David Conrad

David Crawford Conrad (17 d'agostu de 1967, Pittsburgh) ye un actor d'Estaos Xuníos. Nació y crióse en Pittsburgh, Pennsylvania, EE. XX.. Empezó la so carrera como actor en 1994. Hasta 2010 foi'l protagonista de la serie de televisión Ghost Whisperer xunto a Jennifer Love Hewitt.

David Conrad
Vida
Nacimientu	Pittsburgh, 17 d'agostu de 1967 (56 años)
Nacionalidá	Estaos Xuníos
Llingua materna	inglés
Estudios
Estudios	Universidá Brown Juilliard School The Kiski School (en)
Llingües falaes	inglés
Oficiu	actor de televisión, actor de cine, actor de teatru, actor
IMDb	nm0175633

Biografía

Ye fíu del inxenieru Jim Conrad y la bibliotecaria Margaret Conrad. Cursó los sos estudios universitarios na universidá de Brown. Participó en diverses obres de teatru en Broadway ente elles la de Henry V. Dempués d'apaecer na que sería la so primer apaición cinematográfica (la película "Darkness" en 1993), foi escoyíu en 1996 pa la serie de la ABC "Relavity". La serie nun tuvo l'audiencia esperada y foi atayada. Una de les protagonistes de la serie yera Lisa Edelstein (Lisa Cuddy en "House"). Pero la serie foi un fracasu y namái duru 17 episodios. Esi mesmu añu, vendría'l telefilme "Under Heart", nel que yera Simon. Protagonizó en 1997 el telefilme "Blancanieve: una historia de terror", con Sigourney Weaver, Sam Neill y Gil Bellows (Billy de "Ally McBeal"). Apaeció en "Return to Paradise", una película de 1998 protagonizada por Anne Heche, Vince Vaughn y Joaquín Phoenix. Esi mesmu añu interpreta la obra The Deep Blue Sea, de Terence Rattigan sobre los escenarios de Broadway. En 1999, protagonizó xunto a Gena Rowlands y Brooke Shields "The Weekend". Otru telefilme más na so carrera foi'l protagonizáu nesi mesmu añu xunto a Carla Gugino y Laura Dern llamada "A Season for Miracles". Nel añu 2000 apaeció na película "Homes d'Honor" xunto a Robert De Niro y Cuba Gooding Jr.

Esi mesmu añu, apaeció en 5 capítulos de la primer temporada de "Roswell", serie qu'emitió la WB y qu'anguaño repon la cadena por cable SciFi n'USA, ente que n'España puede ve-y en FOX. En 2002 protagonizó'l telefilme "The Time Tunnel". En 2003 alzaría la so carrera: apaeció en "Anything Else", de Woody Allen, xunto a Christina Ricci y Jason Biggs; nel telefilme "L.A. Confidential" xunto a Kiefer Sutherland y apaeció en 7 episodios de "Miss Match", serie de la NBC que foi atayada en 3 meses. "Beck and Call" foi otru telefilme qu'en 2004 protagonizó y nel que tamién apaecía Vanessa Williams (anguaño en "Ugly Betty"). En 2005 algamó la so gran etapa profesional: apaeció nun capítulu del show de moda: "House", protagonizó tres film ("Wedding Crashers", "Dumpster" y "Crazy", estrenáu en 2006) y foi escoyíu pa interpretar al home de Jennifer Love Hewitt na serie de la CBS Ghost Whisperer. Dende l'añu 2005 hasta l'añu 2010 participó nesta serie interpretando a Jim Clancy, un home bien paciente cola so esposa, Melinda Gordon, una muyer que puede comunicase colos espíritus.

Filmografía

• Darkness (1993) como vampiru.
• Relativity- (1996) como Leo Roth.
• Under Heat (1996) como Simon.
• Blancanieve, Un Cuentu de Terror (película de 1997) (1997).
• Return to Paradise (1998) como Tony Croft.
• A Season of Miracles (1999) como'l capitán Nathan Blair.
• The Weekend (1999) como Lyle.
• Roswell (2000) como Daniel Pierce.
• Time Tunel (2002) como Doug Phillips.
• Miss Match- en 7 de los 14 episodios (2003)como Michael Mendelson.
• Homes d'honor (2000).
• L.A. Confidential (2003) como Det. Ed Exley
• Anything Else (2003) como Dr. Phil Reed
• Boston Public- 7 episodios (2003) como Dave Fields.
• Beck and Call (2004) como Matthew.
• Wedding Crashers (2005) como Trap.
• House- 1 episodiu (2005) temporada 1x9 Non RCP.
• Ghost Whisperer 2005-2010 como Jim Clancy, maríu de Melinda Gordon (Jennifer Love Hewitt).
• Crazy (2008) como Ryan Bradford.
• Follow de Prophet (2009) como Roger Colden.
• Call of Duty: Black Ops (2010) (voz) Axente especial Weaver.
• Think of me (2011)
• An Entire Body (2011) como Ted.
• CSI (2011)
• Agents of S.H.I.E.L.D. (2013)- episodiu 3 y 12 como Ian Quinn
• Castle (2015) - episodiu 18, 7 temporada como Frank Kelly.

Intereses

• David refugó un papel en “Deep Impact” y en “Boogie Nights”, porque quería concentrase nel teatru.

• Na producción de “Henry IV” en 2005, zarapicó y rompióse un güesu de la mano mientres faía la so entrada n'escena.

• Nel añu 2006 foi nomáu como l'home más sexy de la televisión por TV Guide.

Enllaces esternos

• David Conrad na Internet Movie Database (n'inglés)

• Datos: Q551411