Muséu Xovellanos
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El muséu - casa natal de Xovellanos allúgase nuna casa palaciega nel barriu Cimavilla de Xixón n'Asturies.
| Muséu Xovellanos | |
|---|---|
| Bien d'Interés Cultural | |
| casa muséu, casa natal, edificiu y muséu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Xixón |
| Parroquia | Xixón |
| Coordenaes | 43°32′45″N 5°39′45″W / 43.545866°N 5.662634°O |
  Muséu Xovellanos Muséu Xovellanos (Asturies) | |
| Historia y usu | |
| Apertura | 6 agostu 1971 |
| Orixe del nome | Gaspar Melchor de Xovellanos |
| Patrimoniu | |
| BIC | RI-51-0004961-00000[1] |
| Web oficial | |
 | |
Edificiu
editarEsta casa-palaciu data de caberos del sieglu XV, perteneciendo de magar entós a la famila de Xovellanos, cuando Xuan García de Xove (1460-1525) constrúi'l primer edificiu. La casa sufre dos reformes, la primera nel sieglu XVI y la cabera en 1758 pol pá de Xovellanos. Esta última ye la que-y da'l so fustaxe d'anguaño. Güei presenta dos torres a los llaos con un edificiu que les xune, tien al empar una capiella (Los Remedios onde ta enterráu Xovellanos) y per delantre ta la plaza denomada «Plaza de Xovellanos».
El día 27 d'avientu de 1983 declaróse Monumentu Histórico-Artísticu.
El muséu
editar
Abiertu'l 6 d'agostu de 1971, el muséu guarda la coleición artística municipal que se treslladara a esti muséu dende'l so anterior allugamietu nel antiguu Institutu Xovellanos.
L'envís principal del muséu ye, según la so acta de fundación, : «...la ilustración de la sociedá al tresvel de la hestoria y del arte, dende un xeitu rigurosu y científicu que xune a la sensibilidá del encarte polo artístico, oxetivos concretos en documentación, investigación, caltenimientu, educación y espurrimientu de les sos coleiciones»[2].
Por esti motivu'l muséu nun ye sólo una coleición d'obres d'arte sinón que tamién desenrolla otra mena d'obres como son: talleres didáuticos, visites guiyaes, conciertos o conferencies. Amás d'estes actividaes esiste tamién una biblioteca especializada nel insigne ilustráu siendo amás la sede oficial del Foru Xovellanos.
Dientro'l muséu son a vese dos estayes desemeyaes:
- Les sales dedicaes a esti insigne xixonés nes que s'amuesa la obra y aspeutos de la vida de Xovellanos. La primer representa una salina y la otra'l dormitoriu. Nestes dos habitaciones son a alcontrase oxetos y enseres de la vida cotidiana pertenecientes a Xovellanos.
- Les sales amuesen pintures asturianes de los sieglos XIX y XX, obres d'escueles europees ente les que figuren la escuela flamenca y holandesa. Na planta baxa del muséu pueden afayase obres d'artistes asturianos pertenecientes al sieglu XIX como Dionisio Fierros, Juan Martínez Abades, Ventura Álvarez Sala, Luis Menéndez Pidal, Nicanor Piñole, Mariano Moré, Evaristo Valle. Na primer planta alcontramos a los pintores asturianos del sieglu XX como son: Joaquín Vaquero Palacios, Alejandro Mieres, Aurelio Suárez, Orlando Pelayo o Antonio Suárez ente otros. Afáyase tamién nesti pisu la obra d'escultores como Amador Rodríguez, César Montaña,Joaquín Rubio Camín, Luis Acosta, Francisco Fresno, Pelayo Ortega, Melquiades Álvarez, Ángel Guache, Bernardo Sanjurjo o Juan Gomila, por nomar a los más destacaos.
Dientro de les donaciones feches al muséu destaquen les de:
- Carmen y Severo Ochoa: contién obres de Salvador Dalí, grabaos de Goya y una coleición de pieces precolombines.
- Familia Paquet.
- Nicanor Piñole.
- Lledó Suárez: consistente n'obres de les escueles flamenques ya inglesa.
Principales obres espuestes
editarEl fondu de la coleición cunta con alredor de 650 pieces como pintures, escultures, moblame, semeyes o pieces arqueolóxiques ente otres coses, de toes estes obres merecen atención les siguientes:
- La onda, de Juan Martínez Abades.
- Pescadores de mariscu, de Ventura Álvarez Sala.
- Retratu de Dama de Cornelis, de Vos.
- L'anunciación de los pastores, de H. Van Balen.
- San Gregorio, de Arthur Wolffort.
- Retratu'l Marqués de Wellesley, Sir Thomas Lawrence.
Referencies
editar- ↑ URL de la referencia: https://www.mecd.gob.es/bienes/buscarDetalleBienesInmuebles.do?brscgi_DOCN=000007963&brscgi_BCSID=0296657c&language=es&prev_layout=bienesInmueblesResultado&layout=bienesInmueblesResultado.
- ↑ «Archived copy». Archiváu dende l'orixinal, el 2009-11-07.
Enllaces esternos
editar- Páxina oficial sobro Xovellanos del Conceyu de Xixón.
- Muséu Xovellanos na páxina del Conceyu de Xixón
- Galería d'imáxenes.
Datos: Q9046855
Multimedia: Museo Casa Natal de Jovellanos
