Francis Ford Coppola
Francis Ford Coppola (7 d'abril de 1939, Detroit) ye un guionista, productor y direutor de cine d'Estaos Xuníos, seis veces ganador del premiu Óscar.
.jpg)
_Ribbon.Bar.gif){kind=small}
Fíu del compositor y direutor de orquesta Carmine Coppola y l'actriz Italia Pennino Coppola, ingresó na Universidá Hofstra pa estudiar Artes Dramátiques, y años más sero titulóse n'Artes Teatrales na UCLA. La so carrera entamó en 1963 cola direición de Dementia 13, de la que tamién fizó'l guión. Dende eso dirixó más d'una ventena de películes, de les que delles fueron aclamaes pola crítica cinematográfica, ente les que destaquen producciones como La conversación (1974), la bélica Apocalypse Now (1979) o l'adautación al cine de la novela de Bram Stoker Drácula (1992). Ensin embargo les sos obres más reconocíes y ovacionaes son The Godfather y The Godfather Part II, dambes adautaciones del superventes homónimu del novelista italoamericanu Mario Puzo, la primera ye unu de los filmes más reconocíos y aponderaos de tolos tiempos, que lu fizo acreedor a dos nuevos premios de l'Academia pola Meyor Película y el Meyor Guión Adautáu (que compartió con Puzo por co-escribilu), mientres que la segunda ye la secuela más apreciada na cinematografía d'Estaos Xuníos (la única secuela en ganar un Óscar), cola que recibió un premiu de la Academia al Meyor Direutor.
Ta consideráu unu de los más grandes direutores de la segunda metá del sieglu XX y unu de los más grandes de tolos tiempos, siendo The Godfather recurrentemente elixida n'encuestes como una de les meyores películes de la historia, y Apocalypse Now una de les más grandes películes de cultu nel sistema de producción de Hollywood.
Dende los sos entamos Coppola desarrolló d'igual forma la so carrera como productor, destacando los dos primeros filmes del so amigu George Lucas, THX-1138 y American Graffiti, y otres como Kagemusha, Kinsey o Sleepy Hollow.
Fuera de les lluces del séptimu arte tien actividá como viticultor, hoteleru y publicista. Ye padre del direutor de películes y videos musicales Roman Coppola y de l'actriz, direutora, productora y guionista ganadora del Óscar Sofia Coppola, asina como tíu del actor Nicholas Kim Coppola, conocíu como Nicolas Cage, hermanu de l'actriz Talia Shire y güelu de la direutora Gia Coppola.
Neñez y mocedá
editarNació en Detroit, Michigan como Francis Coppola (El segundu nome, Ford, púsolu n'homenaxe al direutor norteamericanu John Ford). Fíu de Carmine Coppola (italo-americanu, direutor d'orquesta y flautista), y d'Italia Coppola, (actriz que trabayó ena so mocedá n'[Italia]]). Ye hermanu de Talia Shire Coppola, padre de Sofia Coppola y tíu de Nicolas Cage. A los nueve años cayó gravemente enfermu por mor de la poliomielitis, que lu tuvo encamáu cerca d'un añu n'estáu cuasi paralíticu. A lo llargo d'esi tiempu la so única distracción fueron les marionetes y les películes familiares en «Súper 8».
En 1957, decidíu a convertise n'artista, ingresó na Universidá Hofstra con 18 años d'edá y inscribióse na carrera d'Artes Dramátiques, onde llamó l'atención por un montaxe que fizo d'A Streetcar Named Desire, de Tennesse Williams. Ellí conoció a varios collaboradores, ente ellos Ronald Colby y Robert Spiotta, que lu ayudaríen na producción d' The Godfather, y tamién a los actores James Caan y Lainie Kazan, colos qu'entamaría amistaes duraderes.[10] En 1960 algamó'l títulu d'Artes Teatrales y esi mesmu añu graduóse na UCLA, cuyu plan d'estudios nun-y prestó, pero facilitó-y los sos primeros contactos na industria na que pensó facer fortuna y gloria.[11]
Años 1960
editarNos entamos de la década de los sesenta entamó a facer películes, aunque lo primero que fizo son nudies (películes erótiques) de baxu presupuestu, pero esto nun-y importó. Nesta dómina completó los filmes Tonight for Sure y The Bellboy and the Playgirls, mediometraxes con desnudos y nos que demostró escasu interés. En 1962 conoció a Roger Corman, que vio en Coppola a un rapaz talentosu con potencial pa ser instruyíu nel mediu cinematográficu, y darréu entamaron una rellación profesional na qu'él se convirtió práuticamente nel so asistente personal.[12]
Dementia 13
editarLa so primera película acreditada foi Dementia 13, un llargumetraxe de terror de baxu presupuestu fechu pa Corman en 1963 y rodáu nel trescursu de nueve díes n'Irlanda. Pero esi mesmu añu yá participara na realización, ensin apaecer nos créditos, d'otru filme pal mesmu direutor y productor, denomináu The Terror. Sábese que Coppola montaba y collaboraba en munchos filmes del so mentor Corman cuando estudiaba na universidá. Non obstante, a Corman nun-y prestó el resultáu final de la película y contrató a otru equipu dirixíu por Jack Hill pa que afechase'l rodaxe, rompiendo definitivamente la so rellación con Coppola.[13][14][15]
You're a Big Boy Now
editarNun foi hasta 1966 cuando Coppola dirixiría'l so primer títulu destacable, You're a Big Boy Now, ente otres coses porque por primer vez incluyía nél temas y inquietudes que-y yeren propios, tales como la búsqueda de independáu como'l so proyeutu de fin de carrera, algamó por él matrícula d'honor. Parcialmente autobiográficu, de ruín presupuestu, angualño ye un filme mui desconocíu y pendiente de revisión pol gran públicu.[16][17]
Referencies
editar- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: coleición en llinia del Muséu d'Arte Modernu de Nueva York. Identificador MoMA de artista: 26626. Data de consulta: 4 avientu 2019. Llingua de la obra o nome: inglés.
- ↑ «Eleanor Coppola, ‘Hearts of Darkness’ Director and Francis Ford Coppola’s Wife, Dies at 87» (inglés). Variety (12 abril 2024). Consultáu'l 12 abril 2024.
- ↑ URL de la referencia: https://filmschoolrejects.com/hollywood-royalty-exists-begins-coppola-family/.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://www.comic-con.org/awards/inkpot. Data de consulta: 4 agostu 2021.
- ↑ URL de la referencia: https://www.ladepeche.fr/article/2007/08/13/12884-francis-ford-coppola-eleve-rang-officier-legion-honneur.html. Data de consulta: 13 payares 2022.
- ↑ URL de la referencia: https://www.praemiumimperiale.org/en/laureate-en/laureates-en. Data de consulta: 19 marzu 2022.
- ↑ Phillips (2004), páx.10
- ↑ Francis Ford Coppola
- ↑ «Francis Ford Coppola Biography» (inglés). Academy of Achievement. Consultáu'l 3 de xineru de 2009.
- ↑ Phillips (2004), páx. 22-26
- ↑ «Jack Hill» (inglés). Internet Movie Database (1990). Consultáu'l 3 de xineru de 2009.
- ↑ B., Rachel (21 d'ochobre). «Dementia 13 (1963, Francis Ford Coppola)» (castellanu). The cinema. Consultáu'l 3 de xineru de 2009.
- ↑ «You're a Big Boy Now» (castellanu). Culturalia. Consultáu'l 3 de xineru de 2009.
- ↑ A.G. Graham (2004). «You're a Big Boy Now» (inglés). Movie Librarians. Consultáu'l 3 de xineru de 2009.
Enllaces esternos
editar
Wikimedia Commons acueye conteníu multimedia sobre Francis Ford Coppola.- Francis Ford Coppola na Internet Movie Database (n'inglés)
- Francis Ford Coppola na Internet Broadway Database (n'inglés)
- Francis Ford Coppola n'AllMovie (n'inglés)
- Francis Ford Coppola en FilmAffinity (castellán)
- Francis Ford Coppola n'Instagram
Datos: Q56094- Multimedia: Francis Ford Coppola
