Comunidá Andina

La Comunidá Andina (CAN) ye un organismu rexonal de cuatro países que tienen un oxetivu común: algamar un desenvolvimientu integral, más equilibráu y autónomu, per aciu la integración andina, suramericana y llatinoamericana. El procesu andín d'integración empecipió cola suscripción del Alcuerdu de Cartaxena'l 26 de mayu de 1969.

Comunidá Andina
organismu internacional, xunión aduanera y organización regional (es) Traducir
Flag of the Andean Community of Nations.svg
Llocalización
Sede Lima
Historia
Fundación1969
Web oficial
Cambiar los datos en Wikidata

Ta constituyida per Bolivia, Colombia, Ecuador y Perú, amás de los órganos ya instituciones del Sistema Andín d'Integración (SAI). Enantes de 1996, yera conocida como'l Pactu Andín o Grupu Andín.

Venezuela foi miembru plenu fasta'l 2006. Chile n'orix foi miembru ente 1969-1976, pero retiróse mientres el réxime militar d'Augusto Pinochet por cuenta d'incompatibilidaes ente la política económica d'esi país y les polítiques d'integración del CAN. Esti país ye Miembru Acomuñáu dende'l 20 de setiembre de 2006, pero ello nun supón el reingreso al CAN.

Allugaos n'América del Sur, los cuatro países andinos arrexunten a cuasi 101 millones d'habitantes nuna superficie de 3.798.000 kilómetros cuadraos.