Doris Singleton
Doris Singleton (28 de setiembre de 1919, Nueva York – 26 de xunu de 2012, Los Angeles) foi una actriz radiofónica y televisiva d'Estaos Xuníos, conocida sobremanera pol so papel de Carolyn Appleby nel show I Love Lucy.
Doris Singleton | |
|---|---|
| Vida | |
| Nacimientu | Nueva York, 28 de setiembre de 1919[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 26 de xunu de 2012[2] (92 años) |
| Sepultura | Forest Lawn Memorial Park |
| Causa de la muerte | cáncanu |
| Estudios | |
| Llingües falaes | inglés |
| Oficiu | actriz de televisión, actriz de cine, actriz, cantante |
| Instrumentu musical | voz |
| IMDb | nm0802296 |
 | |
Biografía
editarEl so verdaderu nome yera Dorthea Singleton, y nació na ciudá de Nueva York. Educada como baillarina clásica, a mediaos de los años 1930 bailló tres temporaes nel acabante formar "Ballet Theatre", más tarde conocíu como'l American Ballet Theatre. A finales de dicha década actuó como vocalista na orquesta d'Art Jarrett. La so voz, grave y personal, convirtióse nuna artista solicitada pola industria radiofónica..
Doris Singleton trabayó en Nueva York mientres la Segunda Guerra Mundial, como artista convidada y como actriz regular de distintos shows radiofónicos, ente ellos The Alan Young Show.[3]
En 1948, mientres una actuación como actriz convidada nel programa radiofónicu My Favorite Husband, ella conoció a Lucille Ball, cola cual empecipió una llarga rellación profesional. Asina, tuvo un papel recurrente en I Love Lucy, el de Carolyn Appleby, en diez episodios ente 1953 y 1957 (el personaxe foi llamáu "Lillian Appleby" na so primer apaición, pasando dempués a llamase "Carolyn Appleby").
En 1953 fixo'l so debú televisivu como Gloria Harper nel episodiu "Jungle Devil" de la serie Aventures de Superman. De casualidá, la última actuación de Singleton en I Love Lucy tuvo llugar nuna entrega actuando xunto al Superman George Reeves (episodiu 166, "Lucy and Superman"). En 1956 y 1957 actuó dos veces na sitcom de Jackie Cooper na NBC, The People's Choice.[4]
Singleton volvió trabayar con Ball en 1966 nun episodiu de The Lucy Show , "Lucy and Art Linkletter", nel cual encarnaba a Ruth Cosgrove. Nuna entrevista publicada en The Lucy Book, de Geoffrey Mark Fidelman (Renaissance Books, p. 233), Singleton revelaba qu'ella fuera contratada nun principiu pa trabayar de manera regular na tercer serie de Ball, Here's Lucy, en 1968. Ball interpretaría a una secretaria tonta, y Singleton a una más intelixente, pero la idea camudó cuando Ball decidió que'l show centrárase más na faceta familiar de Ball que na llaboral. Sicasí, Singleton actuó nel primer episodiu de la serie, "Mod, Mod Lucy",[5] y el 4 de marzu de 1974 actuó nel capítulu 22 de la sesta temporada, "Lucy Carter Meets Lucille Ball".
En 1970, Singleton foi escoyida p'actuar nun episodiu de la sitcom de l'ABC Make Room For Granddaddy (una versión anovada de The Danny Thomas Show), na cual Lucille Ball yera l'artista convidada. Nesta producción, titulada "Lucy Carter, Houseguest", Singleton yera Grace Munson, otru personaxe de I Love Lucy. La so última actuación en Here's Lucy llegó en 1974, nel episodiu "Lucy (Carter) Meets Lucille Ball". Singleton y Ball coincidieron una última vegada nel especial de 1980 Lucy Moves to NBC.[6]
Anque a Singleton siempres la reconoció pol so trabayu con Lucille Ball, los sos intereses artísticos fueron muncho más amplios. Ella actuó en numberosos programes televisivos amás de los de Ball, ente ellos Richard Diamond, Private Detective, The Dick Van Dyke Show, Pete and Gladys, Hazel, The Twilight Zone, The Munsters, The Fugitive, Dinastía, Phyllis, Los mios adorables sobrinos, Hogan's Heroes, State Trooper, y Frontier Doctor. Singleton tamién foi Susie, nel show d'Annie Fargé pa la CBS Angel, ente 1960 y 1961, y Lydia Stonehurst nel capítulu "Edith has Jury Duty" (1971) de la serie All in the Family. Otres actuaciones destacaes tuvieron llugar en dos episodios de Perry Mason, "The Crooked Candle" y "The Purple Woman".[7] Singleton consiguió amás bien bones crítiques polos sos papeles dramáticos na serie Alfred Hitchcock Presents. Otra de les producciones nes qu'actuó foi My Three Sons, interpretando a dos personaxes distintos con papeles recurrentes. Asina, na temporada 1964-1965 foi la madre de Meredith MacRae, y na 1970-1971 foi la madre de Ronne Troup. El so últimu papel importante llegó con Deadly Messages (1985), anque n'años siguientes siguió actuando en publicidá, destacando'l so trabayu pa Hills Brothers' Coffee.
Doris Singleton finó en xunu de 2012 en Los Angeles, California, por causa de los entueyos surdíos por un cáncer. Tenía 92 años d'edá.[8] Foi soterrada nel Campusantu Forest Lawn Memorial Park de Hollywood Hills. Ella yera la postrera sobreviviente del repartu adulta de los distintos shows de "Lucy" shows.
Seleición de la so filmografía
editar- Affair in Reno (1957)[9]
- Voice in the Mirror (1958)
- Amelia Earhart (1976)
- Deadly Messages (1985)
Referencies
editar- ↑ Afirmao en: SNAC. Identificador SNAC Ark: w6r33vm7. Apaez como: Doris Singleton. Data de consulta: 9 ochobre 2017. Llingua de la obra o nome: inglés.
- ↑ «Actress Doris Singleton dies». Consultáu'l 28 xunu 2012.
- ↑ Sies, Luther F. (2014). Encyclopedia of American Radio, 1920-1960, 2nd Edition, Volume 1. McFarland & Company, Inc. ISBN 978-0-7864-5149-4. P. 16.
- ↑ «el_nm_1 Doris Singleton». Internet Movie Database. Consultáu'l 6 de marzu de 2013.
- ↑ IMDb profile
- ↑ IMDb profile
- ↑ IMDb profile
- ↑ «Actress Doris Singleton Isaacs dies, Chicago Tribune» (27 de xunu de 2012). Archiváu dende l'orixinal, el 2015-11-05.
- ↑ Capitol. 24 d'abril de 1957. p. 6. http://www.newspapers.com/clip/2363002/shamokin_newsdispatch/. Consultáu'l 6 de mayu de 2015.
- Sitcom Queens: Dives of the Small Screen by Michael Karol (2005) ISBN 0-595-40251-8
Enllaces esternos
editar- Entrevista a Doris Singleton en Archive of American Television
- Doris Singleton na Internet Movie Database (n'inglés)
Datos: Q465407
