Conxuntu históricu artísticu de Cimavilla

El Conxuntu históricu artísticu de Cimavilla o barriu de Cimavilla allúgase dientro la península de Santa Catalina, nel conceyu asturianu de Xixón.

Conxuntu históricu artísticu de Cimavilla
Bien d'Interés Cultural
área de conservación (es) , patrimoniu cultural y Conxuntu Histórico-Artísticu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Xixón
Coordenaes	43°32′48″N 5°39′47″W
Conxuntu históricu artísticu de Cimavilla Conxuntu históricu artísticu de Cimavilla (Asturies)
Patrimoniu
BIC	RI-53-0000184

Principales monumentos:

• Capiella de la Soledá: Edificiu fundao en 1674, sede actual de la confradía de pexaores.

• Conventu de les Agustines Recoletes: Antigua fábrica de tabacalera, l'edificiu de mayores dimensiones del barriu.

• Casona de los Ramírez de Xove:Fundada nel sieglu XVI, güei sede del Colexu d'Arquitechura, ye de planta cuadrada y pórticu central. So fachada fízose en sillar, d'organización simétrica y cuatro pisos. La planta baxa de mayor altor cola puerta principal en forma d'arcu de mediu puntu con fiestres. El pisu cimeru con gran númberu d'obertures destacando'l corredor central so la puerta principal y ún a cada llau. Nel tercer pisu la muria ye ciega con escudu y nel caberu pisu hai dos fiestres.

uséu cá ñatal de Xovellanos

• El palaciu de la Casa-Muséu de Xovellanos, ye Monumentu Históricu Artísticu, la so cadama ye de cuerpu central con dos torres, la de la izquierda mui desnaturalizada al xunise esti palaciu a la casa vecina de la familia Bordiu-Cienfuegos. Los edificios fueron adquiríos pol conceyu y se reformáronse d'estremaes fases, na cabera fase tapecióse'l patiu pa ganar tarrén. El muséu acueye oxetos personales de Xovellanos y pieces de la dómina. El restu son oxetos que van dende'l sieglu XVIII hasta la nuesa dómina.

• El palaciu de Valdés o colexu Santo Ánxel,amuesa'l barrocu temprán. So cadarma ye de cuerpu central y dos torres, con capiella adosada a la chusca y la so organización interior en tornu a un patiu. La so fachada ye de gran sobriedá con sillar almohadiellado. La capiella comunícase cola residencia por una tribuna. Destacar la puerta que ta ente pilares, rematada por un frontón so'l que ta l'escudu d'armes.

Imaxe del barriu de Cimavilla

• La torre de la familia Xove-Hevia, y la capiella. La torre ye de cinco pisos rematada en morlones. Tres l'edificiu hai un cuerpu en finxu que ye la residencia, revistióse a entamos del sieglu XX, con mampostería. La fachada de la capiella ta mui deteriorada y ta realizada n'apareyu almohadielláu.

• El palaciu de Xove-Güergu y la so capiella de la Trinidá, güei Muséu Juan Barjola, ye Monumentu Históricu Artísticu. Construyío con sillares, son dos cuerpos simétricos separtaos por pilastres. So capiella tien una fachada más complexa. La puerta enmarcada por moldures d'oreyes y franquiada por tres pares de pillastres, enrriba tien un altu cuerpu conl escuduáu por un frontón tamién cuervu y adornáu por pirámides y boles. La so planta interior son dos tramos de nave con bóveda d'arista y la cabecera con cúpula so pechines. La comunicación col palaciu, ye pelos pisos altos que son dos tribunes de madera superpuestes.

Palaciu del marqués de San Esteban del Mar

• El palaciu del marqués de San Esteban del Mar, xuníu a la colexata de San Xuan Bautista, anguaño ye'l Centru Internacional d'Arte Palaciu de Revillaxixéu declaráu Monumentu Históricu Artísticu. Parte duna torre antigua del sieglu XIV, el palaciu ye de cuerpu central y dos torres llaterales con patiu interior. Na so fachada la planta noble, tien cinco balcones que correspuéndense coles sos arqueríes baxes. Nel pisu cimeru cuatro fiestres enmarcaes que flanquien el desenrollu del escudu. Los pisos dixébrense en cinco cais, dos llaterales separtaos al trevel pillastres y la central que ye más ancha y llimitada por columnes. La fachada ye rematada por un antepechu caláu. La so colexata dedicada a San Xuan Bautista, ye pequeña ya invade parte de la cabecera del palaciu.

Ver tamién

• Cimavilla.

Enllaces esternos

• Wikimedia Commons acueye conteníu multimedia sobre Conxuntu históricu artísticu de Cimavilla.

• Datos: Q5788910
• Multimedia: Conjunto Histórico Artístico El Barrio Viejo de Gijón