Copa del Mundu d'axedrez de 2021
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Copa del Mundu d'axedrez de 2021 foi un tornéu d'eliminatories que tuvo llugar en Sochi (Rusia) del 12 de xunetu al 6 d'agostu de 2021 y nel que partiparon 206 xugadores. El ganador foi'l gran mayestru (GM) polacu Jan-Krzysztof Duda, que nun perdió partida dala nin a ritmu rápidu nin a ritmu rápidu nos desempates.
Copa del Mundu d'axedrez de 2021 | ||||
|---|---|---|---|---|
| Xeneral | ||||
| Deporte | axedrez | |||
| Sede | Sochi | |||
| Estáu | Rusia | |||
| Data de principiu | 12 de xunetu de 2021 | |||
| Data de fin | 6 d'agostu de 2021 | |||
| Edición | 11 | |||
| Organizador | Federación Internacional d'Axedrez | |||
| Ganador | Jan-Krzysztof Duda | |||
| Estadístiques | ||||
| Participantes | 206 | |||
| Cronoloxía | ||||
| ||||
| Otros datos | ||||
| Web oficial | ||||
 | ||||
Los dos finalistes (Jan-Krzysztof Duda y Sergey Karjakin) clasificáronse pal Tornéu de Candidatos de 2022. El resto de los xugadores que llegaron a los cuartos de final, sacante Magnus Carlsen, clasificáronse pal Gran Premiu de la FIDE de 2022.
Al par del tornéu abiertu xugóse la primer edición de la versión femenina.
Formatu editar
El tornéu foi un eventu de 8 rondes eliminatories, colos xugadores consideraos como 50 primeros cabeces de serie clasificaos direutamente pa la segunda ronda. Los perdedores de les dos semifinales enfrentáronse pol tercer puestu.
Los dos finalistes, Jan-Krzysztof Duda y Sergey Karjakin clasificáronse pal Tornéu de Candidatos de 2022, nel que se tenía de decidir al aspirante al Campeonatu del Mundu d'axedrez de 2023. Amás, tolos cuartufinalistes sacante'l campeón del mundu Magnus Carles, clasificáronse pal Gran Premiu de la FIDE de 2022, que-yos daba otra oportunidá de clasificase pal Tornéu de Candidatos.
Caúna de les rondes foi organizada de la siguiente forma:
- Caún de los dos primeros días, una partida a ritmu clásicu con 90 minutos de tiempu másimu por xugador, con un añadíu de 30 minutos nel movimientu númberu 40, más un incrementu de 30 segundos por movimientu dende'l primeru.
- El tercer día, si la serie taba empatada dempués de les partíes de ritmu clásicu, xugábense dos partíes rápides con 25 minutos por xugador de tiempu másimu y un incrementu de 10 segundos por movimientu.
- Esi mesmu día, si l'empate se caltenía, xugábense otres dos partíes rápides pero con 10 minutos de tiempu másimu por xugador y un incrementu de 10 segundos por movimientu.
- En casu de siguir empataos, xugábense dos partíes de ritmu rellámpagu con 5 minutos de tiempu másimu per xugador y un incrementu de 3 segundos por movimientu.
- Si entá l'empate nun taba desfechu, había de xugase una partía a muerte repentina na que les prietes ganaben en casu de tables y teníen un tiempu másimu de 4 minutos, por 5 minutos de les blanques, recibiendo 2 segundos de más por movimientu caún de los xugadores dende'l movimientu númberu 61. Una rifa decidía'l xugador que podía escoyer con qué pieces quería xugar.
Calendariu editar
Caúna de les rondes duraba tres díes: dos pa les partíes clásiques y un tercer día pa los desempates, si yeren necesarios. Les rondes 1 a 3 xugáronse del 12 al 20 de xunetu, el 21 de xunetu foi día de descansu, del 22 al 30 de xunetu xugáronse les rondes de la 4 a la 6, el 31 de xunetu foi día de descansu, y les dos caberes rondes xugáronse del 1 al 6 d'agostu.
Premios en metálico editar
El fondu de premios total (en dólares de los Estaos Xuníos d'América) yera de 1.892.500 $, con un primer premiu de 110.000 $.
| Ronda | Premios | Total |
|---|---|---|
| Ronda 1 | 78 × 3.750 | 292.500 |
| Ronda 2 | 64 × 6.000 | 384.000 |
| Ronda 3 | 32 × 10.000 | 320.000 |
| Ronda 4 | 16 × 16.000 | 256.000 |
| Ronda 5 | 8 × 25.000 | 200.000 |
| Ronda 6 | 4 × 35.000 | 140.000 |
| 4ᵘ puestu | 1 × 50.000 | 50.000 |
| 3ᵉʳ puestu | 1 × 60.000 | 60.000 |
| Finalista | 1 × 80.000 | 80.000 |
| Campeón | 1 × 110.000 | 110.000 |
| Total | 1.892.500 |
Referencies editar
Enllaces esternos editar
Datos: Q65244781
