre, rectangular, ye perestrecha na so parte frontal, con un anchor de namái 15 m, magar que ye más ancha nes sos fachaes oriental, que mira pa la Metropolitan Tower, y occidental, que mira pal Carnegie Hall. La so estructura, diseñada pol inxenieru Jacob Grossman, ye de columnes d'hormigón, siendo ún de los mayores edificios con esqueletu d'hormigón de la ciudá. Les sos fachaes, d'estilu asemeyáu al de la sala de conciertos homónima, recúbrense de lladrillos de color marrón y verde oscuru, con dinteles prefabricaos d'hormigón enriba les ventanes y franxes de metal pintaes cada seis pisos. El so cumal adórnase con unos salientes en forma d'aguya qu'asemeyen les cornises neorrenacentistes del Carnegie Hall. El vestíbulu y les zones comunes, pela so banda, tán revestíes mármol y madera.
Referencies
editarEnllaces esternos
editar- (n'inglés) Páxina web oficial del edificiu
- (n'inglés) in-Arch.net: La Carnegie Hall Tower na web in-Arch.net
- (n'inglés) Ficha del edificiu na web emporis.com
- (n'inglés) Ficha del edificiu na web skyscapercentre.com
- (n'inglés) Modelu dixital en 3D del edificiu en Google 3D Warehouse (enllaz rotu disponible n'Internet Archive; ver l'historial y la última versión).
Datos: Q1043966
Multimedia: Carnegie Hall Tower
