Cinclus cinclus
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Cinclus cinclus culapa  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Cinclidae | |
| Xéneru: | Cinclus | |
| Especie: |
Cinclus cinclus Linnaeus, 1758 | |
| Distribución | ||
 | ||
 Distribución de Cinclus cinclus | ||
| Consultes | ||
| [editar datos en Wikidata] | ||
La culapa[2] (Cinclus cinclus) ye una especie d'ave paseriforme de la familia Cinclidae. El so hábitat inclúi redolaes acuátiques n'América, Europa, y Asia.[3]. Tien, amás de culapa, los nomes de llavaculos, llavandera, páxara aguadera, páxara d'agua y tordu d'agua[4]
Descripción
editarDavezu viven nes veres de ríos rápidos de monte, anque pueden atopase individuos erráticos en llagunes de monte. La so preferencia poles agües non contaminaes conviértelu nun bioindicador de la pureza d'un ríu. El so plumaxe ye pardo escuro con pechu blancu. Párpagu blancu bien visible cuando ceguña. Tamañu: unos 18 cm d'altor y 30 de valumbu. Nun hai diferenciación sexual.
Somorguiar nun permediu de 3 segundos. La so sangre puede portar más osíxenu que la d'otros passeriformes, lo que-yos dexa permanecer so l'agua hasta 30 segundos, anque por norma xeneral nun entepasa de los 10 ó 20 segundos. Les sos adautaciones déxa-y somorguiase y caminar pol fondu del ríu p'alimentase d'inseutos, ayudar con un pequeñu aletéu si la corriente ye fuerte. Atopa los inseutos voltiando los quixarros del llechu del ríu.
Alimentación
editarLa so alimentación ye cuasi puramente a base d'inseutos.
Reproducción
editarAñera cerca de l'agua, nunca a grandes altores, n'árboles, pontes y resquiebros. El periodu de cría tien llugar de febreru a xunetu con puestes que varien ente los 4 y los 6 güevos,[5] blancos y de unos 26x18 milímetros, que son guaraos namái pola fema. Los pollos eclosionen a los quince díes de la puesta, y son cebaos por dambos adultos mientres aproximao un mes, hasta qu'abandonen el nial. Ye habitual que la mesma pareya realice dos puestes na mesma primavera,[5] anque la segunda con namái 3 o 4 güevos.
Referencies
editar- ↑ BirdLife Internacional (2009). «'Cinclus cinclus'» (inglés). Llista Roxa d'especies amenazaes de la UICN 2010.3. Consultáu'l 18 d'ochobre de 2010.
- ↑ URL de la referencia: http://www.sabencia.net/nomenclator.php.
- ↑ ebird.org/ Cinclus cinclus, (castellán)
- ↑ Consúltense'l DALLA o'l DGLA pa ver estes diferentes denominaciones.
- ↑ 5,0 5,1 Dierschke, Volker (2008). Aves d'Europa (en castellanu). Barcelona: Ediciones Omega, páx. 32. ISBN 978-84-282-1476-6.
Enllaces esternos
editar| Wikispecies tien un artículu sobre Cinclus cinclus. |
Wikimedia Commons acueye conteníu multimedia sobre Cinclus cinclus.- avibase.bsc-eoc.org/ Cinclus cinclus, (n'inglés)
Datos: Q201831- Multimedia: Cinclus cinclus
Especies: Cinclus cinclus
