Daniela Larreal
Daniela Greluis Larreal Chirinos (2 d'ochobre de 1973, Maracaibo – 11 d'agostu de 2024, Las Vegas) foi una ciclista venezolana especialista en pruebes de pista que participó en cinco Xuegos Olímpicos, y ganó delles medayes en competiciones internacionales.
Daniela Larreal | |
|---|---|
.jpg) | |
| Vida | |
| Nacimientu | Maracaibo, 2 d'ochobre de 1973 |
| Nacionalidá |
 Venezuela |
| Muerte | Las Vegas[1], 11 d'agostu de 2024[1] (50 años) |
| Familia | |
| Padre | Daniel Larreal |
| Estudios | |
| Llingües falaes |
castellanu inglés |
| Oficiu | |
| Oficiu | ciclista |
|
| |
| Posición o especialidá | ciclismu en pista |
| Pesu | 75 kg |
| Altor | 170 cm |
 | |
Trayeutoria deportiva
editarYe fía de Daniel Larreal, unu de los meyores ciclistes venezolanos, el so primer campeonatu fueron los Xuegos Centroamericanos de 1990, y ellí consiguió una medaya de plata.
Daniela participó en cinco Xuegos Olímpicos: Barcelona 1992, Atlanta 1996, Sydney 2000. Atenes 2004 y Londres 2012.
Nos Xuegos Olímpicos de Sydney 2000 participó nes pruebes de velocidá y 500 metros contrarreló. Na velocidá avanzó hasta cuartos de final, onde foi ganada pola australiana Michelle Ferris, y acabó na 8ª posición final, que-y valió un diploma olímpicu. Pela so parte na prueba de 500 metros contrarreló acabó na 10ª posición con un tiempu de 35.728
Nos Xuegos Centroamericanos y del Caribe de San Salvador 2002 ganó dos medayes d'oru (en velocidá y keirin) una de plata (500 m contrarreló), onde foi vencida pola mexicana Nancy Contreras.
Nos Xuegos Panamericanos de Santu Domingu 2003, llogró dos medayes de plata, en keirin y velocidá, dambes pruebes ganaes pola estauxunidense Tanya Lindenmuth. Sicasí Daniela nun pudo participar na prueba de 500 metros contrarreló, onde tenía seríes opciones a medaya, por cuenta de un problema intestinal.
Nos Xuegos Olímpicos d'Atenes 2004 participó namái na prueba de velocidá, onde avanzó hasta cuartos de final antes de cayer cola canadiense Lori-Ann Muenzer. Finalmente repitió la 8ª posición de cuatro años antes en Sydney.
Foi la gran estrella de los Xuegos Bolivarianos de 2005, onde ganó cuatro medayes d'oru (500 m contrarreló, velocidá individual y por equipos, y keirin)
Na 3ª prueba de la Copa del Mundu de 2007, celebrada en Los Angeles el 22 de xineru, llogró la medaya d'oru en keirin, per delantre de la china Shuang Guo y de la estauxunidense Jennie Redd.
Participó na 4ª prueba de la Copa del Mundu, que s'apostó en Mánchester y nos Campeonatos del Mundu de ciclismu en pista que se celebraron en Palma de Mallorca.
En Londres 2012, consiguió un nuevu diploma olímpicu pa Venezuela, al ente los 10 meyores del mundu en Prueba de Velocidá. Esta competencia significó los sos últimos Xuegos Olímpicos, como diz nel so twitter @DanielaLarreal: "Gracies a toos pol so sofitu, nun llogré una medaya Olímpica, pero si di al mio país 22 años de Trunfos, Record y exemplu a la Mocedá. Cinco Xuegos Olímpicos llogrando tar ente les 8 meyores del Mundu, los Amu a toos. Gracies y despídome nel mio meyor escenariu Olímpicu".
Daniela tamién consiguió importantes trunfos n'otres competiciones como los Campeonatos Panamericanos, los Xuegos Suramericanos, los Xuegos Alba, etc.
Amás de los sos ésitos deportivos Daniela Larreal ye Llicenciada n'Educación Física.
Referencies
editar- ↑ 1,0 1,1 URL de la referencia: https://www.diariolasamericas.com/deportes/fallece-las-vegas-ciclista-olimpica-venezuela-n5361945.
Enllaces esternos
editar
Wikimedia Commons acueye conteníu multimedia sobre Daniela Larreal.- Ficha de Daniela Larreal en Cycling Archives
Datos: Q469158- Multimedia: Daniela Larreal
