Claire Drainie
Claire Drainie (11 de setiembre de 1917, Swift Current – 18 de payares de 2009) foi una actriz y escritora canadiense, que trabayó pa distintes producciones televisives y radiofóniques de la CBC Radio ente les décades de 1930 y 1960.
Claire Drainie | |
|---|---|
| Vida | |
| Nacimientu | Swift Current, 11 de setiembre de 1917 |
| Nacionalidá |
 Canadá |
| Muerte | 18 de payares de 2009 (92 años) |
| Oficiu | autobiógrafa |
| IMDb | nm1048139 |
 | |
Biografía
editarNacida en Swift Current, Saskatchewan, el so verdaderu nome yera Claire Wodlinger[1]. Tuvo de volao casada con Jack Murray cuando yera adolescente, camudándose con él a la Islla de Vancouver antes de divorciase a los 21 años d'edá. Darréu conoció y casóse col actor John Drainie, con quien tuvo seis fíos, ente ellos la periodista Bronwyn Drainie.
Pa la CBC actuó en distintes producciones radiofóniques y televisives, como Jake and the Kid, John and Judy y Barney Boomer. Tamién escribió guiones radiofónicos como los de Santa Had a Black, Black Beard y Flow Gently Sweet Llimbu.
En finando John Drainie en 1966, ella volvió casase en 1968. El so home foi'l productor teatral Nat Taylor, que morrió nel añu 2004.
Claire Drainie escribió una autobiografía, The Surprise of My Life, en 1998. Esi mesmu añu creó'l Premiu Drainie-Taylor Biography, un gallardón lliterariu dau pol Writers' Trust of Canada a la meyor biografía del añu escrita en Canadá [2] L'artista finó en Toronto, Canadá, nel añu 2009.
Referencies
editar- ↑ «Claire Drainie Taylor (1917-2009) Passed away peacefully at home in her 93rd year. Claire Wodlinger Murray Drainie Taylor». v1.theglobeandmail.com. Consultáu'l 23 de xineru de 2010.
- ↑ "$10,000 biography award launched". Ottawa Citizen, 26 de setiembre de 1998.
Enllaces esternos
editar- Claire Drainie na Internet Movie Database (n'inglés)
Datos: Q5125186
