Cor Caroli
Cor Caroli ye'l nome de la estrella Alfa Canum Venaticorum (α CVn / 12 Canum Venaticorum), la más brillosa na constelación de Canes Venatici, «los perros de caza». Alcuéntrase a 110 años lluz del Sistema Solar.
 Cor Caroli | |
|---|---|
| estrella binaria[1] y estrella | |
 | |
| Epónimu | Carlos I d'Inglaterra |
| Datos d'observación | |
| Ascensión reuta (α) | 12,9338447 °[2] |
| Declinación (δ) | 38,31824617 °[2] |
| Distancia a la Tierra | 33,783783783784 pc |
| Constelación | Canes Venatici[3] |
| Otros nomes | |
|
Ver llista
| |
 | |
Nome
editarEl nome Cor Caroli («Corazón de Carlos») foi asignáu en 1725 pol astrónomu Edmund Halley n'honor del rei Carlos II d'Inglaterra, a suxerencia del físicu de la corte, Sir Charles Scarborough, quien afirmó que la estrella rellumara de forma especial na viéspora del regresu del monarca a Londres el 29 de mayu de 1660.[4]
Carauterístiques del sistema
editarCor Caroli ye una estrella binaria con una separación visual ente los sos componentes de 19 segundos d'arcu, polo que puede ser resuelta con un pequeñu telescopiu. La estrella principal del sistema, de magnitú aparente +2,89, ye la más oriental y recibe el nome de Cor Caroli A (HD 112413 / HR 4915).[5] Ye una estrella blanca de 10.300 K de temperatura superficial, una lluminosidá 83 vegaes mayor que la del Sol y una masa de 2,8 mases solares. Ye d'especial interés el so campu magnéticu estelar, unu de los más intensos que se conocen, 1500 vegaes mayor que'l campu magnéticu terrestre. Per otra parte, presenta concentraciones bien elevaes llocalmente d'elementos como siliciu, europiu y mercuriu; éstes varien col periodu de rotación de la estrella de 5,5 díes. Probablemente'l campu magnéticu ye'l responsable de la redistribución d'elementos na superficie de la estrella, col aumentu del conteníu d'unos y l'amenorgamientu d'otros. Ye'l prototipu del tipu de variables que lleven el so nome, variables Cor Caroli A.[6]
La componente secundaria del sistema, Cor Caroli B (HD 112412 / HR 4914),[7] ye una estrella de secuencia principal de tipu F0V, con una lluminosidá 5 vegaes mayor que la lluminosidá solar y una masa 1,6 vegaes mayor que la del Sol.[6] La so magnitú aparente ye +5,60.
La separación proyeutada ente dambes estrelles, 650 UA, implica un periodu orbital de, siquier, 7900 años.[6]
Referencies
editar- ↑ Afirmao en: SIMBAD.
- ↑ 2,0 2,1 2,2 URL de la referencia: https://raw.githubusercontent.com/astronexus/HYG-Database/master/hygxyz.csv.
- ↑ Afirmao en: VizieR. Llingua de la obra o nome: inglés.
- ↑ Allen, R.H. (1889) Star Names: Their Lore and Meaning
- ↑ α2 Canum Venaticorum (SIMBAD)
- ↑ 6,0 6,1 6,2 Cor Caroli (Stars, Jim Kaler)
- ↑ α1 Canum Venaticorum (SIMBAD)
Coordenaes: 
0h 51m 44.123s, 38° 19′ 5.686″
Datos: Q76868858
