Chris Penn

Christopher Shannon "Chris" Penn (10 d'ochobre de 1965, Los Angeles – 24 de xineru de 2006, Santa Monica) foi un actor d'Estaos Xuníos. Fíu del direutor de cine Leo Penn y l'actriz Eileen Ryan y hermanu del tamién actor Sean Penn y el músicu Michael Penn. Nació en Los Angeles, California, yera'l menor de tres hermanos y foi pareya de la modelu Steffiana de la Cruz ente 1993 y 1999.

Chris Penn
Vida
Nacimientu	Los Angeles, 10 d'ochobre de 1965
Nacionalidá	Estaos Xuníos
Llingua materna	inglés
Muerte	Santa Monica, 24 de xineru de 2006 (40 años)
Sepultura	Cementeriu de Holy Cross
Causa de la muerte	miocardiopatía (es) enfermedá cardiovascular
Familia
Padre	Leo Penn
Madre	Eileen Ryan
Hermanos/es	Michael Penn Sean Penn
Familia	ver Dylan Penn (sobrina)
Estudios
Estudios	Santa Monica High School (es)
Llingües falaes	inglés
Oficiu	actor, actor de televisión, actor de cine, actor de voz
IMDb	nm0001606

Biografía

Empezó a actuar a los 11 años en Loft Studio y fixo'l so debú cinematográficu en 1979 na película Charlie and the Talking Buzzard. En 1983 participó en Rumble Fish, drama empobináu por Francis Ford Coppola, La clave del ésitu, protagonizada por Tom Cruise y onde interpretaba al so meyor amigu. Tamién tuvo un papel nel musical Footloose de 1984, el western empobináu por Clint Eastwood Pale Rider de 1985 y en Homes frente por frente, onde compartía película col so hermanu Sean Penn y la so madre Eileen Ryan.

De normal asignábense-y papeles de personaxes axataos, delincuentes, de clase trabayadora o cómicos. Dos de les sos actuaciones más memorables fueron en Reservoir Dogs de Quentin Tarantino nel papel de Nice Guy Eddie y en True Romance como Nicky Dimes. En 1996 ganó'l premiu al meyor actor de repartu nel Festival Internacional de Cine de Venecia pol filme El funeral.

Nel llargumetraxe Short Cuts de Robert Altman, interpretó al encargáu de la llimpieza d'una piscina esmolecíu pol oficiu de la so esposa, trabayadora d'una llinia erótica qu'atendía a los sos veceros na so propia casa y col personaxe de Penn escuchando les conversaciones.

Tamién intervieno nun episodiu de la serie de televisión Law & Order: Criminal Intent mientres la temporada 2004-2005, punxo la voz a Eddie Pulaski nel videoxuegu Grand Theft Auto: San Andreas y participó en The Darwin Awards, que foi estrenada un día dempués de la so muerte nel Festival de Cine de Sundance.

Muerte

Chris Penn foi atopáu muertu nel so apartamentu de Santa Monica el 24 de xineru de 2006, a la edá de 40 años. A pesar del so consumu de drogues nel pasáu, l'autopsia realizada pol forense del condáu de Los Angeles reveló que la causa principal de la muerte foi una cardiomiopatía non específica, provocada por una dilatación del corazón y una serie de melecines como la codeína. Nel so cuerpu fueron atopaos restos de mariguana y cocaína, el so hermanu Sean Penn declaró que la muerte del so hermanu foi producida principalmente pol so eleváu pesu.

Alcuéntrase soterráu nel campusantu de Holy Cross de Culver City, California.

Filmografía

• Aftermath (2007)
• Holly (2006)
• King of Sorrow (2006)
• The Darwin Awards (2006)
• After the Sunset (2004)
• Starsky & Hutch (2004)
• Grand Theft Auto: San Andreas (Voz de Eddie Pulaski) (2004)
• Stealing Harvard (2002)
• Murder by Numbers (2002)
• Corky Romanu (2001)
• Kiss Kiss Bang Bang (2000)
• Cement (1999)
• Rush Hour (1998)
• The Boys Club (1997)
• Deceiver(L'impostor) (1997)
• The Funeral (1996)
• Mulholland Falls (1996)
• To Wong Foo, Thanks for Everything! Julie Newmar (1995)
• Fist of the North Star (1995)
• Short Cuts (1993)
• True Romance (1993)
• The Music of Chance (1993)
• Josh and S.A.M. (1993)
• Beethoven’s 2nd (1993)
• Best of the Best 2 (1993)
• Reservoir Dogs (1992)
• Mobsters (1991)
• Best of the Best (1989)
• At Close Range (1986)
• Pale Rider (1985)
• Footloose (1984)
• The Wild Life (1984)
• All the Right Moves (1983)
• Rumble Fish (1983)
• Charlie and the Talking Buzzard (1979)

Enllaces esternos

• Chris Penn na Internet Movie Database (n'inglés)

• Datos: Q297744