Día de la Llingua Rusa nes Naciones Xuníes
El Departamentu d'Información Pública de les Naciones Xuníes aprobó la decisión de celebrar el 6 de xunu Día de la Llingua Rusa nes Naciones Xuníes.
| Día de la Llingua Rusa nes Naciones Xuníes | ||
|---|---|---|
 El 6 de xunu, cumpleaños del gran poeta rusu Alexander Pushkin. | ||
| Día de celebración | 6 de xunu | |
| Llugar de celebración | Día Internacional | |
| [editar datos en Wikidata] | ||
Celebración
editarEl 19 de febreru de 2010 el Departamentu d'Información Pública de les Naciones Xuníes nel documentu OBV/853-PI-1926 aprobó la decisión de celebrar el 6 de xunu'l Día de la Llingua Rusa nes Naciones Xuníes según nacencia d'Alexandr Pushkin.[1]
El 6 de xunu, cumpleaños del gran poeta rusu Alexander Pushkin, nel marcu del sofitu y la promoción del multillingüismu y la diversidá cultural nel Día de la Llingua Rusa nes Naciones Xuníes. Unu de los oxetivos d'esti programa - caltener la igualdá de los seis idiomes oficiales de la ONX: inglés, árabe, español, chinu, rusu y francés.
La decisión de celebrar los Día de les llingües foi realizada pol Departamentu d'Información Pública de les Naciones Xuníes na viéspora del Día Internacional de la Llingua Materna, que se celebra'l 21 de febreru de cada añu, a iniciativa de la Unesco.
L'oxetivu del Día de les llingües de les Naciones Xuníes ye crear conciencia alrodiu de la hestoria, la cultura y el desenvolvimientu de cada unu de los seis idiomes oficiales de la Organización de les Naciones Xuníes. A cada llingua dáse-y la oportunidá d'atopar un enfoque únicu pa desenvolver el so propiu programa d'actividaes pal día, incluyendo una invitación a conocíos poetes y escritores y la ellaboración de materiales d'información y temáticos.
Eventos culturales, ente otros, pueden incluyir la realización d'obres musicales y lliteraries, concursos, esposiciones, conferencies, espectáculos y artistes de vodevil, la celebración del día de la cocina nacional y l'actuación de grupos folklóricos, espectáculos y clases d'idiomes p'aquellos que deseyen esplorar otru de los idiomes oficiales de la ONX.
Los díes son les feches siguientes:
- 20 de marzu - Día de la Llingua Francesa (Día Internacional de la Francofonía).
- 20 d'abril - Día de la Llingua China (dedicáu Cang Jie, el fundador de la escritura china).
- 23 d'abril - Día de la Llingua Inglesa (el cumpleaños de William Shakespeare).
- 6 de xunu - Día de la Llingua Rusa (el cumpleaños de Alexander Pushkin).
- 12 d'ochobre - Día de la Llingua Española ("Día de la Hispanidá" - día de la cultura hispana).
- 18 d'avientu - Día de la Llingua Árabe (fecha d'aprobación de la decisión de 1973 sobre la inclusión del árabe como idioma oficial y de trabayu de l'Asamblea Xeneral y les sos Comisiones Principales).
Ver tamién
editarReferencies
editarEnllaces esternos
editar- Sitiu Oficial del Día de la Llingua Rusa nes Naciones Xuníes en rusu
- Añu Internacional de los Idiomes (2008) en rusu
- Día Internacional de la Llingua Materna (21 de febreru) en rusu
- Index Translationum (llistáu bibliográficu mundial de lliteratura) en rusu
- Celebraciones de les Naciones Xuníes en rusu
Datos: Q10909572
