David Prowse

David Prowse
Vida
Nacimientu	Bristol, 1 de xunetu de 1935
Nacionalidá	Reinu Xuníu
Muerte	Londres, 28 de payares de 2020 (85 años)
Estudios
Estudios	Bristol Grammar School (en)
Llingües falaes	inglés
Oficiu
Oficiu	actor, actor de cine, llevantador de peses, actor de televisión
	Participante Xuegos de la Mancomunidá de 1962 ;
Premios	ver miembru de la Orde del Imperiu británicu ;
IMDb	nm0001190
	darthvader-starwars.com

David Prowse (1 de xunetu de 1935, Bristol – 28 de payares de 2020, Londres) foi un campeón d'halterofilia y actor británicu. Ye conocíu particularmente pola so interpretación del papel de Darth Vader na saga orixinal de Star Wars, filmada ente 1976 y 1982.

Darth Vader

Foi escoyíu pa esti papel pola so constitución física (1,96 metros d'altor y 118 kg de pesu), pero George Lucas decidió prescindir de la so voz, grabando la del actor James Earl Jones percima de la de Prowse. Según declaró más tarde el mesmu Prowse, nun supo d'esta sustitución hasta la mesma sesión d'estrenu de la película.

Lucas declaró que quería pal personaxe de Vader una voz "más escura" que Prowse nun yera capaz d'apurri-y y que nunca tuvo cuenta de usar la voz orixinal de Prowse. Nuna entrevista filmada en 2004, Carrie Fisher, l'actriz qu'interpretó a la Princesa Leia na mesma saga, declaró que nel rodaxe moteyaben a Prowse "Darth Farmer" (un xuegu de pallabres nel que s'incluyía'l términu "granxeru") por cuenta del so pocu intimidante acentu del oeste d'Inglaterra.

Nes escenes finales de llucha con sable de lluz ente Vader y Luke Skywalker (Mark Hamill) en Return of the Jedi (1983) Prowse, que nun yera un espadachín bien arteru (siguía rompiendo les banielles que s'interponíen nos sables de lluz), foi sustituyíu nel combate pol coreógrafu de la escena, doble d'aición y entrenador d'esgrima Bob Anderson.

De la mesma, Prowse foi reemplazáu pol actor británicu Sebastian Shaw como'l personaxe detrás de la mázcara en dicha película, anque Shaw namái participó per unos curtios minutos cola so propia voz.

Una escena inconsistente na edición remasterizada en 2004, asocede cuando se sustitúi a Shaw por un mozu Anakin Skywalker como una pantasma de la Fuercia ensin el traxe negru habitual de la primer triloxía (papel asumíu por Hayden Christensen na saga más recién), namái pa dar continuidá a la hestoria.

De tal forma, nun apaecen la voz nin la cara de Prowse en nenguna de los trés películes que protagonizó.

Otros papeles

Nel Reinu Xuníu, Prowse yá yera un home conocíu enantes pol so papel na campaña educativa "L'Home Verde", qu'enseñaba a los neños a cruciar la cai con seguridá, y que se caltuvo activa dende 1971 hasta 1990. David Prowse recibió la Orde del Imperiu Británicu nel añu 2000 como compensa pol so esfuerciu cívicu.

Tamién tuvo un papel como guardaespaldes en A Clockwork Orange (1971). Encarnó al Bisarma de Frankenstein en trés causes: Casino Royale (1967), The Horror of Frankenstein (1970) y Frankenstein and the Monster from Hell (1974).

En 2015 Toni Bestard y Marcos Cabotà estrenen el documental "I Am Your Father" onde espliquen el porqué de la eliminación de David Prowse nos creitos de la mítica saga Star Wars, en forma de merecíu homenaxe a la desconocida cara del intérprete de Darth Vader.

Otres actividaes

David Prowse entrenó a Christopher Reeve pal so papel na primer película de Superman (1978). Foi munches vegaes campeón d'halterofilia en Gran Bretaña, y representó al so país nos Xuegos de la Mancomunidá de 1962 (naquella dómina llamaos del Imperiu Británicu y de la Commonwealth), celebraos en Perth, Australia.

Participó en dalgún sketch del show de Benny Hill escontra 1969.

Ye dueñu d'un ximnasiu en Londres.

Dende la so participación na saga Star Wars, David Prowse estremóse del mundu del cine y concentróse nel so ximnasiu, amás de realizar obres benéfiques pa neños y enfermos de cáncer.

Problemes de salú

Prowse sufrió d'artritis la mayor parte de la so vida. Los primeros síntomes manifestáronse cuando cuntaba trece años, anque paecieron sumir mientres se dedicó a l'halterofilia profesional. Sicasí, en 1990 volvieron apaecer, llevándo-y a sufrir delles intervenciones quirúrxiques.

En 2001, el so brazu esquierdu quedó paralizáu y pocu dempués tamién el so brazu derechu. A partir d'esi momentu, collaboró con distintes organizaciones d'enfermos d'artritis nel Reinu Xuníu.

En marzu de 2009 reveló a los medios londinenses que carez un cáncer prostáticu.

Filmografía parcial

Añu	Títulu	Personaxe	Notes
1967	Casino Royale	Bisarma de Frankenstein	Ensin acreitar
1968	Hammerhead	George
1970	The Horror of Frankenstein	The Monster
1971	Up Pompeii	Muscular Man	Ensin acreitar
1971	Up the Chastity Belt	Sir Grumbel
1971	Carry On Henry	Bearded torturer
1971	A Clockwork Orange	Julian
1972	Vampire Circus	Strong man
1973	Black Snake	Jonathan Walker
1973	White Cargu	Harry
1974	Frankenstein and the Monster from Hell	Monster
1974	Callan	Arthur
1977	Star Wars	Darth Vader
1977	Jabberwocky	Red Herring and Black Knights
1977	The People That Time Forgot	Executioner
1980	The Empire Strikes Back	Darth Vader
1983	Return of the Jedi	Darth Vader
2004	Saving Star Wars	Dave Prowse
2005	Ravedactyl: Project Evolution		Film curtiu
2006	Perfect Woman
2010	The Kindness of Strangers	Frank Bryan
2015	I Am Your Father	David Prowse	Documental

Referencies

↑ URL de la referencia: https://www.nytimes.com/2020/11/29/movies/dave-prowse-dead.html.
↑ URL de la referencia: https://www.lemonde.fr/disparitions/article/2020/11/29/l-acteur-britannique-dave-prowse-qui-a-incarne-dark-vador-est-mort-a-l-age-de-85-ans_6061543_3382.html. Cita: L’acteur britannique Dave Prowse, qui a incarné le personnage de Dark Vador dans la première trilogie de « La Guerre des étoiles », est mort samedi 28 novembre. Editorial: Le Monde. Collaborador(es) d'una obra creativa: Agence France-Presse.

Enllaces esternos

Páxina oficial de David Prowse
David Prowse na Internet Movie Database (n'inglés)

[31aee5efc6f72a9a3bd0e4ee906ab9a10cd84926-1] URL de la referencia: https://www.nytimes.com/2020/11/29/movies/dave-prowse-dead.html.

[cb9341bae417999a91bfc30ea7fc55015a535d8c-2] URL de la referencia: https://www.lemonde.fr/disparitions/article/2020/11/29/l-acteur-britannique-dave-prowse-qui-a-incarne-dark-vador-est-mort-a-l-age-de-85-ans_6061543_3382.html. Cita: L’acteur britannique Dave Prowse, qui a incarné le personnage de Dark Vador dans la première trilogie de « La Guerre des étoiles », est mort samedi 28 novembre. Editorial: Le Monde. Collaborador(es) d'una obra creativa: Agence France-Presse.

[1]

[2]