CitySpire Center

CitySpire Center
	CitySpire Center (en)
	Rascacielos
Llocalización
País	Estaos Xuníos
Estaos	Nueva York
Ciudá	Nueva York
Borough	Manhattan
Coordenaes	40°45′52″N 73°58′47″W / 40.764444444444°N 73.979722222222°O
	CitySpire Center CitySpire Center (los EE.XX.)
Historia y usu
Apertura	1987
Dueñu	Tishman Speyer (es)
Arquiteutura
Arquiteutu/a	Helmut Jahn
Estilu	arquiteutura moderna
Altor	248,1 m
Pisos	75
Soterraños	2

El CitySpire Center ye un rascacielos de la ciudá d'Estaos Xuníos de Nueva York. Asitiáu na cai 56 oeste (West 56th Street), ente la sesta (Sixth Avenue) y la sétima (Seventh Avenue) aveníes, ye'l rascacielos d'usu mixtu más altu de la ciudá. Construyíu en 1987, tien un altor de 248 m (814 pies) y 75 pisos, con un área total de 33.400 m². L'edificiu ye propiedá, dende 2004, de Tishman Speyer Properties.

Diseñáu por Helmut Jahn, tien los 23 pisos inferiores dedicaos a zona comercial. Los superiores son apartamentos de luxu, mayores cuanto más altu ye'l pisu nel que s'atopen. De la que lu acabaron yera'l segundu edificiu más altu del mundu que tenía una estructura d'hormigón. Tien trés cuerpos que se llevanten sobre un podiu, con un cuerpu central octogonal coronáu por una cúpula d'estilu árabe y dos a los llaos, ocho pisos más pequeños. La cúpula ilumínase de nueche con una lluz blanca.

En 1997 inauguróse un pasaxe pa peatones per dientro del bloque, que completó una rede de pasaxes peatonales públicos ente les cais 51 y 57 oeste. L'edificiu ta mui próximu a dos rascacielos de la cai 57 oeste colos que forma un grupu: la Carnegie Hall Tower y la Metropolitan Tower.

Referencies

Enllaces esternos

(n'inglés) El CitySpire Center na web Emporis.com
(n'inglés) Modelu dixital en 3D del edificiu en Google 3D Warehouse Archiváu 2012-07-30 en Wayback Machine
(n'inglés) El CitySpire Center na web Skyscraperpage.com