Kirk Douglas

Issur Danilovich Demsky (9 d'avientu de 1916, Amsterdam – 5 de febreru de 2020, Beverly Hills), de nome artísticu Kirk Douglas, foi un actor y productor de cine clásicu d'Estaos Xuníos. Ente los sos papeles nel cine destaquen la so interpretación del pintor Van Gogh en Lust for Life y Espartacus, de Stanley Kubrick. Pola so estensa y reconocida carrera, recibió un premiu Óscar honoríficu en 1996. Foi padre del tamién actor Michael Douglas.

Kirk Douglas
presidente del xuráu del Festival de Cannes ← Françoise Sagan - Jacques Deray →
Vida
Nacimientu	Amsterdam, 9 d'avientu de 1916
Nacionalidá	Estaos Xuníos
Residencia	Hollywood Amsterdam Nueva York
Llingua materna	inglés
Muerte	Beverly Hills, 5 de febreru de 2020 (103 años)
Sepultura	Cementeriu Westwood Village Memorial Park
Causa de la muerte	causes naturales
Familia
Padre	Harry Danielovitch
Madre	Bertha Sanglel
Casáu con	Diana Douglas (es) (1943 – 1951) Anne Buydens (1954 – m. 2020)
Fíos/es	Michael Douglas Joel Douglas Peter Douglas Eric Douglas
Pueblu	Douglas family (en)
Estudios
Estudios	American Academy of Dramatic Arts 1941) Universidá de St. Lawrence
Llingües falaes	inglés francés yiddish
Oficiu	productor de cine, actor de televisión, actor de cine, direutor de cine, guionista, autor, soldáu, actor de teatru, actor, realizador, productor, filántropu, militar, escritor
Llugares de trabayu	Nueva York, Hollywood y Estaos Xuníos
Trabayos destacaos	Veinte mil leguas de viaje submarino (es) The Vikings Lust for Life Paths of Glory Spartacus
Premios	ver Medaya Nacional de les Artes Medalla de la Campaña Americana caballeru de la Lexón d'Honor Medaya de la Campaña Asia-Pacíficu Premios César Medaya de Victoria na Segunda Guerra Mundial Globu d'Oru al meyor actor dramáticu  (1956) : Lust for Life Anexo:Premio Concha de Plata al mejor actor  (1958) Estrella del Paséu de la Fama de Hollywood  (2 agostu 1960) Premio Cecil B. DeMille  (1967) César honoríficu  (1980) Medaya Presidencial de la Llibertá  (16 xineru 1981) Brunelleschi Lifetime Achievement Award  (1991) Premiu Kennedy  (1994) Óscar honoríficu  (1995) Premios del Sindicatu d'Actores  (1999) Screen Actors Guild Life Achievement Award  (1999) Osu d'Oru  (2001)
Nominaciones	ver Óscar al meyor actor (12 febreru 1950): Champion Globu d'Oru al meyor actor dramáticu (1951): Detective Story Óscar al meyor actor (9 febreru 1953): The Bad and the Beautiful Globu d'Oru al meyor actor dramáticu (1956): Lust for Life Óscar al meyor actor (18 febreru 1957): Lust for Life Premio Cecil B. DeMille (es) (1967) Anexo:Razzie al peor actor (es) (1981): Saturn 3 Primetime Emmy al mejor actor - Miniserie o telefilme (es) (1986): Amos (es) Primetime Emmy al mejor actor - Serie dramática (es) (1992): Tales from the Crypt Primetime Emmy al mejor actor invitado - Serie dramática (es) (2000): Touched by an Angel
Xéneru artísticu	western neo soul (es)
Mena de voz	Barítonu
Serviciu militar
Cuerpu militar	Armada d'Estaos Xuníos
Graduación	Teniente
Lluchó en	Segunda Guerra Mundial
Creencies
Relixón	Xudaísmu conservador
Partíu políticu	Partíu Demócrata
IMDb	nm0000018
kirkdouglas.com

Biografía

Los sos padres yeren xudíos bielorrusos, orixe que-y traxo inconvenientes pola influencia del Macarthismu dientro y fora del so oficiu.

Dende pequeñu destacó nos deportes, cuantimás en llucha llibre, desenvolviendo'l so físicu, y nes funciones d'actor, onde-y gustaba tanto dirixir como actuar.

Graduóse en lletres na Universidá de St. Lawrence. Dempués coló a Nueva York, onde consiguió una beca na Academia Norteamericana d'Arte Dramático, llugar nel que permaneció hasta 1939, con 23 años d'edá.

En 1941 debutó, gracies a Lauren Bacall (qu'entós empecipiaba la so carrera), nos escenarios teatrales de Broadway, pero depués foi llamáu al serviciu militar na Armada de los Estaos Xuníos, que cumplió en 1942-1943, mientres la Segunda Guerra Mundial, pa dempués tornar a Broadway.

Al ser llicenciáu con honores, volvió a Nueva York y en casa d'una amiga hojeó una revista de modelos, onde apaecía una formosa modelu y actriz llamada Diana Dill, que acabaría per ser la so esposa en 1943, y cola que tendría dos fíos: Michael y Joel.

Camín al estrellalgu

Kirk Douglas con 36 años y con Eve Miller en The Big Trees (1952).

En 1945, yá con una cierta fama collechada en Broadway, Lewis Milestone propón-y un papel nel filme The Strange Love of Martha Ivers, onde se revela como un actor de calter.

En 1949 interpreta a un boxeador na película Champion, de Mark Robson, onde pol so realista interpretación ye nomáu al Óscar al meyor actor.

Kirk fíxose conocíu pol so temperamental calter y les sos idees d'esquierda, que-y ganaron enemistaes dientro de l'alta cúpula de Hollywood y frenaron la so carrera y reconocencies xustificaes.

En 1951, Diana Douglas solicitó'l divorciu a Kirk Douglas, por cuenta de les incontables infidelidaes del actor, que yeren amás públiques. Sicasí, siempres caltuvieron una escelente rellación amistosa y él concedió-y a ella una pensión acomodada. En 1954 Douglas casar por segunda vegada con Anne Buydens, quien-y da otros dos fíos.

Actor consagráu

Kirk Douglas a los 71 años, col presidente Ronald Reagan.

Foi candidatu en trés causes a un Premiu Óscar de l'Academia, anque nunca lo ganó por cuenta de los sos enclinos izquierdistes conocíes; sicasí, foi gallardoniáu en 1996 con un Óscar honoríficu polos sos 50 años de dedicación a la industria del cine.

Munches películes nes que trabayó son épiques, pero la más famosa y destacable ye la so actuación en Espartacus, de Stanley Kubrick, xunto coles non menos maxistrales actuaciones de Peter Ustinov, Charles Laughton, Laurence Olivier y Jean Simmons. Les interpretaciones de Kirk Douglas son intenses y convincentes.

Douglas en 2011.

Otra de les sos famoses actuaciones y pa la que foi candidatu al Meyor Actor per tercer vegada foi en Lust for Life, onde caracteriza al pintor Vincent van Gogh y onde actuó Anthony Quinn. Curiosamente, Quinn sí ganó la estauína, como Meyor Actor secundariu, per unos pocos minutos d'actuación; esi foi un golpe baxu pa Douglas.

La so fama ye comparable a la d'actores como Sir Laurence Olivier y Anthony Quinn. Dio a cada unu de los sos filmes una marca distintiva onde la fuercia de les sos actuaciones daba a cada filme una sonadía. Amás codirixió delles películes y sostuvo un singular pleitu con Stanley Kubrick pola producción de delles de les sos películes, lo que-y restó fuercia en Hollywood y de fechu -y sesgó en toles nominaciones a premios.

Intervieno tantu en comedies como en drames y encarnó personaxes duros pero de fondu bien vulnerable: Champion (M. Robson, 1949), Detective Story (W. Wyler, 1951), The Bad and the Beautiful (V. Minnelli, 1952), Tough Guys (J. Kanew, 1986), Óscar (J. Landis, 1991), Diamonds (1999). Participó en numberoses producciones pa televisión y en 1988 publicó la so autobiografía (El fíu del traperu).

Ye unu de los actores más llonxevos de Hollywood. En 1991 sobrevivió a un accidente n'helicópteru nel que finaron dos persones. En 1994 sobreviéno-y una trombosis leve que lu provocó serios problemes sicomotores (paraplexia). A pesar d'ello, davezu vése-y al pie del so fíu Michael Douglas en dellos eventos del mediu.

Filmografía

• The Strange Love of Martha Ivers (The Strange Love of Martha Ivers) (1946), de Lewis Milestone.
• Out of the Past (Traidora y mortal o Torna al pasáu) (1947), de Jacques Tourneur.
• Mourning Becomes Electra (Mourning Becomes Electra) (1947), de Dudley Nichols.
• I Walk Alone (I Walk Alone) (1948), de Byron Haskin.
• Muralles humanes (The Walls of Jericho) (1948), de John M. Stahl.
• La mio quería secretaria (My Dear Secretary) (1949), de Charles Martin.
• A Letter to Three Wives (A Letter to Three Wives) (1949), de Joseph L. Mankiewicz.
• Champion (Champion) (1949), de Mark Robson.
• El trompetista (Young Man with a Horn) (1949), de Michael Curtiz.
• El zoo de cristal (The Glass Menagerie) (1950), d'Irving Rapper.
• Along the Great Divide (Along the Great Divide) (1951), de Raoul Walsh.
• El gran antroxu (Ace in the Hole) (1951), de Billy Wilder.
• Detective Story (Detective Story) (1951), de William Wyler.
• La llei de la fuercia (The Big Trees) (1952), de Felix Feist.
• Ríu de sangre (The Big Sky) (1952), de Howard Hawks.
• The Bad and the Beautiful (1952), de Vincente Minnelli.
• Tres amores (The Story of Three Loves) (1953), de Vincente Minnelli y Gottfried Reinhardt, epis. Equilibriu (Equilibrium).
• Homes escaecíos (The Juggler) (1953), d'Edward Dmytryk.
• Actu d'amor (Act of Love) (1953), d'Anatole Litvak.
• Ulises (Ulisse) (1954), de Mario Camerini.
• Venti mil llegües de viaxe submarín (20.000 Leagues Under the Sea) (1954), de Richard Fleischer.
• Homes temerarios (The Racers) (1955), de Henry Hathaway.
• Man Without a Star (1955), de King Vidor.
• Pactu d'honor (The Indian Fighter) (1955), d'Andre de Toth.
• Lust for Life (1956), de Vincente Minnelli.
• Intriga femenina (Top Secret Affair) (1957), de H.C. Potter
• Gunfight at the O.K. Corral (1957), de John Sturges.
• Senderos de gloria (Paths of Glory) (1957), de Stanley Kubrick.
• Los viquingos (The Vikings) (1958), de Richard Fleischer.
• L'últimu tren de Gun Hill (Last Train from Gun Hill) (1959), de John Sturges.
• El discípulu del diañu (The Devil's Disciple) (1959), de Guy Hamilton.
• Un estrañu na mio vida (Strangers When We Meet) (1960), de Richard Quine.
• Spartacus (Spartacus) (1960), de Stanley Kubrick.
• Ciudá ensin piedá (Town Without Pity) (1961), de Gottfried Reinhardt.
• El postreru atapecer (The Last Sunset) (1961), de Robert Aldrich.
• Los valientes anden solos (Lonely Are the Brave) (1962), de David Miller.
• Two Weeks in Another Town (Two Weeks in Another Town) (1962), de Vincente Minnelli.
• Silenciu de muerte (The Hook) (1963), de George Seaton.
• The List of Adrian Messenger (The List of Adrian Messenger) (1963), de John Huston.
• Trés herederes (For Love or Money) (1963), de Michael Gordon.
• Seven Days in May (Seven Days in May) (1964), de John Frankenheimer.
• Primer victoria (In Harm's Way) (1965), d'Otto Preminger.
• The Heroes of Telemark (The Heroes of Telemark) (1965), d'Anthony Mann.
• Cast a Giant Shadow (Cast a Giant Shadow) (1966), de Melville Shavelson.
• Paris brûle-t-il? (Is Paris Burning?) (1966), de René Clément.
• The Way West (The Way West) (1967), d'Andrew V. McLaglen.
• The War Wagon (The War Wagon) (1967), de Burt Kennedy.
• A Lovely Way to Die (A Lovely Way to Die) (1968), de David Lowell Rich.
• Mafia (The Brotherhood) (1968), de Martin Ritt.
• The Arrangement (The Arrangement) (1969), d'Elia Kazan.
• There Was a Crooked Man... (There Was a Crooked Man...) (1970), de Joseph L. Mankiewicz
• Colos deos cruzaos (To Catch a Spy) (1971), de Dick Clement.
• The Light at the Edge of the World (The Light at the Edge of the World) (1971), de Kevin Billington.
• A Gunfight (A Gunfight) (1971), de Lamont Johnson.
• The Master Touch (The Master Touch) (1972), de Michele Lupo.
• Scalawag (Scalawag) (1973), d'él mesmu.
• Posse (Posse) (1975), d'él mesmu.
• Jacqueline Susann's Once Is Not Enough (Jacqueline Susann's Once Is Not Enough) (1975), de Guy Green.
• Holocaust 2000 (Holocaust 2000) (1977), d'Alberto De Martino.
• The Fury (The Fury) (1978), de Brian de Palma.
• Cactus Jack (The Villain) (1979), de Hal Needham.
• Home Movies (Home Movies) (1979), de Brian De Palma.
• Saturno 3 (Saturn 3) (1980), de Stanley Donen.
• The Final Countdown (The Final Countdown) (1980), de Don Taylor.
• The Man From Snowy River (The Man From Snowy River) (1982), de George Miller.
• Eddie Macon's Run (Eddie Macon's Run) (1983), de Jeff Kanew.
• Amos (1985), de Michael Tuchner.
• Tough Guys (Tough Guys) (1986), de Jeff Kanew.
• Oscar (Óscar) (1991), de John Landis.
• Welcome to Veraz (Welcome to Veraz) (1991), de Xavier Castaño.
• Greedy (Greedy) (1994), de Jonathan Lynn.
• Diamonds (Diamonds) (1999), de John Asher.
• It Runs in the Family (It Runs in the Family) (2003), de Fred Schepisi.
• Illusion (2004), de Michael A. Goorjian.

Premiu Óscar

Añu	Categoría	Película	Resultáu
1996	Óscar Honoríficu		Ganador
1956	Meyor Actor	Lust for Life	Candidatu
1952	Meyor Actor	The Bad and the Beautiful	Candidatu
1949	Meyor Actor	Champion	Candidatu

Enllaces esternos

• Wikimedia Commons acueye conteníu multimedia sobre Kirk Douglas.

• Kirk Douglas na Internet Movie Database (n'inglés)
• Issurdouglas
• Kirk Douglas n'español
• Sitio dedicáu al actor; en francés.

• Datos: Q104027
• Multimedia: Kirk Douglas
• Cites famoses: Kirk Douglas