Decrux o Delta Crucis (δ Cru / HD 106490) ye la cuarta estrella más brillosa na constelación de la Cruz del Sur con magnitú aparente +2,77. El términu Decrux nun ye más qu'una contraición ente la lletra griega de la so denominación de Bayer Delta y Crux, la constelación de la que forma parte.

Ficha d'oxetu celesteDecrux
estrella[1]
Datos d'observación
Ascensión reuta (α) 183,78631968542 °[2]
Declinación (δ) −58,74892692667 °[2]
Distancia a la Tierra 86,0267 pc
Magnitú aparente (V) 2,752 (banda V)
Magnitú absoluta −3,2
Constelación Crux[5]
Velocidá de rotación 210 km/s[6] y 218 km/s[7]
Velocidá radial 22,2 km/s[8]
Parallax 11,6243 mas[3]
Radiu 8 Radius solars
Tipu espectral B2IIIvar[9]
Otros nomes
Cambiar los datos en Wikidata

Coordenaes: Sky map 12h 15m 8.717s, -58° 44 56.137

Decrux ye una estrella blancu-azulada de tipu espectral B2IV con una temperatura de 22.550 K. La so lluminosidá, incluyida la radiación emitida nel ultravioleta, ye 5600 vegaes mayor que la del Sol. Tien una masa 8,5 vegaes mayor que la masa solar y una edá inferior a 30 millones d'años. Anque pol so espectru ta clasificada como una estrella subxigante —implicando qu'apocayá remató la fusión d'hidróxenu—, la so temperatura y lluminosidá indiquen que namái ta na metá de la so etapa de combustión d'hidróxenu, ensin que se sepa la causa d'esta anomalía.

El so tipu espectral y la distancia —unos 360 años lluz— son similares a los d'Acrux (α Crucis) y Becrux (β Crucis), y piénsase que les trés estrelles tienen un orixe común anque nun tean gravitacionalmente xuníes. Al igual que Becrux, ye una estrella variable del tipu Beta Cephei, con un pequeñu cambéu na so lluminosidá con un periodu de 3,7 hores.

Decrux figura na bandera nacional de Brasil, na que representa al estáu de Minas Gerais.

ReferenciesEditar

Coordenaes:   12h 15m 8.717s, -58° 44 56.137

  1. Afirmao en: SIMBAD.
  2. 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  3. 3,0 3,1 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
  4. «Catálogo Tycho-2». Astronomy and Astrophysics:  páxs. 27–30. 2000. 
  5. Afirmao en: VizieR. Llingua de la obra o nome: inglés.
  6. Afirmao en: A catalogue of stellar rotational velocities. Páxina: 1. Llingua de la obra o nome: inglés. Data d'espublización: 1970.
  7. Afirmao en: Catalogue of rotational velocities of the stars. Llingua de la obra o nome: inglés. Data d'espublización: xunu 1970.
  8. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  9. Afirmao en: Spectral classification of Southern fundamental stars. Páxina: 1. Data d'espublización: 1962.