Darwood Kaye
Darwood Kaye (8 de setiembre de 1929, Fort Collins – 15 de mayu de 2002, Riverside) foi un actor infantil estauxunidense, conocíu principalmente pol so papel semi-regular como Waldo na serie de curtiumetraxes de Our Gang ente 1937 y 1940. Yá d'adultu, Kaye foi pregueru de la Ilesia Adventista del Séptimu Día, atendiendo delles congregaciones hasta la so muerte accidental en 2002.
Darwood Kaye | |
|---|---|
 | |
| Vida | |
| Nacimientu | Fort Collins, 8 de setiembre de 1929[1] |
| Nacionalidá |
 Estaos Xuníos |
| Llingua materna | inglés |
| Muerte | Riverside, 15 de mayu de 2002[1] (72 años) |
| Sepultura | condáu de Riverside |
| Causa de la muerte | accidente de tráficu |
| Estudios | |
| Llingües falaes | inglés |
| Oficiu | actor, actor de cine |
| IMDb | nm0443283 |
 | |
La Peada
editarEl so verdaderu nome yera Darwood Kenneth Smith, y nació en Fort Collins (Colorado).
Kaye debutó na pantalla con un pequeñu papel na comedia de Our Gang producida por Hal Roach en 1937 Glove Taps, teniendo'l so primer papel faláu en Hearts are Thumps, estrenada esi mesmu añu. Na mayor parte de les sos interpretaciones en La Peada, Kaye encarnó a "Waldo", un neñu rico y estudioso, que competía colos sos compañeros de clase "Alfalfa " Switzer y "Butch" Bond pol ciñu de la pequeña Dala Hood.[2]
Kaye siguió como actor semi-regular de La Peada hasta 1940, dómina na que la serie fuera vendida por Hal Roach a Metro-Goldwyn-Mayer. Fixo papeles menores n'otros filmes, ente ellos el musical Best Foot Forward, con Lucille Ball, y Kansas City Kitty, interpretando en dambos a "Killer".
Pastor Smith
editarEn sirviendo na Armada de los Estaos Xuníos mientres un añu y mediu, Smith estudió na La Sierra University, un centru dependiente de la Ilesia Adventista del Séptimu Día sito en Riverside, California. Ellí casóse con otra estudiante del centru, Jean Vienden, en xunu de 1951, y cola cual tuvo cuatro fíos: Dan, David, Richard, y Donald. Smith fíxose ministru de la Ilesia Adventista del Séptimu Día, trabayando en diverses congregaciones nes cercanes ciudaes de San Diego (California), Palm Springs, Escondido (California), y Oceanside.[2]
En 1957 el matrimoniu treslladóse a Siam (l'actual Tailandia), onde Darwood, conocíu entós como Pastor Ken Smith, fixo trabayu misioneru. La pareya permaneció catorce años en Tailandia enantes de volver a los Estaos Xuníos, onde yá moraríen de manera permanente. Smith siguió la so carrera relixosa, trabayando en diverses ilesies del Sur de California y supervisando xeres misioneres.[2]
Fallecimientu
editarEl 15 de mayu de 2002, cercana la celebración del so cincuentenu aniversariu de boda, el Pastor Smith resultó gravemente mancáu nun accidente de tráficu asocedíu na Avenida Arlington de Riverside, finando esa mesma tarde nel Hospital Riverside Community Hospital arrodiáu de tola so familia.
Referencies
editar- ↑ 1,0 1,1 Afirmao en: Find a Grave. Identificador Find a Grave: 6995453. Apaez como: Darwood Kenneth Kaye. Data de consulta: 9 ochobre 2017. Llingua de la obra o nome: inglés.
- ↑ 2,0 2,1 2,2 Leonard Maltin and Bann, Richard W. (1977, rev. 1992). The Little Rascals: The Life and Times of Our Gang, p. 278. New York: Crown Publishing/Three Rivers Press. ISBN 0-517-58325-9
Enllaces esternos
editar- Darwood Kaye na Internet Movie Database (n'inglés)
- Darwood Kaye n'AllMovie (n'inglés)
Datos: Q5226086
Multimedia: Darwood Kaye
