Dentex dentex
El dentón[2] (Dentex dentex) ye una especie de pexe de la familia de los espáridos, común nel Mar Mediterraneu.
Dentex dentex dentón  | ||
|---|---|---|
,_franja_marina_Teno-Rasca,_Tenerife,_Espa%C3%B1a,_2022-01-08,_DD,_DD_64.jpg) | ||
| Estáu de caltenimientu | ||
 Vulnerable (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Actinopterygii | |
| Orde: | Perciformes | |
| Familia: | Sparidae | |
| Xéneru: | Dentex | |
| Especie: |
D. dentex L., 1758 | |
| Distribución | ||
 | ||
| Consultes | ||
| [editar datos en Wikidata] | ||
Morfoloxía
editarLos adultos pueden algamar hasta 100 cm de llargor, con un pesu máximu d'unos 14 kg.[3]
Tien una piel color gris verdosu nos xuveniles y gris acoloratáu n'adultos, con pintes azulaes brilloses y dacuando unes rayes escuru a tresversal. Tien una llarga y única aleta dorsal con radios espinosos que puede plegar nun riegu escondiéndola. Pa capturar les sos preses tien cuatro fuertes caniles nun dentame ensin molares -anque nun resulta peligrosu pa los humanos-.
Hábitat y bioloxía
editarEspárdese pel Atlánticu este, dende les islles Britániques a Mauritania, escepcionalmente hasta Senegal, Canaries y Madeira, y per tol Mediterraneu, onde ye relativamente común nes mariñes d'España y norte d'África.[4] El so hábitat ye bentopeláxicu, ente 0 y 200 m de fondura pero preferentemente a menos de 50 m, escondíu sobre fondu predresu o de sable.[5] Los xuveniles son gregarios y viven en bálamos cercanos a la oriella, pero los adultos son solitarios y suelen tar a más fondura.[6]
Ye un voraz depredador que caza a la chisba, permaneciendo escondíu a la espera de que pase una presa. Aliméntase principalmente de pexes, cámbaros y moluscos, siendo la so comida preferida'l calamar.
Tocantes a la reproducción dellos individuos nuevos son hermafrodites, pero al crecer tienen sexos separaos. L'apareamientu con fecundación esterna tien llugar cerca de la oriella, eclosionando los canesbes a los trés díes de la puesta.[7]
Pesca y gastronomía
editarEnsayóse con bastante ésitu'l so cultivu en acuicultura, con un bon potencial pal futuru.[5]
Davezu consúmese na gastronomía española, fácil d'atopar nos mercaos.
Referencies
editar- ↑ Carpenter, K.E. y Russell, B. (2014). «Dentex dentex. The IUCN Red List of Threatened Species.» (inglés). Llista Roxa d'especies amenazaes de la UICN 2015.2.. Consultáu'l 08 setiembre 2015.
- ↑ URL de la referencia: http://www.sabencia.net/nomenclator.php.
- ↑ IGFA, 2001 Database of IGFA angling records until 2001.
- ↑ Bauchot, M.L. y J.C. Hureau, (1986) Sparidae. p. 883-907.
- ↑ 5,0 5,1 Frimodt, C., 1995 Multilingual illustrated guide to the world's commercial warmwater fish.
- ↑ Efthimiou, S., 1996 Performance of juvenile and ongrowing common dentex (Dentex dentex), L. 1758, Sparidae) in relation to nutrition under culture.
- ↑ Bertolini, F., U. D'Ancona, E. Padoa Montalenti, S. Ranzi, L. Sanzo, A. Sparta, E. Tortonese y M. Vialli, (1956) "Uova, larve e stadi giovanili di Teleostei".
Enllaces esternos
editarBibliografía
editar- El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.
| Wikispecies tien un artículu sobre Dentex dentex. |
Datos: Q143503
Multimedia: Dentex dentex
Especies: Dentex dentex
