Ontario
Ontario (pronunciao n' inglés [ɒn'teəɺɪːəʊ]) ye una de les diez provincies de Canadá, y la más poblada del país (cerca d'un terciu de la población canadiana vive n'Ontario). Nesta provincia alcuéntrense tanto la mayor ciudá canadiana, Toronto, como Ottawa, la capital del país. Tamién ye la segunda mayor provincia del país en términos d'área, namái por detrás de Quebec. La rexón sur d'Ontario ye'l puntu más meridional de toa Canadá.
 Ontario | |||||
|---|---|---|---|---|---|
 | |||||
| |||||
| Alministración | |||||
| País |  Canadá | ||||
| Tipu d'entidá | provincia del Canadá | ||||
Primer ministro de Ontario (es)  |
Doug Ford, Jr. (es) | ||||
| Nome oficial |
Ontario (en)[1] Ontario (fr)[1] | ||||
| Nome llocal | Ontario (en) | ||||
| Códigu postal |
K, L, M, N y P | ||||
| Xeografía | |||||
| Coordenaes | 50°N 85°W / 50°N 85°O | ||||
  Ontario Ontario (Canadá)  | |||||
| Superficie | 1076395 km² | ||||
| Llenda con | Nueva York, Pennsylvania, Ohio, Michigan, Wisconsin, Minnesota, Manitoba, Quebec y Nunavut | ||||
| Demografía | |||||
| Población | 14 223 942 hab. (2021) | ||||
| Porcentaxe | 38.45% de Canadá | ||||
| Densidá | 13,21 hab/km² | ||||
| Más información | |||||
| Fundación | 1r xunetu 1867 | ||||
| Estaya horaria |
Horariu del este de Norteamérica Hora Estándar Central UTC−05:00 | ||||
| Llocalidaes hermaniaes | Jiangsu | ||||
| ontario.ca | |||||
 | |||||
La principal fonte d'ingresos d'Ontario ye la industria. El valor de los productos industriales producíos n'Ontario ye mayor que la suma del valor total de los productos industriales fabricaos en toles otres provincies y territorios de Canadá. La fuercia de la so industria manufacturera valió-y l'apodu de Manufacturing Heartland of Canada (Corazón Industrial de Canadá). La provincia destaca principalmente pola so fuerte industria automovilística la más competitiva de tol continente americanu, sacante Michigan, nos Estaos Xuníos d'América. Otres fontes importantes d'ingresos son el turismu y la prestación de servicios financieros ya inmobiliarios.
L'orixe del so nome deriva del llagu del mesmu nome, el llagu Ontario, nome dau polos iroqueses, que significa "llagu fermosu" o "agües brilloses". Ontario foi colonizáu na primer vegada polos franceses, pasando a formar parte de la colonia francesa de Canadá, una de les provincies coloniales de Nueva Francia, qu'entós incluyía la rexón sur de les agora provincies canadianes d'Ontario y de Quebec.
En 1763, el Reinu Xuníu anexonóse Canadá. En tres décades, los anglófonos convirtiéronse en mayoría nel suroeste de la colonia, motivu pol cual el Reinu Xuníu decidió dixebrar la colonia en dos en 1791. Estes divisiones foron reuníes de nuevu en 1840, nuna única provincia de Canadá. Cola independencia de Canadá, el 1 de xunetu de 1867, la provincia de Canadá foi definitivamente dixebrada en dos, nes actuales provincies d'Ontario y de Quebec. Nos sos inicios una potencia agraria, Ontario pasó a ser un gran centru industrial a entamos del sieglu XX, y convirtióse nel principal centru económicu del país demientres les décades de 1960 y 1970.
N'agostu de 2006, residíen na provincia 12.792.619 ontarienses (términu usáu por Radio Canada Internacional n'español basáu en "quebequense"), lo que representa'l 37,9% de la población total canadiana, repartíos por un área de 1.076.395 km².
Ontario ye la provincia más poblada de Canadá. Más del 80% de la población d'Ontario vive en ciudaes, y esta tasa ta xubiendo.
El censu nacional canadianu de 2001 estimó la población d'Ontario en 11.410.046 habitantes, una crecedera del 6% sobro la estimación del censu de 1996, de 10.753.573 habitantes. Más del 92% de la población de la provincia vive nuna estrecha franxa que va de Windsor hasta Ottawa. Esta rexón tien namái un 12% del área d'Ontario. La rexón metropolitana de Toronto concentra 5,6 millones d'habitantes, y la rexón metropolitana d'Ottawa tien otros 1,1 millones.
Races y etnies
editar
Composición racial de la población d'Ontario:
- 80,9% Blancos - Principales etnies: ingleses, irlandeses, escoceses, franceses, alemanes ya italianos.
- 4,9% Sur-asiáticos
- 3,7% Chinos
- 3,6% Afro-canadianos
- 1,7% Nativos canadianos
- 1,3% Filipinos
- 3,9% Hispanos
- 3,0% Otres races
Los mayores grupos étnicos que componen la población d'Ontario son los ingleses, escoceses, irlandeses, franceses, alemanes, italianos, chinos y españoles.
Ontario tien aproximao 66 mil nativos indíxenes. Un 45% d'ellos vive nuna de les 186 reserves indíxenes alministraes pola provincia, que cubren un total de más de 700 mil hectáreas. Otros 150 mil habitantes de la provincia tienen ascendencia indíxena.
Llingües
editarEn 2001, el 71,6% de los habitantes d'Ontario tenía como llingua materna l'inglés. Ente'l restu de la población, el 4,4% falaba francés como llingua materna y el 23,7% tenía otra llingua materna diferente.
L'inglés ye la única llingua oficial, magar que los francófonos d'Ontario desempeñen un papel esencial na vida cultural de la provincia y conformen la meyor minoría llingüística. El gobiernu provincial proporciona servicios en francés nes rexones u la población francófona ye lo suficientemente alta, como ye'l casu de la ciudá d'Ottawa, onde'l francés y l'inglés son cooficiales. Toronto tien más falantes d'italianu que cualesquier otra ciudá fuera d'Italia.
Relixones
editarLos principales grupos relixosos d'Ontario son:
- 34,9% Protestantes
- 34,7% Católicos romanos
- 16,3% Ensin nenguna afiliación relixosa (ateísmu, agnosticismu, etc.)
- 3,1% Musulmanes
- 2,7% Otros Cristianos
- 2,3% Cristianos ortodoxos
- 1,9% Hindús
- 1,7% Xudíos
- 1,1% Budistas
- 0,9% Sikhs
Principales ciudaes
editarReferencies
editar- ↑ 1,0 1,1 Afirmao en: Constitution Act, 1867. Llingua de la obra o nome: inglés. Data d'espublización: 1867.
