Cavelier de La Salle
René-Robert Cavelier de La Salle (21 de payares de 1643, Rouen – 19 de marzu de 1687, Texas) foi un esplorador francés, que tomó posesión de la Louisiana en nome del rei Lluis XIV de Francia.
Cavelier de La Salle | |
|---|---|
 | |
| Vida | |
| Nacimientu | Rouen[1], 21 de payares de 1643[2] |
| Nacionalidá |
 Francia |
| Muerte | Texas[3], 19 de marzu de 1687[4] (43 años) |
| Causa de la muerte | homicidiu |
| Estudios | |
| Estudios |
Liceo Pierre-Corneille (es)  |
| Llingües falaes | francés[4] |
| Oficiu | esplorador, viaxeru, investigador |
| Creencies | |
| Relixón | catolicismu |
| Orde relixosa | Compañía de Xesús |
 | |
 | |
René-Robert Cavalier nació en Rouan (Normandía) el 21 de payares de 1643. Ellí estudió colos xesuites, enantes d'entrar como noviciu na ciudá de París, onde pronunció los primeros votos en 1660.
Per cinco años dedicóse a la enseñanza, pero en 1667 renunció a los votos y embarcó pa Nueva Francia. Ellí recibió la propiedá de delles tierres cerca de Montreal.
En 1669, col sofitu del Conde de Frontenac, gobernador de Nueva Francia, financió una espedición, cola que pretendía aportar al Mar Bermeyu (l'Océanu Pacíficu ), siguiendo'l ríu Ohio. Nesta espedición esploró los llagos Ontario y Erie y fundó Fort Frontenac (anguaño Kingston).
Tres d'un viaxe a Francia en 1674 y 1675, nel que recibió'l títulu nobiliariu de Señor de La Salle, el rei autorizólu a esplorar territorios nuevos y construyir fuertes p'asegurar el so control.
En 1680 aportó al llagu Michigan y ente 1681 y 1682 baxó siguiendo'l Mississippi hasta'l Golfu de Méxicu. Cavalier de La Salle tomó posesión d'esos territorios en nome de Francia y dio-yos el nome de Louisiana (Louisiane) n'honor del rei Lluis XIV de Francia.
En 1684 emprendió dende Francia, col títulu de Gobernador de la Luisiana, un viaxe cola misión d'establecer un fuerte na boca'l Mississippi. Cuando llegó al Golfu de Méxicu desembarcó por error nel actual territoriu de Texas. Los ataques de los indios, les enfermedaes, la falta d'agua potable y de víveres llevaron al fracasu de la espedición.
En xineru de 1687, con un grupu de 17 homes trató de llegar a Canadá, buscando ayuda pa los miembros que quedaben de la espedición. El 19 de marzu de 1687 los sos homes amotináronse y morrió d'un tiru na cabeza. Los sobrevivientes acabaron matándose ente ellos.
Referencies
editar- ↑ Afirmao en: Gemeinsame Normdatei. Data de consulta: 13 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Dictionnaire biographique du Canada. Identificador Dictionary of Canadian Biography: cavelier_de_la_salle_rene_robert_1. Apaez como: RENÉ-ROBERT CAVELIER DE LA SALLE. Data de consulta: 9 ochobre 2017. Autor: Universidá de Toronto. Editorial: University of Toronto Press. ISSN: 0420-0446. Llingua de la obra o nome: inglés.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 4,0 4,1 Afirmao en: autoridaes BNF. Identificador BnF: 11945522k. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
Enllaces esternos
editar
Wikimedia Commons acueye conteníu multimedia sobre Cavelier de La Salle.- «Cavelier de La Salle». en Find a Grave. (n'inglés)
Datos: Q298156- Multimedia: René Robert Cavelier de La Salle
