Coalición Asturiana

Coalición Asturiana foi una colligación eleutoral ente los partíos politicos asturianos Unidá Nacionalista Asturiana (UNA) y Partíu Asturianista (PAS) pa concurrir a les Eleiciones a la Xunta Xeneral del Principáu d'Asturies de 1991. Nes eleiciones estatales de 1989 UNA tuviere un 0,54% de votos y PAS un 0,57%.

El cabezaleru de la llista será Xuan Xosé Sánchez Vicente presidente del PAS que saldrá diputáu con 14.500 votos. El númberu 2 yera José Suárez Arias-Cachero. Ye la primer vegada qu'un miembru d'un partíu nacionalista conseguía un escañu de diputáu na Xunta Xeneral.

Por mor d'una frustada negociación de fusión ente dambes organizaciones (un añu dempués d'entamar la llexislatura) y de la engarradiella dialéutica ente los líderes de dambes, José Suárez Arias-Cachero de la UNA y Xuan Xosé Sánchez Vicente del PAS, frayóse la Coalición Asturiana disolviéndose tamién, poco dempués, la UNA.

Miembros d'Unidá Nacionalista Asturiana como Felechosa (que dempués taría na Lliga Asturiana), Pepe Fernández Alonso (llueu Secretariu d'Organización del PAS) y Juan Carlos Fernández Castañón (llueu na nueva UNA) por mor de les negociaciones rexistraríen nel Rexistru de Partíos el Partido de Coalición Asturiana^[1]. .

Nes siguientes eleiciones el PAS presentaráse solu en 1995 y Sanchez Vicente conservará l'escañu.

Predecesor:
Partíu Asturianista
(PAS)
Unidá Nacionalista Asturiana
(UNA)

Coalición eleutoral
Coalición Asturiana 1991-1992

Socesor:
PAS continúa en solitario y miembros de la UNA creen la Lliga Asturiana

Referencies

↑ Partido de Coalición Asturiana, nel Rexistru de Partíos 16/06/1992 Archiváu 2009-12-13 en Wayback Machine.

[1] Partido de Coalición Asturiana, nel Rexistru de Partíos 16/06/1992 Archiváu 2009-12-13 en Wayback Machine.

[1]