Dorothy Wilson
Dorothy Wilson (14 de payares de 1909, Minneapolis – 7 de xineru de 1998, Lompoc (es) 
) foi una actriz cinematográfica d'Estaos Xuníos que trabayó fundamentalmente nos años 30.
Dorothy Wilson | |
|---|---|
 | |
| Vida | |
| Nacimientu | Minneapolis, 14 de payares de 1909[1] |
| Nacionalidá |
 Estaos Xuníos |
| Llingua materna | inglés |
| Muerte |
Lompoc (es) , 7 de xineru de 1998[1] (88 años) |
| Sepultura | Forest Lawn Memorial Park |
| Causa de la muerte | enfermedá |
| Familia | |
| Casada con | Lewis R. Foster [2] |
| Estudios | |
| Llingües falaes | inglés |
| Oficiu | actriz, actriz de cine |
| IMDb | nm0933333 |
 | |
Wilson nació y creció en Minneapolis, de Minnesota, y camudóse a Los Angeles, de California, en rematando la so graduación. Irónicamente, nun taba interesada na actuación, y en 1930 empezó a trabayar como secretaria, amás d'apuntase a axencies d'empléu. Recibió una ufierta de trabayu de la productora RKO Pictures, y mientres dos años trabayó na compañía como secretaria. Tomando notes col direutor Gregory La Cava, ésti afitóse nella y propúnxo-y faer un test pal so filme de 1932 The Age of Consent (Mayoría d'edá). Ella consiguió unu de los papeles protagonistes, xunto a Richard Cromwell. La so actuación na película recibió bones crítiques.
Esi mesmu añu foi escoyida como una de los quince "WAMPAS Baby Stars", llista qu'incluyía a les futures lleendes de Hollywood Gloria Stuart y Ginger Rogers. Trabayó xunto a dalgunos de los grandes nomes de Hollywood, incluyendo Harold Lloyd, Richard Dix, Tom Keene, Preston Foster y Will Rogers. Actuó en venti películes ente 1932 y 1937.
En 1936 casóse col guionista Lewis R. Foster, a quien conociera mientres filmaba la película de 1934 Eight Girls in a Boat. Tres el so matrimoniu namái participó n'otros dos títulos, el postreru de los cualos, en 1937, foi Speed to Spare. Tres el mesmu retiróse con cuenta de dedicase a la so familia. Solo volvió actuar nuna ocasión, nun papel ensin acreitar nel filme de 1943 Whistling in Brooklyn. Sicasí, fixo una prueba pal papel de "Melanie Hamilton" na épica Gone with the Wind, papel que finalmente consiguió Olivia de Havilland.
Foster y ella permanecieron xuntos hasta la muerte d'él en 1974.
Notes
editarReferencies
editar
- Dorothy Wilson na Internet Movie Database (n'inglés)
- Biografía de Dorothy Wilson nel mesmu sitiu.
Datos: Q5298687
Multimedia: Dorothy Wilson
