Castrillo de Villavega

Castrillo de Villavega
Alministración
País	España
Autonomía	Castiella y Lleón
Provincia	provincia de Palencia
Tipu d'entidá	conceyu d'España
Alcalde de Castrillo de Villavega (es)	José María Castrillo del Río
Nome oficial	Castrillo de Villavega (es)
Códigu postal	34478
Xeografía
Coordenaes	42°27′00″N 4°28′59″W / 42.45°N 4.4830555555556°O
	Castrillo de Villavega Castrillo de Villavega (España)
Superficie	34 km²
Altitú	856 m
Llenda con	Loma de Ucieza, Villaherreros, Abia de las Torres, Bárcena de Campos, Villasarracino y Villameriel
Demografía
Población	174 hab. (2023); - 96 homes (2019); - 78 muyeres (2019)
Porcentaxe	0% de provincia de Palencia
Densidá	5,12 hab/km²
Más información
Estaya horaria	UTC+01:00
	castrillodevillavega.es

Castrillo de Villavega ye una llocalidá y conceyu de la provincia de Palencia, na Comunidá autónoma de Castiella y Lleón, España.

Castiellu de Castrillo de Villavega. S.IX-X.

La economía de la rexón ye fundamentalmente agrícola anque tamién cunta con daqué de ganadería, sobremanera ovina. Ye una de les llocalidaes del Camín de Santiago del Norte: Ruta del Besaya.

Xeografía

Ta asitiáu a veres del ríu Valdavia, afuente del ríu Pisuerga, sobre una planicie qu'apodera una estensa vega.

El pueblu ta formáu por dos nucleos urbanos de los que Castrillo ye'l principal pol númberu d'habitantes y tamañu, nél ta asitiáu'l gobiernu municipal col so conceyu y xulgáu de paz, amás d'una ilesia. Villavega, muncho más pequeñu, cuenta con unes poques cases y una ilesia. Dambos tán dixebraos ente sigo pel ríu Valdavia, sobre'l que se construyó a principios del sieglu XIX una ponte de piedra pa faer posible el so pasu.

Traviesa'l pueblu la carretera rexonal de Villaherreros a Buenavista de Valdavia. Tien bien próximes les llocalidaes de Carrión de los Condes, Osorno, Herrera de Pisuerga y Saldaña.

Evolución demográfica

A 1 de xineru de 2010 la población del conceyu xubía a 204 habitantes, 106 varones y 98 muyeres.^[2]

Gráfica d'evolución demográfica de Castrillo de Villavega (conceyu) ente 1842 y 2010

Población de fechu (1857-1860) según los censos de población del INE del sieglu XIX. Población de derechu (1842 y periodu 1900-1991) o población residente (2001) según los censos de población del INE. Población según el padrón municipal de 2010 del INE.

**Censu de Llares**
1842	1857	1860	1877	1887	1897	1900	1910	1920	1930	1940	1950	1960	1970	1981	1991	2001
132	234	235	279	247	245	248	243	223	228	223	257	204	141	126	118	107

División alministrativa

Villavega de Castrillo: A escasos 300 metros de Castrillo de Villavega, na marxe izquierda del Ríu Valdavia.

Fíos pernomaos

Mariano Cuadrado Robles (sieglu XIX), llicenciáu en Farmacia
Salvador Mañero Mañero (Castrillo de Villavega, 12 de xineru de 1917 - † Madrid, 27 d'ochobre de 2000): Unu de los profesores de filosofía españoles más importantes del sieglu XX. El 30 d'ochobre de 1945 incorpórase, como Caderalgu de Filosofía, al Cuerpu de Caderalgos Numerarios d'Institutos Nacionales d'Enseñanza Media d'España, con destín nel Institutu Xovellanos de Xixón, villa asturiana na que va permanecer hasta 1959, desenvolviendo una gran actividá pública. Doctor en Filosofía en 1950 pola Universidá de Madrid, cola tesis Dios na concepción aristotélica del Universu. Collaborador habitual de la Revista del Institutu «Luis Vives» de Filosofía, y depués de les Selmanes Españoles de Filosofía, publicó tamién nos años cincuenta na Revista de la Universidá d'Uviéu y en Archivum (revista que la foi de la Facultá de Filosofía y Lletres d'Uviéu).

Historia

La so situación xeográfica de xuru foi'l motivu pol que na Alta Edá Media construyóse un castiellu o talaya dende'l que podía controlase un vastu territoriu. Los restos qu'entá perviven, constitúin un pervalible y estrañu exemplu de Fortaleza de Repoblación, y déxanos tener una idea de como pudo ser el Castiellu d'Agüeru (Buenavista de Valdavia), que sirvió de cabecera na repoblación del Valle de la Valdavia, y del cual esti castiellu de Castrillo de Villavega sirviría d'avanzadura. Castrillo tuvo de cuntar tamién con una cerca o muralla, asina paecen indicalo los nomes de delles de les sos cais como por casu la cai "Postigo". La despoblación qu'afecta a los pueblos de la zona tamién afectó a Castrillo, lo que fai qu'aumente la media d'edá de los sos habitantes.

Monumentos

Castiellu de Castrillo: Fortaleza altomedieval que da nome al pueblu. Construyida a finales del sieglu IX o principios del sieglu X con oxetu de ser l'avanzadura del Castillo d'Agüeru en Buenavista.
Ilesia de San Quirico: Templu d'orixe de Románicu, del qu'entá caltién la so portada con arquivoltes de mediu puntu y capiteles historiaos. La fábrica actual ye del sieglu XV, na que se reutilizaron los sillares del castiellu que da nome al pueblu.
Ponte Canto.
Ermita del Santu Cristu del Humilladero.
Ermita de San Sebastián: Edificación d'adobe y lladriyu con un pequeñu campanil, que s'atopa a la salida del pueblu en direición a Itero Secu.
Ermita de la Virxe del Camín: Del sieglu XV. Apocayá afayóse un interesante artesonado mudéxar del sieglu XVI, qu'atesora un gran valor artísticu y históricu, según el delegáu diocesanu de Patrimoniu, José Luis Calvo. Nel sieglu XIX asitióse un techu d'escayola que despintó'l artesonado, y les obres efectuaes na primavera del añu 2011 desataparon esta xoya El artesonado, que ye bien similar al vecín de la ermita de La Piedá d'Osorno, tien forma octogonal, ta decoráu con estrelles de seis puntes percorríes por un gordón y amuesa nel centru un mozárabe (un elementu arquiteutónicu decorativu a base de prismes yustapuestos).^[3]
Molín del Conceyu: Nel so tiempu hubo en fucionamiento dellos molinos y una central llétrica. Entá se caltienen estos edificios y los cuérnagos que se realizaron p'abastecelos de les agües del Valdavia.