Don Scardino

Donald Joseph Scardino (17 de febreru de 1949, Nueva York), conocíu como Don Scardino, ye un actor, direutor y productor de televisión d'Estaos Xuníos.

Don Scardino
Vida
Nacimientu	Nueva York, 17 de febreru de 1949 (75 años)
Nacionalidá	Estaos Xuníos
Llingua materna	inglés
Familia
Casáu con	Pamela Blair
Estudios
Llingües falaes	inglés
Oficiu	actor, direutor de cine, actor de teatru, actor de televisión, direutor de teatru, actor de cine
IMDb	nm0769135

Carrera

Actuación

Nacíu na ciudá de Nueva York, Scardino empezó la so carrera como actor. El so primer creitu en Broadway foi como suplente na obra The Playroom de 1965. Otros de los sos trabayos en Broadway son Johnny Non-Trump, Godspell y King of Hearts. Tamién participó en producciones off-Broadway como The Rimers of Eldritch, La comedia de les equivocaciones, Moonchildren y I'm Getting My Act Together and Taking It on the Road. Amás del teatru, foi protagonista nel clásicu de cine B de terror Squirm (1976). Ente los años 1991 y 1996, trabayó como direutor d'arte en Playwrights Horizons, un teatru off-Broadway. En televisión, apaeció en telenoveles como Guiding Light, All My Children, Love Is a Many Splendored Thing y Another World, y les series primetime La pantasma y la señora Muir y Audacia ye'l xuegu. Formó parte del repartu de la película Cruising (1980), xunto a Al Pacino.

Direición

Dempués del so trabayu como actor en telenoveles, Scardino empezó a dirixir en televisión. Dirixó episodios de Another World, One Life to Live y All My Children. Siguió dirixendo obres en direutu en Broadway y off-Broadway, incluyendo l'estrenu mundial de A Few Good Men d'Aaron Sorkin. El so trabayu en televisión ye estensu, notable pola so direición de la serie risible de la NBC 30 Rock. Como direutor de cine'l so trabayu inclúi títulos como Me & Veronica y Advice from a Caterpillar. Darréu dirixó la comedia de magos The Incredible Burt Wonderstone, protagonizada por Steve Carell, Jim Carrey y Steve Buscemi.

Vida privada

Scardino tuvo casáu cola actriz Pamela Blair ente 1984 y 1991. Anguaño ta casáu cola pintora Dana L. Williams.

Creitos selectos como direutor

• The Incredible Burt Wonderstone (2013)
• Rescue Me (2007)
• 30 Rock (2006–)
• Hope & Faith (2004–06)
• Oldest Living Confederate Widow Tells All (obra de Broadway, 2003)
• Law & Order: Criminal Intent (2002–03)
• Ed (2002–03)
• The West Wing (2000)
• Cosby (1998–2000)
• Law & Order (1991–2006)
• A Few Good Men (obra de Broadway, 1989)
• The Days and Nights of Molly Dodd (1988–1991)

Enllaces esternos

• Don Scardino na Internet Movie Database (n'inglés)
• Don Scardino na Internet Broadway Database (n'inglés)
• Don Scardino n'Internet Off-Broadway Database (inglés)

• Datos: Q2745262