Día Internacional de la Bisexualidá

El Día Internacional de la Bisexualidá celébrase añalmente'l 23 de setiembre por miembros de la comunidá bisexual y polo xeneral pol coleutivu LGBT, anque ye una celebración bien pocu conocida.[1][2]

Día Internacional de la bisexualidá

Persones bisexuales reclamando los sos derechos frente a la Casa Blanca.
Día de celebración 23 de setiembre
Llugar de celebración Día Internacional
[editar datos en Wikidata]

Esti día ye una llamada a la reivindicación per parte de toles persones pa reconocer y celebrar la bisexualidá, la hestoria bisexual, la comunidá y la cultura bisexual y a les persones bisexuales na so vides.

Foi celebráu per primer vegada en 1999[3] cuando trés activistes de derechos bisexuales d'Estaos Xuníos - Wendy Curry de Maine, Michael Page de Florida, y Gigi Raven Wilbur de Texas - lu entamaron. Esti postreru dixo:

"Dempués de la rebelión de Stonewall, la comunidá gai y lesbiana creció en fuercia y visibilidá. La comunidá bisexual tamién creció en fuercia, pero en munchos aspeutos tamos inda invisibles. Tamién tuvi condicionáu pola sociedá pa tachar automáticamente una pareya caminando de la mano como heterosexual o gai, dependiendo del xéneru percibíu de cada persona."

Esta celebración de la bisexualidá sobremanera, a diferencia de los eventos LGBT polo xeneral, foi concebida como una respuesta a los prexuicios y la marxinación de les persones bisexuales por delles comunidaes heterosexuales o inclusive la mesma LGBT.

Nel so primer añu, llevar a cabu una celebración na Asociación Internacional de Gais y Lesbianes, que tuvo llugar mientres la selmana del 23. Magar nun principiu la fiesta tenía fuerte presencia bisexual, agora son más los testigos d'estos eventos con alderiques, cenes y bailles en Toronto y una gran mazcarada en Queensland, Australia. Na Universidá de Texas hai una selmana d'alderiques y meses redondes presentaes onde se formulen entrugues y respuestes. Tamién se celebró n'Alemaña, Xapón, Nueva Zelanda, Suecia y el Reinu Xuníu.[4]

Referencies editar

  1. Celebrate Bisexuality Day. University of Calgary Undergraduate Student Newsweekly.
  2. Yes, 23 is everywhere. The Planet Star. http://www.thestar.com/News/article/181696
  3. Bi Community Celebrates. Bay Windows; 9/25/2003, Vol. 21 Issue 41, p3-3, 1/4p
  4. UK Events to mark International Celebrate Bisexuality Day http://september23.bi.org/