Castellán estremeñu
El castellán estremeñu ye'l conxuntu de variedaes del idioma castellán falaes n'Estremadura.
Tamién esiste la denominación castúo, creada pol poeta estremeñu Luis Chamizo Trigueros, natural de Guareña, provincia de Badajodz, qu'en 1921 asoleyó'l so llibru de poemes El Miajón de los Castúos en que tentaba de reflexar la fala rural que definió como castizu, que caltién la casta de llabradores que cultivaron les sos propies tierres.[1]
Carauterístiques
editarCol tiempu la denominación de castúo fízose popular pa nomar les fales d'Estremadura, tanto les del altoestremeñu como les propiamente castellanes (medioestremeñu y baxoestremeñu).
Les fales baxo- y medioestremeñes estiéndense pela mayor parte de la provincia de Badajoz y el centru, sur y este de la provincia de Cáceres. Como fala castellana meridional de tránsitu, caracterízase por compartir col altoestremeñu algunes lexicalizaciones de conservación del grupu "mb" llatín, espresiones de xenitivu partitivu del estilo "unos pocos de", el diminutivu n'-ino y sobre too los rasgos comunes col andaluz occidental distinguidor (nin ceceante nin seseante), incluyendo l'aspiración d'efe inicial laltina y ciertos cambios de xéneru en delles pallabres. La neutralización -l/-r en posición implosiva, si esiste, siempre tiende a la "r" en baxoestremañu. La erre y la ele finales habitualmente desapaecen. Esiste lésicu particular carauterísticu que tiende a perdese en dellos casos ente les nueves xeneraciones. Por exemplu sigue siendo frecuente l'usu de la pallabra guarro referida al cerdo (gochu). El seseo namás apaez en delles llocalidaes averaes a Portugal y en Fuente del Maestre. Esisten pequeños islotes d'usu esporádicu del artículu nel posesivu ("la mi cama") tamién na provincia de Badajoz, mesmo en llugares del estremu sur d'ésta, anque'n decadencia.