Dong Xian

Dong Xian (23 de edC – xineru de edC) foi un políticu Han que s'alzó dende'l so puestu d'oficial menor hasta ser el más altu funcionariu de l'alministración imperial del Emperador Ai, en tan solo unos años.

Dong Xian
Vida
Nacimientu	23 de edC
Nacionalidá	Dinastía Han
Muerte	xineru de edC (21/22 años)
Causa de la muerte	suicidiu
Familia
Padre	Dong Gong
Pareyes	Liu Xin
Hermanos/es	Dong Zhaoyi
Oficiu	políticu

La mayoría d'historiadores concuerden en que la rápida ascensión de Dong debióse a la so rellación personal col Emperador Ai, probablemente de índole sexual, más que poles sos capacidaes. Dambos homes taben casaos, pero l'Emperador Ai, siquier, nun tenía fíos.

Un términu tradicional para homosexualidá en chinu ye duanxiu zhi pi (斷袖之癖, lliteralmente, "pasión de la manga cortada"), deriváu d'un episodiu qu'implica a Dong y l'Emperador. De cutiu dormíen el pigazu xuntos na mesma estera de paya, lo cual na antigua China nun indicaba necesariamente una rellación sexual. Una tarde, cuando l'emperador espertó, Dong inda dormía, y el soberanu tenía una manga so la cabeza de Dong. Pa nun espertalo, l'Emperador Ai cortó la so manga para dexar a Dong dormiendo sele.

Carrera temprana

Nun ta claro cuando Dong se convirtió nun funcionariu de la corte pero sí sábese que al empezar el reináu del Emperador Ai (7 a.C a 1 a.C), Dong yera un secretariu imperial menor (郎, lang), y yera un colega del eruditu confucianu póstumamente famosu Yang Xiong.

Escontra 4 a.C, con 19 años, yera un asistente imperial (侍中, shizhong) y el director de les operaciones equines imperiales (駙馬都尉), fuma duwei. (Nes dinastíes posteriores, esti convirtióse nun títulu para los homes de les princeses. Anque esto entá nun yera asina mientres la dinastía Han ,y,  de toes formes, claramente Dong nun se casó con una princesa.) La so rellación col Emperador Ai dexaría-y de sópitu aumentar el so poder y prestíu.

Rellación col Emperador Ai y rápidu ascensu al poder

Escontra 4 a.C, Dong convirtióse en favoritu del Emperador Ai. Descríbese que siempres que l'Emperador Ai visitaba sitios fuera del palaciu, Dong acompañábalu, y una vegada l'Emperador tornaba a palaciu, atendíalu personalmente. L'Emperador Ai premiólu con grandes sumes de cuartos. A la esposa de Dong concedióse-y un permisu ensin precedentes para entrar y salir de palaciu cuando deseyara, y ella  estableció con Dong una residencia dientro de la cortil palaciega. L'Emperador Ai tamién escoyó a la hermana de Dong como Consorte Imperial (col prestixosu títulu de zhaoyi (昭儀)), xusto detrás nel rangu del harén imperial, de la so esposa principal la Emperatriz Fu. Los trés miembros de la familia Dong calteníense día y nueche cabo del emperador. El padre de Dong, Dong Gong (董恭), foi nomáu ministru de los suministros de palaciu y foi creáu marqués suplente (關內侯).

L'Emperador Ai ordenó al arquiteutu imperial construyir una luxosa residencia para Dong xusto pela rodiada del Palaciu Weiyang, el palaciu imperial principal. La residencia foi descrita tan espaciosa como'l mesmu palaciu. Tamién dio a Dong les meyores armes y xoyes precioses de l'Ayalga Imperial -tantu, que de cutiu lo que Dong llucía yera entá más preciosu que lo que'l mesmu emperador utilizaba. Amás, los instrumentos para'l futuru entierru imperial fueron preotorgados a Dong en preparación para'l so eventual entierru, y la tumba de Dong foi construyida al pie de la del Emperador Ai.

Para 3 a.C, l'Emperador Ai quería noma-y marqués, pero nun atopaba nenguna bona escusa para faelo. A suxerencia d'un miembru del clan de la so güela, Fu Jia (傅嘉), entamaron un plan. En 4 a.C, los informantes Xifu Gong (息夫躬) y Sun Chong (孫寵) al traviés del eunucu Hong (宋弘), informaron que Liu Yun (劉雲), el Príncipe de Dongping, practicaba bruxería; como resultancia, el Príncipe Yun foi degradáu al estatus de plebeyu y suicidóse. L'Emperador Ai anunció que la trama fuera informada al traviés de Dong, non de Sun, y entós los trés: Dong, Xifu, y Sun fueron nomaos marqueses, a pesar de les oxeciones del Primer ministru Wang Jia.

Un ciertu númberu de funcionarios clamiaron al Emperador Ai que nun compensara por demás a Dong, y sufrieron por ello. Nun hai la menor evidencia de que Dong tuviera detrás d'estos castigos; más bien paez que l'Emperador ofendióse personalmente porque esos funcionarios atacaron al so amante. Los funcionarios yeren:

• Zheng Chong (鄭崇), el secretariu xeneral de palaciu, quién foi arrestáu y morrió en prisión en 3 a.C.; el gobernador de la provincia capital, Sun Bao (孫寶), qu'intentó lliberar a Zheng, foi releváu del so cargu.
• Wujiang Long (毋將隆), el xefe de seguridá de la capital Chang'an, quién se negó a tresferir les armes a Dong, foi degradáu al puestu de xefe de seguridá de la Comandancia de Pei.
• Wang Jia (王嘉), el primer ministru, quién en delles ocasiones intentó torgar que Dong fuera nomáu marqués y promovíu; foi encarceláu y suicidóse en prisión en 2 a.C; el mesmu tíu del Emperador Ai, Ding Ming (丁明), el comandante de les fuerces armaes, quién yera amigu de Wang y llamentaba la so muerte, foi releváu del so cargu y tornáu al so principáu.

Aun así, Wang Hong (王閎), un asistente imperial y sobrín nietu de la Magnífica Emperatriz Viuda Wang Zhengjun, la abuelastra  del Emperador Ai, quién tamién realizó pidimientos similares al emperador, nun foi castigáu (porque la so valentía impresionó al soberanu)) pero tampoco escucháu.

A finales de 2 a.C, dempués de que'l socesor de Ding Ming, Wei Shang (韋尚), morrió d'enfermedá, l'Emperador Ai nomó a Dong, de 22 años, el nuevu comandante de les fuerces armaes (大司馬, da torca) - una de les Trés Excelencies, xunto col primer ministru (大司徒, da situ), l'esaminador principal (大司空, da sikong) - y el xefe de seguridá de la capital. L'edictu dicía:

El Cielu diote pa ser l'ayudante de la dinastía Han. Conozo la to fidelidá, y espero que puedas emponer los grandes asuntos del imperiu y siguir lo que ye bonu

La redacción del edictu asonsañaba la del supuestamente redactáu pol llexendariu Emperador Yao, cuando pasó'l so tronu al Emperador Shun, y sorprendió ya impresionó a tolos que lo lleeron.

A pesar del so ascension a tan altu cargu, Dong siguió acompañando al Emperador Ai en tou momentu en palaciu, ensin ocupase de los asuntos importantes que'l so cargu riquía que remanara. Coles mesmes, el so padre Dong Gong foi promovíu a un cargu honorariu y el so hermanu más nuevu Dong Kuanxin (董寬信) sustituyólu como'l director de les operaciones equines imperiales. Munchos otros miembros del clan Dong fueron nomaos asistentes imperiales o viceministros.

Muerte

Nel branu de 1 a.C, l'Emperador Ai morrió de sópitu ensin herederu. Dong Xian, comandante de les fuerces armaes, y el más altu funcionariu de la corte, quedó paralizáu énte esti acontecimientu repentín. La Magnífica Emperatriz Viuda Wang actuó con decisión; entró al Palaciu Weiyang y garró'l sellu imperial. Depués convocó a Dong, quién sorprendíu, nun supo como actuar. La Magnífica Emperatriz Viuda convocó tamién al so sobrín Wang Mang y tresfirió el mandu de la guardia imperial de Dong a Wang.

Wang Mang ordenó entós al secretariu de palaciu emitir un artículu contra Dong, acusándolo de nun asistir al emperador cuando esti careció. Foi-y prohibida la entrada a palaciu, y a otru día foi releváu del so cargu. Pela nueche, él y la so esposa cometieron suicidiu, y fueron soterraos apriesa. Wang Mang desenterrolu pa asegurase de que taba muertu, y depués ordenó reenterrarlo nuna prisión. El clan Dong al completu foi exiliáu a Hepu (合浦, la moderna Zhanjiang, Guangdong) y los sos bienes confiscados pol Estáu.

Referencies

• Datos: Q3274909