Dominador Baldomero Bazán

Dominador 'Kaiser' Baldomero Bazán (13 d'avientu de 1937 – 8 d'agostu de 2006, Ciudá de Panamá) foi un políticu y empresariu panamiegu. Foi segundu vicepresidente de Panamá dende'l 1 de setiembre de 1999 hasta'l 30 d'agostu de 2004 mientres el gobiernu de Mireya Moscoso.

Dominador Baldomero Bazán
Vida
Nacimientu	13 d'avientu de 1937
Nacionalidá	Panamá
Muerte	Ciudá de Panamá, 8 d'agostu de 2006 (68 años)
Estudios
Llingües falaes	castellanu
Oficiu	políticu

Graduóse na academia militar de West Point en 1961 y llogró una maestría n'Inxeniería Civil na Universidá de Stanford en 1962. Foi edecán presidencial, amestáu militar y miembru alternu ante la Xunta Interamericana de Defensa en Washington.

En 1963 foi nomáu viceministru d'Obres Públiques y en 1968 foi electu diputáu pol Partíu Republicanu. Mientres el réxime militar (1984 - 1989) foi embaxador de Panamá nos Estaos Xuníos, direutor de la Caxa de Seguru Social y ministru de Rellaciones Esteriores. Foi asesor del presidente Eric Arturo Delvalle (1988) y convirtióse nuna figura opositora al réxime del xeneral Manuel Antonio Noriega (1987 - 1989).

Como empresariu foi presidente de dellos gremios como la Cámara de Comerciu, Expocomer, Cámara Panamiega de la Construcción y el Conseyu Nacional de la Empresa Privada.

Finó en 2006 nun accidente automovilísiticu nel Corredor Norte.

Enllaces esternos

• Quién ye quién nes nómines presidenciales. La Crítica. 17 de xineru de 1999.

• Datos: Q5290283