Cementeriu Nacional d'Arlington

El Cementeriu Nacional d'Arlington n'Arlington, Virxinia, ye un campusantu militar d'Estaos Xuníos establecíu mientres la Guerra de Secesión nos terrenes de Robert E. Lee. Ta asitiáu cerca del Ríu Potomac, nes proximidaes d'El Pentágonu.

Cementeriu Nacional d'Arlington
Llugar Históricu de los EE.XX.
Arlington National Cemetery (en)
cementerio militar (es) , cementerio nacional (es) , cementeriu, monumento de guerra (es) y Direct Reporting Unit (en)
Llocalización
País	Estaos Xuníos
Estaos	Virxinia
Condáu	condáu d'Arlington
Coordenaes	38°52′45″N 77°04′20″W
Cementeriu Nacional d'Arlington Cementeriu Nacional d'Arlington (los EE.XX.)
Historia y usu
Apertura	1854
Dueñu	Departamento del Ejército de los Estados Unidos (es)
Arquiteutura
Superficie	2,53 km²
Patrimoniu
NRHP	14000146
Instalaciones
Formáu por	Llama Eterna de John F. Kennedy (es)
Web oficial

Vista xeneral del Campusantu Nacional de Arlington n'avientu de 2012.

Veteranos de toles guerres tán soterraos nesti campusantu, dende la Guerra d'Independencia de los Estaos Xuníos hasta les invasiones militares n'Afganistán y Iraq.

Tumba de los desconocíos

Artículu principal: Tumba de los desconocíos

La Tumba de los desconocíos, conocida tamién como la Tumba al soldáu desconocíu, nun recibió nunca un nome oficial. Ta asitiada nel visu d'una llomba del condáu de Arlington, mirando escontra la ciudá de Washington D. C.

La tumba ye unu de los sitios más populares del campusantu. Ta fecha de siete pieces de granitu con un pesu total de 72 tonelaes. Foi abierta al públicu'l 9 d'abril de 1932. La tumba tien un guardia permanente les 24 hores del día, tolos díes del añu.

Otres tumbes

Balta de John Fitzgerald Kennedy

Memorial del Challenger.

Otros sitios visitaos con frecuencia ye'l Memorial Iwo Jima y la balta cola "llapada eterna" del presidente John F. Kennedy, quien ta soterráu xunto a la so esposa Jacqueline y 2 de los sos fíos (Arabella y Patrick). Mui cerca d'ende ta soterráu'l so hermanu, el senador Robert F. Kennedy, y dende 2009, tamién s'atopa soterráu'l so otru hermanu, el senador Edward M. Kennedy.

Ye interesáu que, tando dichu campusantu reserváu a los militares y a aquellos qu'emprestaron pervalibles servicios militares al so país en distintes guerres, tea ellí soterráu'l ex-presidente William Howard Taft, quien nunca foi militar.

El Memorial del tresbordador espacial Challenger ta dedicáu a la tripulación del vuelu STS-51-L, que'l 28 de xineru de 1986 morrió mientres el llanzamientu de la nave. Anque la mayoría de los restos fueron identificaos y devueltos a los sos familiares pa un funeral priváu, n'Arlington soterráronse los restos d'aquellos que nun se pudieron identificar. Amás, dos miembros de la tripulación, Francis Scobee y Michael Smith, tán soterraos nesti campusantu. Hai un memorial similar dedicáu a la tripulación que finó nel accidente del tresbordador Columbia el 1 de febreru de 2003.

Otru de los memoriales del campusantu ta dedicáu a les víctimes del ataque terrorista del 11 de setiembre al Pentágonu col vuelu 77 d'American Airlines. El memorial inclúi'l nome de los 184 muertos, militares y civiles, na instalación militar. Esiste otru memorial a les 270 persones finaes nel vuelu 103 de Pan Am en Lockerbie, Escocia. L'avión españó por una bomba asitiada nel so interior. 189 d'eses víctimes yeren d'Estaos Xuníos.

Una tumba bien famosa d'esti campusantu, y considerada la tumba más peligrosa del mundu, esta allugada na Seición 31 del mesmu y correspuende a Richard Leroy McKinley, un especialista militar fináu'l 3 de xineru de 1961, víctima d'una esplosión nuclear nel reactor SL-1. El so cadabre absorbió una cantidá tan grande de radiación que ta forráu con un nylon especial selláu al vaciu y con delles capes d'algodón y plásticu, tou dientro d'un sarcófagu selláu fechu de plomu, que ta guardáu dientro de dos bóvedes más, un sobre otra y debaxo del suelu, sellaes y reforzaes caúna con capes de metal de 30 cms. La radiación qu'emite'l cadabre mataría toa forma de vida que tea cerca en cuestión de segundos si tuviera espuestu. Los guardias que curien la tumba tienen órdenes de disparar a matar a quien s'atreva a averase al llugar con una pala o otra ferramienta pa escavar, seya quien sía. Magar estes midíes de seguridá, la so sepultura y la so llábana ye similar a la de los demás militares soterraos nel campusantu.

Galería

• 
  Anfiteatru, vista fronteru.
• 
  Anfiteatru, vista llateral.
• 
  Vista de les llábanes nun día de sol.
• 
  Cartelu de bienvenida.
• 
  Llábanes nun día nublu.

Enllaces esternos

• Wikimedia Commons acueye conteníu multimedia sobre Cementeriu Nacional d'Arlington.
• Arlingtoncemetery.org Sitiu web del campusantu.

• Datos: Q216344
• Multimedia: Arlington National Cemetery