Carolyn Jones
Carolyn Jones (28 d'abril de 1930, Amarillo – 3 d'agostu de 1983, West Hollywood (es) 
) foi una actriz d'Estaos Xuníos. Famosa mundialmente pola interpretación del personaxe Morticia A. Addams na serie The Addams Family.
Carolyn Jones | |
|---|---|
 | |
| Vida | |
| Nacimientu | Amarillo, 28 d'abril de 1930[1] |
| Nacionalidá |
 Estaos Xuníos |
| Llingua materna | inglés |
| Muerte |
West Hollywood (es) , 3 d'agostu de 1983[1] (53 años) |
| Sepultura | California |
| Causa de la muerte | cáncanu colorrectal |
| Familia | |
| Madre | Chloe Jeanette Jones |
| Casada con |
Aaron Spelling (1953 – 1964) Herbert Greene (1968 – 1977) |
| Estudios | |
| Estudios |
Amarillo High School (es) |
| Llingües falaes | inglés[2] |
| Oficiu | actriz, actriz de televisión, actriz de cine, actriz de voz |
| Nominaciones |
ver
|
| IMDb | nm0427700 |
 | |
Biografía
editarJones empezó la so carrera cinematográfica na década de 1950, yá a finales de la década llograra la reconocencia con una nominación pa un Óscar a la meyor actriz de repartu por The Bachelor Party (1957) y un Globu d'Oru como una de les actrices prometedores de 1959. La so carrera cinematográfica siguió mientres dellos años, y en 1964 ella empezó a interpretar el papel de Morticia Addams na serie de televisión The Addams Family (La Familia Addams), recibiendo una nominación al Golden Globe Award pol so trabayu.
Cuando Carolyn tenía 3 años el so padre abandonó a la so esposa y a los sos dos fíes. Dende pequeña viose afeutada pol asma pero siempres supo que quería ser actriz. Na década de 1940 foi aceptada nuna escuela d'actuación en Pasadena. Más tarde, mientres la década de 1950 Carolyn participó en delles películes al llau d'actores como Elvis Presley y Frank Sinatra ente otros.
Dalgunos de los sos más bultables trabayos fueron nesa década, en clásicos como: "Los crímenes del muséu de cera" (The house of wax, 1953, André de Toth), xunto a Vincent Price; King Creole (1956), al llau de Elvis Presley; "La nueche de los homes" (1957, Delbert Mann) ente una repartu de secundarios formáu por Don Murray y E. G. Marshall ente otros; "Millonariu d'ilusiones" (1959, Frank Capra) xunto a Sinatra, Edward G. Robinson y Eleanor Parker; Last Train from Gun Hill (1959, John Sturgues), al llau de Kirk Douglas; Ice Palace (1960, Vincent Sherman); ya inclusive foi nomada a un Óscar pola so participación de 6 minutos na película "The bachelor party". Mientres esi periodu Carolyn filmó delles películes que-y traxeron fama y reconocencia, pero nun foi sinón hasta 1964 cuando interpretó al personaxe que-y daría fama mundial: Morticia Addams, na serie The Addams Family, que namái duró 2 años n'emisión pero que foi un ésitu mundial nes repeticiones mientres la década de 1970 hasta l'actualidá.
Darréu la so carrera empezó a tornar, anque tuvo delles participaciones especiales n'otres series de televisión, ente les que se destacar la miniserie Raigaños en 1977 y muyer maravía en 1975 na cual asumió'l rol de Hippolyta, reina de les Amazones . En 1981 ingresó al repartu de la telenovela Capitol ("Capitoliu" n'España), pero nesi añu diagnosticaríase-y el cáncer de colon que-y quitó la vida'l 3 d'agostu de 1983, a los 53 años d'edá.
Referencies
editar- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: catálogu de la Biblioteca Nacional Checa. Identificador NKCR AUT: xx0211192. Data de consulta: 1r marzu 2022.
Enllaces esternos
editar
Wikimedia Commons acueye conteníu multimedia sobre Carolyn Jones.
- Carolyn Jones na Internet Movie Database (n'inglés)
Datos: Q238895- Multimedia: Carolyn Jones
