Delta Trianguli

estrella

Delta Trianguli (δ Trianguli / δ Tri / 8 Trianguli) ye una estrella de la constelación de Triangulum de magnitú aparente +4,84. Ye una binaria espectroscópica que s'atopa relativamente próxima a la Tierra, a 35 años lluz de distancia. Forma parte de l'Asociación estelar de Zeta Herculis.

Ficha d'oxetu celesteDelta Trianguli
Datos d'observación
Ascensión reuta (α) 34,263480781838 °[1]
Declinación (δ) 34,224234290235 °[1]
Distancia a la Tierra 11,0078 pc
Magnitú aparente (V) 4,87 (banda V)
Magnitú absoluta 4,69
Constelación Triangulum[3]
Velocidá de rotación 5,5 km/s[4]
Velocidá radial −6,32 km/s[1]
Parallax 90,845 mas[1]
Tipu espectral G0V[5]
Otros nomes
Cambiar los datos en Wikidata

Coordenaes: Sky map 2h 17m 3.235s, 34° 13 27.243

La estrella principal del par, Delta Trianguli A, ye una nana mariella de tipu espectral G0.5V y 5900 K de temperatura. Relluma con una lluminosidá ente 0,8 y 1,1 vegaes la que tien el Sol y el so radiu ta entendíu ente 0,86 y 0,98 radios solares —los númberos difieren según autores—. La so masa ye igual, o llixeramente cimera, a la del Sol.

Dada la proximidá ente los dos componentes del sistema, el tipu espectral de Delta Trianguli B nun ye bien conocíu. Menos lluminosa que'l Sol, el so tipu espectral paez tar entendíu ente K4 y G9, con una lluminosidá en redol a un terciu de la lluminosidá solar. Anque'l sistema nun puede ser resueltu visualmente, la órbita foi calculada a partir d'observaciones d'interferometría. La separación ente les dos estrelles ye de namái 0,106 UA, menos d'un terciu de la distancia esistente ente Mercuriu y el Sol. Completen la órbita, práuticamente circular, en 10,02 díes.

La estrella que s'atopa más próxima al sistema estelar Delta Trianguli ye GJ 3147, nana colorada a 1,8 años lluz.

Ver tamiénEditar

ReferenciesEditar

Coordenaes:   2h 17m 3.235s, 34° 13 27.243

  1. 1,0 1,1 1,2 1,3 1,4 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  2. Afirmao en: SIMBAD.
  3. Afirmao en: VizieR. Llingua de la obra o nome: inglés.
  4. «Abundances in the local region. II. F, G, and K dwarfs and subgiants». The Astronomical Journal (1):  páxs. 21–21. 21 avientu 2016. doi:10.3847/1538-3881/153/1/21. 
  5. «The Physical Basis of Luminosity Classification in the Late A-, F-, and Early G-Type Stars. I. Precise Spectral Types for 372 Stars» (n'inglés). The Astronomical Journal (4):  páxs. 2148–2158. abril 2001. doi:10.1086/319956.