Derby
Derby ye una ciudá de la rexón inglesa d'East Midlands. Asítiase na fastera meridional del condáu de Derbyshire, a la vera'l ríu Derwent. Tenía, según el censu de 2001, una población de 233.700 habitantes, que facíen d'ella la decimoctava ciudá más grande d'Inglaterra.
 Derby | |
|---|---|
 | |
| Alministración | |
| Monarquía na Mancomunidá |  Reinu Xuníu |
| Nación constitutiva |  Inglaterra |
| Rexones | East Midlands |
| Condáu ceremonial | Derbyshire |
| Autoridad unitaria | City of Derby [[File:Arbcom ru editing.svg |
| Tipu entidá | ciudá |
| Xeografía | |
| Coordenaes | 52°55′N 1°28′O / 52.92°N 1.47°OCoordenaes: 52°55′N 1°28′O / 52.92°N 1.47°O |
  Derby Derby (Reinu Xuníu) | |
| Superficie | 78 km² |
| Llenda con |
Duffield  |
| Demografía | |
| Población | 255 394 hab. (2011) |
| Porcentaxe |
100% de City of Derby |
| Densidá | 3274,28 hab/km² |
| Más información | |
| Prefixu telefónicu |
01332 |
| Estaya horaria | Tiempu mediu de Greenwich y UTC±00:00 |
| Llocalidaes hermanaes |
Osnabrück y Toyota |
| www.derby.gov.uk/ | |
| |
La población, que tien l'estatus de ciudá dende 1977, tien más de dos mil años d'historia. Lo que foi un campamentu romanu (nomáu Derventio), y dempués un asentamientu de saxones y viquingos, tuvo un papel destacáu, munchos años dempués, na Revolución Industrial inglesa. Nella construyóse, en 1717, la primer fábrica de seda movida por enerxía hidráulico que se fizo n'Inglaterra. En 1840 aportó a ella'l ferrocarril, que foi l'impulsor definitivu del so espoxigue.
Anguaño, amás de tener una de les estaciones nodales de la rede ferroviaria inglesa, ye un centru industrial d'importancia, con fábriques de componentes d'aviación (Rolls Royce) y d'automoción (Toyota). Ye, tamién, el llar del bancu Egg, el mayor del mundu de los que nun operen namái que per Internet, y de la Royal Crown Derby Porcelain Company, que fabrica porzolana chino de gran calidá dende mediaos del sieglu XVIII.
