Dolors Montserrat
Dolors Montserrat Montserrat (18 de setiembre de 1973, Sant Sadurní d'Anoia) ye una abogada y política española, foi ministra de Sanidá, Servicios Sociales ya Igualdá d'España. Amás, ye diputada al Congresu de los Diputaos na ix, x y xi llexislatures de les Cortes Xenerales por Barcelona.[2] Ye fía de la empresaria, y tamién política del PP, Dolors Montserrat Culleré.
.svg){kind=small}
Biografía
editarDolors Montserrat estudió na so ciudá natal, anque terminó los sos estudios preuniversitarios nos Estaos Xuníos. Darréu llicencióse en Derechu pola Universidad Abad Oliva-CEU de Barcelona, máster na Escuela de Práutica Xurídica del Colexu d'Abogaos de Barcelona y exerz dende 1997 con despachu propiu especializáu en Derechu Urbanísticu, inmobiliariu y ambiental. Tamién realizó un Programa de Derechu Agrariu Comuñal impartíu pola Universidá de Ferrara (Italia), un posgráu en Derechu Urbanísticu ya Inmobiliariu impartíu pola Universidá Pompeu Fabra, un posgráu de Mediación y Negociación impartíu pola Universidá de Barcelona, un programa de Derechu Inmobiliariu y Urbanísticu impartíu por ESADE y un programa de Direición d'empreses Inmobiliaries impartíu por IESE.
Foi conceyal y voceru del Partíu Popular nel Conceyu de Sant Sadurní d'Anoia dende 2007, miembru del Comité Executivu del PP de Cataluña y diputada pola provincia de Barcelona a les eleiciones xenerales españoles de 2008 y de 2011. Na X llexislatura ocupó, dende'l 13 d'avientu de 2011, la vicepresidencia tercer del Congresu de los Diputaos.[3] En mayu del 2012 aportó a la Vicesecretaría d'Organización y Aición Social del PP de Cataluña, na remodelación de la direición resultante de la so 13º Congresu.[4]
Foi presidenta de la Xunta de los Mozos Cofrades del Cava de Sant Sadurní d'Anoia.[5]
El 4 de payares de 2016 xuró'l so cargu como ministra de Sanidá, Servicios Sociales ya Igualdá nel gobiernu de Mariano Rajoy.
Nes eleiciones catalanes del 21 d'avientu de 2017 cerró, de forma simbólica, la candidatura del Partíu Popular al Parlament de Catalunya.
La so xestión integral al frente del ministeriu de Sanidá, Servicios Sociales ya Igualdá foi refiertada pol Congresu de los Diputaos el 29 de mayu de 2018.[6]
Referencies
editar- ↑ Afirmao en: Diputados al Parlamento Europeo. Identificador de diputado europeo: 197711. Llingua de la obra o nome: distintes llingües.
- ↑ «Perfil al Facebook».
- ↑ «Trés catalans formaren part de la nova Mesa del Congrés (en catalán)».
- ↑ «Dolors Montserrat Montserrat i Enric Millo guanyen pes na nova direcció del PP». ara.cat, "05-05-2012". (en catalán)
- ↑ Ficha del Congresu de los Diputaos
- ↑ Borraz, Marta (29 de mayu de 2018). «El Congresu refierta a la ministra de Sanidá ya Igualdá poles "faltes y neglixencies" de la so xestión». Eldiario.es. https://www.eldiario.es/sociedad/Congreso-Sanidá-Igualdá-faltes-neglixencies_0_776573303.html.
Enllaces esternos
editar
Wikimedia Commons acueye conteníu multimedia sobre Dolors Montserrat.- Referencia nel periódicu La Vanguardia Archiváu 2019-09-09 en Wayback Machine
- Artículu sobre Dolors Montserrat nel ABC
Datos: Q11917597- Multimedia: Dolors Montserrat
